Tuailai 2010

Tuailai 2010 cum Gospel Centenary Celebration Coordinator dohkan apan, Munchih a om unau itte Lamka Khawpi Manipur apan in Tuailai 2010 chibai ka hon buk hi. Evangelical Baptist Convention Headquarters in kum 5 hala azintun zel, Tuailai Khawmpi Lian Tuailai 2010 in ngaklah tak in hon na ngaka, tuailaiten mitsuan panta, kum thak chiangin hon phapah ding hi. Ahun sung December 2-5, 2010, amun Ebenezer Academy Compound, New Lamka hiding, chiamteh chiat ni. Tuailai 2010 akizat chiangin hun paisa a khawmpi lian te a telkha theilou amanpha mahmah leh thupi mahmah om ding hi, huai tuh Manipur Simtum lama Tanchin hoih hong lut kum 100 chinna lopna ahi. Huaiziakin, "Tuailai 2010 cum Gospel Centenary Celebration" chih a leng gen theih ahi, hiai khawmpi lian zangkha thei dinga om tuailaite, tuailai chiatchiat a leng ahampha tuanse uhi. Tuhun a tuailai hinapia hiai khawmpi zangkha lemtanglou kuahiam a omleh lenlaichan ahi ding. Tuhun a tuailai hinapia hiai khawmpi phawkkha lou, a thawmging nangawn zakha lou aom leh mi hehpihhuai ahi ding. Tuailai 2010 thawmging zakha a: tel ngeingei sawm, thumna beek a pan sawm, sum leh pai beek a pan sawm, midangte hanthawntu beek a pan sawm tute mihampha ahi uh, kuaman semkhial lou ding hi. Tuailai 2010 thupi bang atela? Tuailai khawmpi lian a kineih tengin thupi hoih pipi kiguang tou ngitnget a tuate ka hon taklangmasa lai ding. Tuailai '78 thupi "Tuailaite Khrist a di'n" Tuailai '90 thupi "Tuailaite Midangte adi'n" Tuailai '95 thupi "Tuailaite gamla di'n" Tuailai 2000 thupi "Tuailai-Mission" Tuailai 2005 thupi "Tuailaite Khawvel kheng di'n." Wow Tuailai 2010 thupi "Xtramile for Christ" chih ahitel ve. Tuhun hi Tuailaite'n Khrist a ding kia a theihtawp suah hun ahita. Aziak point nih kia i taklang ding: (i) Khawvel nopna leh minthanna zong in theihtawp i suahta ua, Siamna pilna zongin theihtawp i suahta ua, Sum leh hauhsakna zong in theihtawp i suahta ua, Nam leh gam humbitna dingin theihtawp i suahta ua, i Hondampa leh Toupa a dingin leng theihtawp suah a pan hun ahita. (ii) Khawvel in Khrist hong kilang ding muak dia kisakhawl khinphialta chih bel hun nanung a thiltung dingte kisan mahmah uhi. Setan in leng a tup leh ngimte sep manlouh khak ding lau a theihtawp suah a pangta bang hi; huaiziakin Khrist a ding kia a theihtawp suah hunta, hun lawmahmah ta hi. Tuailai 2010 Pathian hatna muanga tup leh ngim leh gahsuah dia lamette  a neihte tomchik a gen khiak in hiai a nuaia bang ahi. Aims and Objectives: 1. Tuhun toh kituak Khristian hindan kisinsakna 2. Tuhun toh kituak khalam galdoudan kisinsakna 3. Tuhun toh kituak mission nasepdan kisinsakna 4. Tuhun toh kituak pumpi kepdan kisinsakna 5. Tuhun toh kituak Biakna leh Phatna neih 6. Tuhun toh kituak khantouhna dan kisinsakna Expected Outcomes: 1. Tuailai 2010 khit chiang' tuailaiten Khrist azahtakna uh kilang ding 2. Tuailai 2010 khit chiang' tuailaiten Khrist adin theihtawp suah ding 3. Tuailai 2010 khit chiang' tuailaiten Biakna nuamsa semsem ding 4. Tuailai 2010 khit chiang' tuailaiten melma zawhna neita ding 5. Tuailai 2010 khit chiang' tuailaiten thiltup in api hinkhua nei ding Tuailai 2010 lohchinna dia panpihna dingin Toupa khut tomsak in a om kei hi, Tuailaite thumna leh ngetna zatheilou dingin a bil leng a ngong sam kei; himahleh khelhna a kibual, siangthou lou, pathian dang bemite bel Pathian leh amau kikal a om mihing deihtelna in vai ahawm nak hi. Eite bangmah theilou a i omlai in Jesu'n ei ading in extramile hong pai khin a, theihtawp suah in sihtan dong a thuak in nna hong sepsak hi. Unau nang Jesu bang na loh nuam a? Toupa'n hon vualjawl henla Tuailai 2010 chiangin kimaituah ni. Khrist a noute a, L Vungzamuan Coordinator, Tuailai 2010          TUAILAI 2010 cum GOSPEL CENTENARY CELEBRATION  Tuailai 2010 thawmging a naza pan hiauhiau ta ding in ka hon lamen ua kipahhuai. Pathian in pha asak leh Tuailai 2010 leh Tanchin hoih kum za chin lopna, December 2-5, 2010, sung Ebenezer Academy Compound, New Lamka ah zat hiding hi. Khawmpi thupi: XTRAMILE for Christ (Khrist adin theihtawpsuah ni) chih pansan in, thugenna leh kisinsakna hun duhthusam takin om ding hi. Tuailaite hiai hun nuam leh manpha zang khalou a omleh lenlaichan ahi ding. Tuailai 2010 kizang ding pen nuam lawmahmah ding ahihman in Program detail kipuangkhe ngam nailou hi. Atangpi lel en ni: I.   Biakna kikhop (Plenary): Biakna leh Thutak gaihkhiakna hun 5vei om ding:   II.  Kisinsakna (Seminar): Sinsaktute leh a thupite uh hiai a nuaiah en in: Thugentu dingte/Speakers Thupi dingte/Topics   Sinsaktute/Resource persons Athupite/Sub-Topics Rev L Kham Kho Lun, General Secretary EBC Tuhun toh kituak Khristianna (Practical Christian)   Rev Dr S Langzakham, Principal Grace Bible College Tuhun toh kituak Pumpi leh kha kikepna Rev Sam Hofmann, International Speaker Germany Tuhun toh kituak Khalam galdouna (Spiritual warfare)   Rev. B. Chinlamthang, Secy. Zonal Field Secy. NEI/IEM Tuhun toh kituak missionary nasepna  Khristian Tuailai it mahmahte aw,hiai hun  athawna mualliamsak lou dingin kisachiat ni. Mohpuakna neite'n Pathian apan pilna leh septheihna a neihna dingun thumpih ni. Tanchin hoih ziaka khovak hon petu, leivui apan hon domkangtu i Pathian thupitaka pahtawi ding in TAKKHEH! Chi'n pang chiat ni.Toupa'n hon vualzawl chiat hen.   Mr. Vungzagin Valte, Lead District Manager SBI, Manipur Tuhun toh kituak sumsinna   Mr. K. Vungzamawi, Lecturer, CCpur Govt. College Tuhun toh kituak politiks   Mr. Siamnunlian Valte, Exe. Director VK Tawna College Tuhun toh kituak nekzonna   Mr. Vumlunmang Vualnam IAS, Commissioner (Health & Family Welfare) Govt. of Manipur Tuhun toh kituak siamsinna   Rev. K Kamchinkhup, DS Mizoram EBC Tuhun toh kituak siamsinna   Mr Khamchin Tunglut Music Promoter EBC Tuhun toh kituak Biakna leh Phatna III.   Tanchin hoih kum za chin lopna (Gospel Centenary Celebration): Manipur simtum lama Tanchin hoih hong lut ziaka kipahna sousang takin soukhe ding, hiai in Tuailai 2010 program hihthupi tuan mahmah ding hi. IV.   Tuailai 2010 Executive Committee: Adviser:  Rev L Kham Kho Lun.  Chairman:  Rev Dr Luaichinthang.  Vice Chairman:  Rev V Thangkhangin.  Secretary:  Rev Paukhanmang Guite.  Finance Secretary:  Upa H Shinkhokam.  Coordinator:  Upa L Vungzamuan. V.    Departmental Sub-committee List: 1.    Prayer Department: (i) Rev S Ginmalsawm Director,  (ii) Mr V Thanggoumang  (iii) Pastor H Jamkhanpau  (iv) Mr. Damkhothang  (v) Pastor T Paukhanmang   (vi) Miss Ngailianmawi 2.    Publicity Department: (i) Mr N Johnson Director,  (ii) Mr V Chinkhenpau  (iii) Mr Benjamin Tunglut  (iv) Mr. K Pumsuanthang  (v) Mr. H Thangzasiam  (vi) Mr. Dongzalian  (vii) Ms Muanchin 3. Music Department:   (i) Mr Khamchin Tunglut Director,  (ii) Mr N Ginzakham  (iii) Upa V Paukhansiam  (iv) Mr V Thangbiaklal  (v) Mr Lianding Guite  (vi) Mr G Lalpi  (vii) Mr H Mangtungnung 4. Program Department:   (i) Mr. K Paukhansuan Director,  (ii) Upa B Nengkhojam  (iii) Mr. H Shinzalam  (iv) Mr. Malsawmthang  (v) Mr. Ginthanlian Valte  (vi) Mr. Lianzamang 5. Phy. Arr. Department:   (i) Mr. H Vungzamang Director,  (ii) Mr. H Lalzakung  (iii) Mr. H Lalrinlian  (iv) Mr. H Zamthian John  (v) Mr V Chinkhenmung  (vi) L Vanlalven  (vii) T Kamzalal   T U A I L A I  2 0 1 0 Theme: Xtramile for Christ  Venue: Ebenezer Academy Campus, New Lamka Date 06:30 to 8:00am 10:00am to 12:00nn 01:00 to 03:00pm 05:00 to 08:00pm  December 2, 2010 (Thursday) Registration, reception and welcome of Delegates at Registration Counter Ebenezer Academy Campus,   New Lamka INAUGURATION Speaker:Rev L Kham Kho LunTopic:Xtramile in contemporary challenge of Practical Christian Special nos. 5   December 3, 2010 (Friday) PRAISE and WORSHIP  Xtramile in contemporary challenge of Worship -Mr Khamchin Tunglut SEMINAR  1. Xtramile in contemporary challenge of Integral Mission - Rev Dr S Langzakham 2. Xtramile in contemporary challenge of Business - Mr Vungzagin Valte SEMINAR  1. Xtramile in contemporary challenge of Mission - Rev B Chinlamthang 2. Xtramile in contemporary challenge of Business - Mr Vungzagin Valte   PLENARY Speaker: Rev L Kham Kho Lun Topic: Xtramile in contemporary challenge ofPractical Christian Special nos. 5    December 4, 2010 (Saturday) PRAISE and WORSHIP  Xtramile in contemporary challenge of Worship - Mr Khamchin Tunglut SEMINAR  1. Xtramile in contemporary challenge of Politics - Mr K Vungzamawi 2. Career Guidance (Secular) - Mr. Vumlunmang Vualnam SEMINAR SESSION  1. Xtramile in contemporary challenge of Economics - Mr Siamnunlian Valte 2. Career Guidance (Theology) - Rev K Kamchinkhup PLENARYSpeaker: Rev Sam Hofmann Topic: Xtramile in contemporary challenge ofSpiritual Warfare Special nos. 5 Date 06.30 – 08.00 am 09.00 am – 12.00 nn 01.00 – 03.00 pm 05.00 – 08.00 pm December 5, 2010 (Sunday)   PLENARY Speaker:Rev Sam Hofmann Topic: Xtramile in contemporary challenge of Spiritual WarfareSpecial nos. 5  Gospel Centenary Celebration  Led by Publicity DepartmentSpecial nos. 5 VALEDICTORY Speaker: Rev Sam HofmannTopic: Xtramile in contemporary challenge ofSpiritual Warfare Special nos. 5 Note:  1. Special nos. music department in aguang ding.  2. Plenary hun a pitu Conductor chih ding.  3. Seminar hun a pitu Facilitator chih ding.      SOURCES:http://ebc-india.org/

PROJECT NEHEMIAH

"Ka sanggamte aw, mi'n upna ka nei, kichi mahleh, nasep thilhih a neih
kei leh, bang phatuam ding ahia?" Jakob 2:14a.

EBC khangthu a kiza ngeilou leh a khatveina, lametna thak hon-guantu
'Project Nehemiah' kichi June 2009 apan in hong piangkhia a, kipahna
leh lamdangsakna thupi petmah hon tun hi. Hiai project bang hi a,
kuate panlakna leh hamphatpih ding hi-hiam chih anuai ah i taklang
ding.

Project Nehemiah Bang A Hia?: Zoudawn a Government Skul kingakna tham
ching om louh lai a Saptuam (EBC)' Skul gentheitak, building gina
omlouh bana semtu kidaihlah takte sepna mun a kai nau-pangte leh amau
chawmtu nulepate haksatna bangzah hiam beek dawnzangtu hih diing tupna
ziaka patkhiak Project ahi. Tomkim a gen in 'Pianna Zogam ngilh lou'
phet hilou-a, a puahtu hih ding' tupna ahipen hi.

Kuate' Project A?: Hiai tup-le-ngim kipahhuai leh thupi takmai tuh
Local Saptuam khat in budget abawl hiam, Sawm-a-khat percent retain
apan hiam piak dia aguan uh ahi kei. Sum neihsa leh a taaksa om hilou,
ginna a zontawm leh muhsuah dia BAPTIST YOUTH FELLOW-SHIP, EBCC DELHI'
Pro-ject ahi. Hiai nasep bulpatna leh etkhiakna masa ah Budget
2009-2010 azat dingin Rs.1,00,000/- (Rs 1 Lakh) TBSUC, phasakpihna
tawh guan ahi a, Infrastructure lam (roofing, furniture, building,
etc.) puahna dia a tasam leh haksa tung-tuan khuate Grant a piak diing
chih ahi. Hiai adia sum-le-pai thawh-khawmtu diing a tamzaw-thamte
sinlai naupang, sepna det nei nailou, kilawhtawm leh nu-le-pate a
kinga laite ahi uhi. A neih val uh hilou, milesa liangvai leh genthei
taka khosate khualna ziaka, thu kia hilou, lei kia leng hisamlou,
thilhih leh chihtaktaka a itna latsakna ahi (1Johan 3:18). Hiai
Project sep-suahna masa pen diing in CES Tuilakzang, Singngat Division
a om Skul' tungkhuhna diing leh Furni-ture bawl na'ng a Rs. 24,400/-
piak ahi a, kipahpih mahmah uhi. Hallelujah, Toupa' min phat in om
hen!

Ngaihtuah Diing: Delhi phualpi a khosa pha i tuailaite'n zoudawn a om
sinlai naupangte khualna hon neih phak uh thupi in lamdang i sa hi.
Nehemia, hiai Project minpupa, Susan inpi apan Jerusalem siatna nakpi
taka thuak, an-ngawl a kap leh thum tawh dinmun kibanga a mite uh
honvei ahi tel uhi. Amaute laka tamzawte singtang hinkhua mulou,
theibaanlou, a haksatna uh experience khaloute ahi uhi. Huaiziakin,
khopi tuamtuam a BYFte, kichingzaw khosa thei Local Saptuamte, Pathian
vualzawlna dong inkuan, mimal leh pawlpite'n leng kitundingna nasep
lam a i panlak dante kivelthak in panla thak leng deihhuai i sa hi.
Hiai Delhi BYFte nasep thupi banah i lak ua kitundingtuahna nasep
siamsinna tawh kisai biika chiamtehtham omte leh lametna thak hon
guantute tamlou in i taklang lai diing:

1. Siamsin Hostel Puahna: I mi-le-sate atamzaw hamphatpih diing
khualna in Convention English Jr.High School, Sinzawl, Full-fledged
High School dia 2005 apan dopsang ahi. Khokiim-khopamte pansan diing
in "Siamsin Hostel" naupang 30 tan om theihna leng bawlkhiak ngal ahi.
Hiai Hostel in a poimawh mahmah hon suk-tuahsak hiaite ahi uhi: (a)
SSPP Gen. Hqtrs. in Lupna hoihtak nau-pang 30 adiing hon bawlsak uh.
(b) Editorial Board, Ka Thaitong , Shillong in Colour TV, 24" leh Disc
Antenae (DTH) hoihtak set khat hon present ua, naupangte dia vanzat
poimawh leh phatuam mahmah hi in kipahpih petmah uhi. (c) Thanlon a om
12 Madras Regimentte apan Solar light, steel almirah, kitchen, water
supply, plastic chairs & tables, musical intruments, ceiling fans etc.
tampi muh ahi bok.

2. Free Coaching: Kum 2008-2009 a CEHS, Sinzawl in HSLC Candidate 8
(eight) aneihte Free Coaching SSPP Hqtrs leh Tuivai Block ten amun
mahmah ah neihpih uhi. Huai ah Tv. Paumuanlal Guite, Hebron veng, New
Lamka in kha nih sung mahmah ava sinsak banah omna di neilou Candidate
nihte amau inn pansan in exam sak hi. Tua banah Pu Langkhanpau Guite,
PTC President leng sinsaktu khat in pang hi. Skul a sinsaktute
panlakna bana deihsaktute huhna Toupa'n thupha honpia a, can-didate mi
giat (8) ten passed vek ua, 2007 in 1st Division khat na omta hi. Tu
kum Class X mi kua (9) omte Tv. Siamkhankhual, s/o Upa H L Khai,
Siloam Veng, Bungmual in summer vacation sungteng Maths & Science free
coaching a neihpih banah zintun vek hi. Hiai kitundingtuahna dia
panlatu Tuailaite i phata, amaute tungtawn a Toupa'n vualzawlna
honpiak i lamen mahmah hi.

Thukhitna: Isai 58 ah Pathian in genthei, tagah, saltang, gilkial,
silh-le-teen neiloute a khotuah dan i mu a, amaute awlmawh leh tunding
tuh an-ngawlna pomtaak ahi achi(Isai 58:6-7). Toupa Jesu'n leitung a
hongpai nasan liangvaite, saltangte, simmawhthuakte leh nuaisiah a
omte suahtaksak diing ahi achi (Luk.4:18). Hiai lam a Toupa' lung-tuah
tuh nam-le-gam damna leh vualzawlna ahi. "Huaiziakin, ka unau
deuhtakte aw, kip takin, hihlin vuallouhin, Toupa nasep pha-tuamngai
taka sem gigein om un, na sepgimna uh Toupa ah a thawn ngeikei chih na
thei ngal ua." (I Kor.15:58).

Source:http://ktz.ebc-india.org/component/content/article/212