Angel's Vision a hong kisuah, MIPI' AW a thupi bangzah hiamte a kipan in, Kaki laan thei ta a, kaki paak petmah hi! Kana kilat khiak na te hiai bang ahi:-
a. Upate' lat siangthou sa, Saptuam sumte mawk neek louh ding.
b. Upa Ordained ka hihna zahtaak a, Sum pung hawm nawn louh di.
c. Mi sum muh di khawng te apan percent lak sak nawn louh di.
d. Upa Ordained di a om chiang in, I Timothy 3:2-12 sung pansan in ordination ka hih ta dia, sawm a khat (1/10) kumthum pezom te kia chitna nei hi'n kangai nawn kei ding.
e. Veng sung a sawm–a–khat pia ka zon saang in, Kha mangthang ka zong zaw ta ding.
f. Jesu nungzui kahih ziak in, Jesu kia a khatna in ka koih ta dia, sawm-a-khat anihna in kakoih ta ding.
- Zapau Vengnuam (9862737571)
EBC' Bye-law (kivaipuakna daan) Art 1/11/J a Kristian khat in mi van neu chikchik gute khawng I hua un, I gawt ekek ua, tampi alom a gu toihtoih te lah pakta kisa in, pakkhi khawng ngawng dim zenzen a ok sak zel. Hiai khawng mahmah le'ng hi di eive, I khanmoh bawk uh. Kiteen na a theihpih tu dia kigen pen, Upate leh Pastor te'n enzui khollou a, ki teeng di te hih daandaan leh zuih mai uh adiam..? Aih' keh tua article peen zat taak sa lou a, khuul bawl mai uh adiam…? Ki teenna tamtak ah a numei/pasal te leh a theihpih tute kitanau nai lo deuh abang naak ua…!!
- 9856530656
No. 4 zuak a building lam khia a zingkal teng bang a biakinn devotion hoh gige te'n Pathian kiang a bang vagen uh ahi de aw! Nu papa bang in tha it thei ve u aw.
- 9856531596
Israel /Jews suan te hih utlou ding I hih vanglak leh, Bible pansan in, Romte, Korinte, Galatiate leh adangdang kihi sak in, Pathian thu kigen khumkhum kei le'ng houh adiam maw..? Jentel diktak houh ihi zaw duam maw...?
- 9436082885
Tulai in Thanlon bial MLA, Pu V. Hangkhanlian in a bial mipi te lak ah Langva hawm ziah ziah in, inn-tung khuh sak ziah ziah. A bial mipi te kipak in a lawm khin leng omta chi uh. Ahihleh mun dang leh bial dang a langva hawm thei ding khop a chethei omlou uhia leh…? Ahihkeh chethei law zenzen a, mipi te tan ding teng le mangthang hizaw hia? Sorkar leh milian te lak a chethei leh chalai siam law zen a mipi te adi teng nangawn hui bei gige te saang in, chethei lawmlawm lou a, migenthei leh tasam te muh ding hamphatna te ahi bang a pezel thei MLA khat, deih huai zaw tham eive maw…? Term nawn chiah zaw deih teelna ei khut a om ahihlam thei kawm in, mipi te pilvaang ta ni.
- 9850117889
Dem tham, gen tham, et-ton tham, maban ding muhkholhna nei Communal lungsim pai khia minister I neihtak man un, kapah huai kasa mahmah hi. I nam bing makai te'n re-unification process ah enton chiat ni. Minister pu KEEP IT UP.
- 9856326414
Works Minister, Pu K. Ranjit Singh in Guite Road toh kisai BRO khut a piak ding thu Cabinet thupuukna bangmah om lou achih, dik mai thei hi. A ziak, Guite chi a hong kigelhna asawt naikei a, Govt. record na a Guite hilou a Vuite chih beek a om na lou di maw, British te hun lai pek a pan record a om sa hiven….!!?
- 9436082885
I news paper leh a dangdang a I gelh chiang un, MDC toh kisai Distrist Council chih chauh a gelh lou in, Manipur Hills District Council chi'n gelh sese le ahoih zaw diam? A ziak tuh Phaizang District te huam theilou di ahih chia. Kumteng a Chng Crore10 bang mangthang gige ahihleh, MDC – Money Demand Council di sa a hon ngaihsak utlou uh hia leh..? Ahihkeh, DELIMITATION a bawlsa uh, POPULATION le atheihsa uh, RECORD omsa le hi, OUTER MANIPUR DEVELOPMENT COUNCIL chi zaw le iki tuak pen zaw duam…?
- 9436082885
Kum 2008 Diamond Jubillee zat hun a, SSPP Icon hihna latu te AIR Paite Programme a Laa record sak a khah khiak sak ding. Ban ah, Top 10 teng Album bawlsak ding chia mipi mai a apuankhiat uh, tuni tan sep suahsak louh a ka om man un lamdang kisa mahmah hi. Chik chiang a sepsuah sak a om ding kahi di uam…??
- 9615941251
Ei miten' bandh I bawl chiang un, Dawr leh Office te aki khak chiang a lohching bang I gen pen uh, lohching taktak I na di uam..? Kei mimawl ngaihdan in, bandh lohching I chih pen, govt' lam apan dawnna lungkim huaitak I muh chiang in bandh lohching chih di'n hoihkasa pan hi. Dawnna bangmah omloupi a bandh bawl gige zaw, ei leh ei kigawt maimai hilou hiam, chi daan keive….!
- Myn Khuptong (9856504371)
Bang chidan ale, Bandh a om chiang a Sielmat tan huam a, Tuibuang lam teng ngeina bang a a om sek zel…? Hiai bang a I om touh jel di uh le chu…. Ei veng lam a neektawm zong te buaisak lel ihi uh na chi kei uh maw… Sangam!? Huchi bang a Old Model mah zang a bandh bawl nawn lou in, akisaipih department ah atam theipeen nohna leh ngetna bawl zaw le'ng hoh zaw lou di hiam…?
- Lonley Kungkang (9856206206)
Manipur Sokal nuai a nnasem/service muh na ding in, Educational Qualification sang in Political Qualification neih a poimoh zaw.
- Zuansialching
Mike izat chiang un, damtheihna kibanglou ahihlam phawk in ahun phet thei le'ng maw…? Programme om zen ahihkeileh pilvang deuh thei le a deihuai ngei e…!!!
- N. K Pau, Vengnuam (9856531596)
Vengnuam-Bazar lam Auto-service te a taina lamlam ua atai khawm veu uh, ahi di dan mah ahi diam…? A khawl chiang ua lah amau kia Gari nei bang zeen a lampi lai a khawl se uh, midang te tai na ding omlou- hong pil ta le uh a ut huai…!
- 9436289680
"Iitna ahih leh lepchiahna tellou hi hen," Bible in chi ngal, ei lah thutak paai mongmong om lou , mahni angmasial ngen, mahni lawkna diing kia jong , I muh zekna ding ahih leh thudik pen koih khe phot; bang chi'n I gam ah khanna a om thei dia, mi na gengen pen iitna hi lou a hi aw….
- 9436622708
Khatvei sawt law nailou in, Consumers Association hong om zual a, banglam pang sai kha ahi ta ua leh…? Van man/ Rate lah enkai lou, Mahajon te SUM thaang a awk kha hi peuhmah unteh maw…!!!? Tu baan zaw bangmah pawl min le kiphuan thakthak nawn dah ni uh …!!
- 9876523026
Khamtheih juak te lah I mohsa mahmah ua, Motor No. 2 zuak leh leite laa!? Kua ahoih zaw tuan di ua, Sum hau deuh khenkhat te thil hih ahih ziak in I siamtan thei mawk di ua hia …!?
- 9856293538
Khopi sung siangthouna di'n, eimah gam chiat hahsiangthou phot di ahi... I gam inches khat lel mi'n hon keek sak lehle heh mahmah di I hih chiah, ka gam I chih ngal leh, hah le hah peih ta ni aw…! Gamdang khawng siangthou I chih leh, jingkal thoubaih ua, piteek-puteek te khawng in niin te tom siang ua, niin ahih naakleh, kua gam kua gam chih omsak lou a hah peih ua, eilawi a tuailai ahaat di tata te aniin sak tu a pang sek..! School naupang te tata bang a talab neekna hawng teng uh kholai teng a thaang dimjeel. Kholak a niin paih I taimak saang un, nin tom siang taima zaw ta ni maw TUAILAI TE….!
- T. Minlian, Dorcas Road (9856531619)
Tedim Road a Street-light vaak nawn khol ta kei leh chih daan hi'n teh maw…? Maintenance peen AE, S.O khawng om ngal a, amau te'n ngai poimoh deuh le uh deih huai mahmah hi. PHED toh gen teh zual ta le hang, amau bang tuh Tipaimukh Road, New Bazar, IB Road, New Lamka, Dorcas Road, Chiengkon chihte khawng a khah ding dan AE/SO te thupiak sa dung zui in khah zeel in, a siatna omleh Line-man te mahmah in le'ng sawl ngai lou in bawl pah pah uh eive…!!!!
- Kaplian' Pu. Vengnuam.
Vuahzuk chiah nuam ei, himahleh koi lai lai hiam apan a nam leh luh, ektui leh gim se tuamtuam a hong kikhah khiak chiang in ngari umkhelh mah abang a, anuam tel kei hi. Ki khual siam le a GOOD di....
- J & J (9615522348)
Guta van gu imat khak chiang un gawttheih tawp in I gawt ua. Himahleh NEKGUKNA tuam tuam a kibual te lah bang mah I chih keizel ua. Ngaikhetu te aw, hiai thu ah bang ngaihdan nanei uh?
- BADMAN (9856667480)
Tulai I khopi sung I et thahthah leh, vengsung lampi gei veel te ah puan hoih lailai Skarf leh hanky/romol hoih lailai khawng muh ding a um gige a, bang bawlna ata diai leh…!? I khopi sung lungkham huai gawp hita lou maw…? Nu leh Pa te kingaihtuah tham ching hita maw…? Vengsung mipi in guta khat I mat chiang a la, nu-le pate'n I tate ahih khah ding lau mahmah lah tate enkol zoulou. Nu leh Pa te kingaihtuah tham ching hita lou maw…?
- 9612502439
Nungakte pilvangta ni, mi'n a hon gense naak thei lua ua, mi pate leh I tangvalte lak ah I zahlaak gawpta uh. Pil a hunta. Tua ban zaw mi' pate kiang ah leh I tangvalte lak a ka ki dohdoh nawnkei ding zumhuai lua chi theita le hang maw. Mi zite lungmuang tak a apasalte uh ang a ihmu hithit di uh ahi. Na omdan uh leh Kris tanchin hoih kituak sak ta un.
- Nu Kim (9612531815)
Tulai nungak te kichei daan I et leh, Niik tom pipi teeng a, a pheipi khawng uh dawk rihriah, chaak huai thei mahmah uh, huchi daan in teeng nawn kei le uh chih huai thei mahmah..!! Huchi daan a, a teen saang un, niik tual deuh te hon teeng zaw ta le uh mi'n le ngaisaang zaw di uh ahi…..!
- Soiseel Haat Pa (9862881979)
Numei te ka chak thei lotel, a diak in a tansa te un bang hon convince mah mah hin mo. Huaiziak in, khekol khuk (knee) nuai lam kheng theitan bek khawng te hon teng theita le uh, ka chi lotel.
- 9615904597
Khekol tual teen a Punks deuh a kichei teng in khamtheih ahihvek kei hial uh. Mikhenkhat te'n amaute khamtheih hih di'n na gingta na ua, huai daan a kichei te ngaisaang mahmah mi om ahi chih thei ni.
- P.K.M (9856762977)
I khopi ah lam tuamtuam a masawnna tamtak muhtheih in om a, kipahhuai, tuate lak ah Bank a ATM leng thilthak khat ahia, tamtak te'n I phattuampih ngei leng I lamen hi. Himahleh a zat dan leh, abik in ATM zang a sum lak khiak hun ah, a sum la ding toh, mahni hun tungnailou te tanpha, alom-atang a I lut khawm neinoi pen uh, a mawl huai phet hilou in, hai huai petmah hi. ATM card khawng neithei leh zangthei chiang in tuh, pil huai leh etton huai deuh a zat dan theih di'n kilawm mahmah maw!!!
- Biak, New Lamka (9862050362)
Elim veng lam ah Saptuam upa khat in amah inn-luah te zu zuak lam ki theih moh bawl in, zu zuak dang te kiang ah, Building fund khawng a don chiang in, "Hiai zu man a non piak uh hi ding hia maw" chih kam pau zang zel hi. Tuban mi I chih ding leh leng ei ki en masa zel leng ahoih ding.
- Halleuia Dosto (9862295682)
Thu kipah huai tak mai, I deihthoh uh Power Minister, Pu Thang tungtawn a I zaak/theih ngei uh ka gingta hi. Huai dung zui in kuapeuh in electric vai gennawn kei le'ng a phatuam zaw diam maw…? Huaiziak in ahong pai hoih hun di ngak in om phenphan le'ng maw? Ban ah, gengen in omzia neilou zumhuai na lel ahihtoh kiton in, dai khipkhep phot le ahoih diam…? A pau tamtam/agen tamtam chuh thulaak louh, vailak zunthak chih a, saap te geen daan leh "many mouths" chih tang lel di eive…!
- R B Thang, MK Zogam (9615701518)
Tulai teng I electric uh hoih lua himai, phone battery bei man ngei se lou, ban ah khaw lak a le buan nawi kisik kha se lou. Street light teng le vaak vek lai leh zaw nuam petmah di, nuam dek pan pan ei….!!!
- Lianpau (9862647098)
I district pumpi uh kithu tuak in, Power kidaih ma meivak kala nawn dah ding uh chi'n ani khat pia in, huai ni tan in hong suut khe mai unla, na ofis uh le tuah un –Power kidaih chiang in kala nawn ding uh, chi in meivak ngolh leng poisa kei le'ng a phatuam deuh di'n kagingta hi.
- T Z Khup, MK (9615411106)
Elektik fee kibate kha ZSF ten pevek maile uh a hoih di ka chi, a mau a fee piak di a hon khaam ziak ua a lompi a kiba in chin, a hon piaksak zoh kei di uh leh tuban mipi subuai di lel, kuitung lou di khat in thil saisai nawn kei u hen. Fee ba tengteng in ZSFte piak di in nolh vek mai le a hoih di. Thuchiam a ginom lou te nung kuan zuizui lai di I hi ua. Huchi ahih kei leh mipi lak a ngaihdam a nget uh ngaita ahi na chi uh hia?? Ken chuh mohsa pet mah hi mai. A sakhau uh a vah sim tak a mipi amau nungthuapte tai siatsan pawlpi khong zuihtak lai di hia??
- 9612482992
I veeng sung te uh mun khenkhatkhat a Electrict vaak phing pheng maita, nuam himai…! Himahleh, veng khenkhat etsakna di'n Sahei Road, N. Lamka lak bang khimpi zing bang mai…! Transformer lam buai hihtuak, amau le hon neih pah uh I deihsak tlat…!!!!
- Balak,Vengnuam (9856206206)
Ei lawi jaw kilungkim baih deuh hilou hia, zingkal chia light tomchik khawng hong vaak a nitaak lam dak 3:00 khawng a hong pai nawn a, apailouh sung a di a fee akimlou a kipia chihna adiam…??
- Street Boyz (9615701529)
Electrict hi'n Cable hileh a soisel leh a phun hat ta'ta: Permit neilou, Fee bat hau leh pe ginalou ta'ta ahi nuam mahmah uh chih thudik ahi.
- H. Mang, New Lamka (9862151706)
Lailam Lei leh Lanva lei kikal a I Street-Light te uh, Sun hun a akilawm mahmah hang in, Zan a electric hong pai sun sun chiang in akilawm na teng bei zel…! I Street-Light te uh sun hun a, akilawm sakna dia om maimai bang ta aka le….! Thunei tu te'n hon enkai le uh deih huai lua.
- 9856578868
Mipi Aw Phattuam na, Bank a mipi haksatna nihvei tak kagen a, heutute panlaakna ziak mah hi'n teh, tu in UBI in leng ATM zat ding in ahon pan ta uh. Hiai a ding a panla kha te tung ah kipahthu I gen hi. Tu'n le heutu te'n pan hon la lai uhenla, branch dang khat hon ngaihtuah lai le uh uthuai kasa…!!
- Mipi Awlmoh, Joy Pu (9615411106)
Mipi Aw sai tute leh Angel's Vision damsawt hen..!! Thu theihtuak tampi, ahi nguut chih di tamtak ka musuah hi. Tua bang khanna di thu nepnawi, I news paper/monthly magazine te ah om jeel leh, ki bawlphatna dia khuam poimoh mahmah hong hi ding hi. I magazine te le'ng tua sang a hong ngaklah huai sem di'n ka ging hi. Mipi Aw lohching tou zeel heen o…!
- Mabanyas (9856119851)
Kua peuh in theih dia hoih kasak, MIPI' AW a thu I suah leh thu khauh deuh leh sorkar ngaih poimoh di deuh thute I suah ta ding uh…!! Suah theih tah chih man in thu awm lou pipi suah chiing nawn kei ni.
- Kaplian' Pu, Vengnuam.
MIPI' AW a kigen siat na lam ngen I chih a, hon kok kha I chih, ki phat na omlou chih sang in, I gamtat dan ki en thak in kibawl hoih jaw le phat kilawh pah jaw leh kilawm na sa uh hia? Guai.
- Myn Khuptong, College Veng (9856738200)
MIPI AW a mimal aw/ngaihdan I genkhom khiukheu in mimal hon bawl zoh ciang in MIPI hon bawl hoih hi ding. Huai mun I tun theina din, thu-le-la kigente ahoih lam enin 'kei' adia kigen ahi chi thei phot le hang. Agen leh ngaikhetu te sang in a zuitu hih haksa mah leh, manphazo dingin gintak huai. MIPI' AW damsawt hen.
- Gish (9615143398)
No comments:
Post a Comment