By- Admin The LamkaTimes
E he..e...khai!! Ei lawipi 100% Christian, Gospel Centenary lawmthei dinmun a omta. I nekzon dante uh Christian hinkhua toh kituak isa uh hia? Ei Christiante niteng nekzonna munpipen khat New Bazar na hoh chia in na tuahte/muhte'n bang ngaihdan hon neisak a leh...? Na va muhte: 1) BLUE FLIM suahna mun te, 2) Condom hawm zak na mun 3) Nohchi zuak na munte, Bazar gim bang toh kituak koi zozen, uih vingving zomah lai, A KHAI A NUAM NGAL KEI!! Kei ngaihdan in hiai a tung a point 3te chu kithutuak tak a khekhat a ding hi ngeingei di'n ka koih. Police te'n a duty uh vasem le ulah "Kanna semte/customerte na hong subuai uh" chi a kizuak Manager dinmun a ding thei dimta. Police te le nnasem sak thei nonlou ikei uh maw....! A kua nna sem a kingai I set tawk a, PATHIAN nna maw.... Setan nna.....?? Ai'h kaleh lah, gentehna thu "Kizuakte'n vangam hon kaisan ding uh" chih pansan a I nna septe a kisiamtan gawp suk ihia? "PATHIAN THILTE PATHIAN KIANG AH, KAISAR THILTE KAISAR KIANG AH" - geihrer tak ah.
- G. Elty, Kipging
Kristian te'n I Pathian' thupi na dia bangkim ihih uh ahih man in, audio casette I bawl te uah, la khat I sak sung in, iki cheina uh khek kei thei le hang maw...?
- 9856627212
Kristian ngen ihi ua, Pathian thu I zuih lah mah mah te uh lak a khat, ahi alah poimoh mah mah tuh, Gamgi Keek/ Suan thu ahi. Laisiangthou in, "na Inn/ gamgi suan/keek ken" a chi ngal a. Ei Pi-Pu te Paunaak in le, mi'n gam akeek keek leh, ahaan chia a keek chiang in asi' achi ve ua..!! Inn veng te simmoh naki sak lai in, Pathian' zaakdah/thangpaihna na sukha de aw! Pilvang in, Pathian lau in.
- Mercy' Pu. Vengnuam (9856531596)
Saptuam upa leng hi ngal Saptuam a lah a khuam poimoh mahmah pawl a ki gen, khami mahmah lou si-leh-sa deihna kia a pumdim invengte toh kikal a dai keek kek thei chih khong koi bang Pathian thu awi kha uh ah diam maw??
- Haleluia Dosto
A kua akua hita leh, I vengsung ua Saptuam Upate I gen siatsiat sang un, amau te thumpih in kithuah pih zaw le manpha zaw lou di hia....? I ki gen siatsiat ua leh, mi'n hiaite mawngmawng hon chi di ua, zumhuai lo di ahi, tawpsan mahmah ta ni uh, u leh nau te aw. Ki tuak diamdiam in om le, I veng sung hi'n i Saptuam hileh nuam di ahi aw...?
- 9856987173
Pathian thu I genchiang bang ua khamangthang vei lua kisa. Mipite lak bang a challenge bawl kangkang in "na seplouh ziak in mi bang zah kha mangthang a om a, bang dia zekai lai ding, bang dia kuanlou" bang I ki chi ua ki pe khe hial lele koi lam manoh a kuan ding a mawk diam maw...? Tuailai mission 2000 lai a missionary dia kipekhe koi lam a sawl I hita ua leh …?
- 9863264974
I gam kristian gam I chi a, a sung a teente iki etchiang in khasiat huai kasa hi. Saptuam makai leh tuailai makaite khong lah Biakna ngaihsak lah ki om nawnlou. Mi etdan a chu ki khami sak mahmah. A mau a lah Jesu kris mel lang mawngmawng lou. A thugen dan khong ua lah kha mangthang vei taktak dan a kigen. A tak a lah NGIA BELAM VUNSILH khong lel. Hiai ziak khong mahmah a I nam I gam khangtou thei lou. Kithah ki matna lah bei lou. Den chiang a Pathian in I gam I nam a hon haamsiat khaak diing lau huai ka sa. Nang muhdan in bang a chi a, sanggam aw…
- DK Paite, Lamka (9862159047)
I khopi uh Lamka ah diktatna a tawm mahmah, diktat ziak a vangam tun di hileh Lamka kho sung ah mi 100 vangam tung a om diam maw….? Kaging ta zou kei e…!!!
- 9615630902.
I lak ua Pathian la saten I omdan ki enchian chiatni. Pathian mitmuh in bang a chi a chih ki velphat tuak kasa, lasa teng in lah Pathian' la sak sawm mawk? Pathian omphaw a zang hi leng kilawm. Ban ah, numeite' n khekol teng nawn kei uh hen?
- 9612018601
Migenthei daikilkaal a mite na simmoh a, nang lah saptuam a ki zang ki khamisak mahmah ngal, bang dia nang na ginna taisan a migentheite tan diing lak sak a; hi chi om veuvau neita!! Ki ngaih tuah a hun lawta ka chi Unau. Tua dan a na om veuvau pen Kris toh kikalh a hi chih theita inla; pil deuh hon sawmta in.
- DK Paite Lamka (9862159047)
Mipi Aw hong om khiak hoih kasa mahmah a, kenle kupnop tamlou kanei tei hi. Huai tuh Talk Show nahon sai pen mahmah uh nuam kasa pen; na hihfuh lua uh, sutzop touh jel a good di. Tuma deuh a MDC Election leh Bandh toh kisai a houlimna non taklat te uh bang nuam petmah hi'n maw. A host te lah siam chihtak a siam, resource person te lah a qualified theih mahmah ban uah, serious thei bok uh, kana enchim theikei phial mai kachi...! Theihna tampi hon behlap a, kana phattuam pih petmah hi. Burning topic dangdang leh current issue tuam tuam te e.g NREGS, Swine Flu etc. kuhkal tak in kana ngak jel ding.
- K L Lensiam Street.N.Lamka (9612846819)
Election tungtawn in MLA ina tel un ina nei ta ua, tu in ADC/MDC bang hong ki geen nawn pan ta a, I ki teel daan uleh paidaan I khen tuan kei leh zaw om zia om in kagingta kei. MLA I na neihna ni/khua asawt ta, himahleh, Jeep Road koimah a pai tuan kei, I innte ulah Langva kikhuh tuan lou- khua leh khua kaal a leite lah kidoh thak tuanlou. I singtang khua te ulah puah louh a om – changkaang tuanlou, ahithei teng Lamka a peem peem mai. Saptuam Upa kiteel daan in kiteel le'ng,candidate kuamah sum seng sak lou in, kuamah kizuak om kei le'ng I gam khang tou mai di'n ka ging ta hi. Nu leh Pa te tua daan a ngaihtuah ngei na om uhia...?
- Khupchinthang, Mualkoi (9615411106)
Lasak a minthan ut taktak ihih ua leh, a la te eimah hiam, I lawm te phuah te sa ni maw..! Mi saksa khawng sa thak a, akaih daan khawng kheng zomah chih khawng hih/ching kei le minthan abaih zaw diam maw? Huai ban ah, unau Mizo te motion khawng copy a, motion nahon hih uh le nalh kasa mah mah kei. Ahih theih leh, enle analh deuh phuak in, unau dang te'n hon copy le uh chih kadeih mah mah hi.
- 9615904725
Bandh i bawl det keei pen mipi khantouh nang a zong phattuam ding ngaihtuah hizaw lou in, nektawm zongte ann ngawl nang hi zaw hi. Meh zuak te meh teng muat nang leh genthei te tan ding na tawm tang zoulou, bandh bawlbawl te lohching leh ann ngawlte gil a vah kha diam?? Aki saipih lamte toh hong ki sai uh hen la, huai hileh BANDH hong tawm deuh ding a, a zawng leh migenthei te nek zon-na hong paizom in mehzuak te zong a meh uh muat beh lou deuh ding hi.
- 9856401478
Lum lah Lum lou- Vot lah Vot lou a om pelhpulh sang in, Jawlla I sak leh sa giugeu, Pathian la I sak leh sak giugeu di mah ahi. Tuikhuuk khat ah tui lim leh limlou a pawt khawm thei ahia? Om mai mai in sak khak guih ahih leh bel thutuam....!
- 9856293538
I Local News paper te uh alaak man akhan ngalleh, a news quality le tua saang in changkang zaw thei deuh leh maw..? A laakman toh leng kituak di'n.
- 9862020445
Bangziak ahi di, Pathian ni tata in Vaite Dawr khak di'n I sawl a, Pathian ni tata in ei kristian te bazar a tu di atam mahmah a, bangziak a di...? Pathian ni a SUM tam deuh ahi diam...? Kristian iki chih ngalleh, Pathian ni beek khawl thei le ka chi e...!!!
- Nu kim. Dorcas Veng (9862820460)
Neekna leh nop bawlna a om chiang kia a YPA makai hihlam ki phawk a, huchi lou zan hah na di leh han hoh ding chiang a makai hihlam ki phawk lou kitam mah mah hi in kathei....!!
- Awl moh hau Pa (9856504371)
YPA in Rising day ni a misi zingkal in kivui, Rising day ni in YPA Heutute hiam, milian dang khat si leh zingkalin akivui diam? YPA in akiphuh nasan amangngilh a aminsiat khakding phalhuailou hi.
- 9862101318
I gamsung ah, bandh leh strike atam mahmah a, hilele bandh/strike bawlte natawm kithutuak lou in a om ua, khat lam a khauh, khat lam alah theihphak le hilou. Huaiziak in bandh/strike chihsang in non-cooperation chihtop ahoihzaw diam???
- Khayim Tawmbing (9612875443)
Band kichi eilawi nektawm zongte a dia nin huai kia hilou a, gol ki tansakna a hih man in Band bawlte I bandh uh ngai hita lou hiam? Nek tawm zong lawm leh vualte bang a, nou ngaih dan?
- G. Hauzel C Veng (9856400539)
Bandh kichi himhim mihai ektuk a ka kih ahita. Ning theilou ahih ua leh mipi su buai lou in a mau ki bandh-ta uh hen. A demand uh lawhching leh a thuaktu mipite Cheng 1 lel le hawmphal di lah ahi ngal kei ua. Amau gilpi kia khual a hiai banga gamta ahi uh chih lah I thei ngal ua. Ui in le amau luak ne hi ven, duh a hih ua leh negai uh hen la, bandh om nawn kei hial leh a naak eeng ut huai e…
- H. Ginkholal C Veng New Lamka (9856400539)
I Lamka Khopi sung a lamlian te a se dek kuan ngen, a nak siat luat ma in bawl tawm tawm le hang asiat luat ma a haksa lou chik a bawl theih ding a a thak bang mai a koih theih ding hi a. A bawlhoih na dia sum leh pai tampi lut ding chih bel theihsa ahi a, huai a dia a poimoh te a ngen thei I heutu leh officer a ki saipih lam te'n abawl ding dan hon ngaih tuah le uh kipah huai nan chia…?
- A Palian, Ngathal. Lamka.
New bazar sang in Old bazar new (thak) zaw ta!! New Bazar le chi nawn lou in "NIIN BAZAR" chi ta le dik zaw leh kilawm, chi ou mataw??
- 9856219434
Sepna khat himhim a om chiang a, a sepdi uh nna (work) le om di hi a... Central Social Welfare a worker leh helper-ten bang nna sem uh a?? A nna omloupi a sepna kichi om thei a maw?
- 9856361058
Kei muh dan in Lamka ah mi a tamta ngal a, Bank branch om beh henla gas agency nih beek om beh leh. Mipi navaak deuh din ka gingta. Nang le na chi thou hia…?
- 9615411106
I khopi sung a bank om te'n nnahoih sem a phatuam ngaita sasa a hih theih liai leh deposit leh withdraw utte recieptna di counter mun 4 tan beek a ana bawl le uh, tua sang in mipi a dawn zangkhai zaw ding uam. Sum depsit ut sim in zing dak 8 apan nitaklam dak 3 tan bang a I tan khaak louh tel chiang bang a chu hi deuh ngal lou.
- 9703736787
Tulai Electric leh Bank-te thulim louhdan leh a nawngkai dan uh kibang geih. Bank ah zing kal dak 7/8 apan sum lakhe ut leh koih ut mi ki pumdim, Counter 2 chauh ah deal zawmah uh. Mi'n minute 1 minute 2 a a zoh theih uh ei lawi in ni 1 ni 2 a leng ki zouzou loutel. Customer-te nitha le hon ngaihtuah sak sam le uh maw. Amau (Bank-te) kia nitha nei a na sem ahi kei uh. Bank lamte bek in hon check ve ua, electric lam lah ki gen zou mahmah lou a…
- 9856805767
Mou puan silh a laasa te ka pahtak dan aw…!! I Pa Pathian' kianga I pai chiang a MOU PUAN silh di lah ihi ngal ua. Armless silh a motion picture a pan saang in thupi kasa zaw tham tham….
- 9862741520
Electric leh gospel artist-te I awlmoh dan uh a ki bang in a lang a. Kaalteng in comment hoih pipi a hong om sek hi. Soisel mailou in copy right I guksak ua; innkuan a I et nainai tawpsanta le maw. A maule demvuallouh mizahtaak zoh di khop in panla thei di uh hi. Hoih in hoih kei le uh I nam a ahi. DVD a guuk a write leh phone a ngaih kaukau, Cable leh functionna mun teng a magic show bang sak. Ki pahpih nak sang a soisel lawh lel uh ahi. Soundtrack man guun bek le pelou a chial, zum huai lawta maw. Bandh phawt le uh bang a chi di. Nitha leh track man di chuh minsiat lel maw guai. Bandh omchia badge/i-card omloupi a duty lem ki neih lai zawmah bang chin machiang I suanta dia le.
- 9856119851
Western lamte kichei dan teng christiante hih didan a ngaih tuah a I pupa danteng bang Pathianthu awilouhna a ngai a I tawndan uh paih a a mau culture zui a ki chei ihi kei uh maw. Tulai numeiten khekol teng kei uh heh I chih phing uh Afghanistan a Taliban-te mah kibang kha dek phing hi lou I hi uh maw…
- Zuansialching
Tulai in innkuan sung ah paten tate I lau gawpta ua; hiaite khong ziak mah in leng innkuan hoihdi lai in siatlaam I manawh ta uh hi. Pate ki vel thak in panlaak thak sawmni.
- 9856574207
Bang ziak in, min a veng naichik ua dawrte sang a bazaar lam a van va leikha naak uh hiam I chih leh veng dawrte na ki hong kei khaleh/I deih zah om kei kha leh chih khong ana hi mawk. Huaiziak in, veng khat a dawr I bawl leh midang inle hong bawl henla mi ki ngakna tham dawr om leh kua peuh a dia hoih zaw a hi chih theih a lungsim letsak di a na hi veh aw maw.
- 9856530656
Nu leh pa kua peuh in theih dia hoih mundang/state dang a I tate I koih chiang in, mihingte bang chi tuk in hau in siam in pil kisa mah leng maban a kuan bang tuak diing chih gen khol thei lou I hih man in buaina haksatna leh chih moh a tuah hun ua, a belh theih di uh leh nu leh pa taang a mohpuakna ana la thei tu di local guardian neisak chiat le deih huai mahmah. Hu chi bang a buaina leh haksatna a tuah chiang un a nu leh pa kua a local guardian kua? Chih dotna masa peen hi sek ahih man in, I tate mun dang a I koih ut u leh hiai I hihdi poimoh peente lak a khat hisak chiat ta le. Huchi bang local guardian di leng amau lawmte mah khat peuh zang sak mai lou in, Family a na omte hiam mi piching mah hi thei leh deih thusam a hi, Buai hunchiang a mi khat lampaam singsaat chih dan khong zaw kua mah le ana ut geih khol lou di hi. A tangpi in huchi bang LG bawlloute tata in buaina tuak ut deuh se uh mah bang zaw mah hi.
- M. Thomte C'long (9862315999)
Delhi khopi tual ah India pumpi huap a Heutu leh misiam a tu khawm thrup mai ua; gam leh nam masawnna di ngaihtuah in misiam (Ofisial) tamtak dong in scheme tuamtuam state tuamtuamte zat ding department chih in a khahkhe sek uhi. Hiaite pichin a aom theihna ding in sum tampi mahmah a seng lai ua; sepsuahdi dan bangkim internet tungtawn na tan in a publish lai uh hi. State sorkal tamtak a ofisial-ten hichi bangte suichian in mipite masawn theihna dia panla in internet na tan browse in phatuam ngaitak in mipi a din nna a sem ua, khantouhna tuh muh theih in a khang hulhul uh hi. Ei officer-ten office cheina dia Computer koih. website. E-commerce, e-mail leh snail mail natan le thei lou. Phatuam ngaitak a mipi a dia sep malak salak ah a tam thei pen negu. I Innveng Mizoramte enta ve un.
- 9436276505
Skul naupang a hunhun a fee pe zoulou te alawmte leh heutu te ma a, sapkhiak a dinsak I chin te un naupang te hinkhua ah ase lam a tun zaw hi. Sum lam thu ah nu-leh-pa te kiang a gen hi hen la, huchia a ngaihsak kei ua leh, skul kai thei nonlou ding chih theisak zaw leng, Sum thu a mohpua nu-leh-pa te ahih ziak un, huchi leh, naupang te hinkhua I bawl hoih zaw ding in ka gingta. Mi tampi te buaina ahi a, naupang te skul kai thadah sak tu pe le ahih ziak in.
- L L Ngaihte (9862191512)
Tulai mei apai hoih mahmah a, akipah huai lua. Teddim Road a street light om teng bek vaksuak vek thei leh maw anuam mah tel di maw unaute, na chi uhia....?
- 9856406065.
Ken bel bangjong teng a I gengen hang un, Pu Phungzathang mah thupi sa ingh, power a puak ma leh apuak nung kithei jiang hilo ahi. Nikum kumtawp kuan kha khat ching lou phial a Khominthang ah power Sub-Station tungkhia a, Guiness Book of Record ah telsak tuak. A dangte bel gen dah mai ni, aphat akibang kha dia. Pu Thang JAI HIND chihchih mai din hoihkasa.
- Muanlian' pa, Saimual Veng Tangnuam (9612363861)
Government in electric fee dakkal 24 a di a a full a abill pen uh load shedding omna pi a electric fee a full a I piak uh bang chi dan hiam? A fee leng bang zah hiamtan beek load shedding theih louh hiam. Govt in a fee kiamtuanlou dia load shedding dan bawl ahi diam? Ngaihtuah tham ching kasa consumer-te aw.
- 9862160072
Ei Zomi te'n Zogam chi'n min khat in I ki sam sam uh a, ahih hang in I gam uah mei pai daan aki bah louh pen hi veh o a theih siam hak peen..! Bang chi nasa uh...? U naute.
- Francis. Zogam Road (9615939474)
Mipi Aw hong om det ka deih mah mah hi, hoih kasa lua. Eilawi hi guh dawk zenzen a iki chih phekphek kei ua leh kua mah aki zephawk thei di om mahmah lou. Kuamah zahtaak sese lou in I theihte suah khe pahpah ni uh ei.
- M J Naulak (9615904725)
No comments:
Post a Comment