(MIPI' AW 15 na pen YPA NEW LAMKA BLOCK RAISING DAY lopna hun ah MIPI' AW in YPA MR leh MISS contest na aki sai leh a hon ki upload kha lou asuak a, ngaina tu te'n na hon theih siam uh ki lam en hi. YPA NEW LAMKA MR leh MISS thupi tak a neih sawm in pan naktak in ki la mah leh, deih bang tak in kisai thei lou hi. Tup dan tak in Internet bang ah Contestant teng takkhiak hi leh, New Lamka mi leh sa mundang a om te'n leng a teel theihsam na ding uh ahih khak leh chih ngaihdan ki nei hi. Himahleh, huai dan bang in a pai thei kei hi.)
- Setan in midangte khelhna hon musak a, Pathian in ei khelhna hon ki mu sak. Khamite kiang a om a nopnop mai zen toh, ki khamisakte kiang a om nuam lou hina mai zen e…
- 9612787127
- Senior Doctor khami mahmah kamsiam thoh, mi haksatna thei lou. Damloute result natan vel chian peih lou, lah mundang a mi refer ut lou, ki siamsak huntawkte hong pilvangta un. Damdawi piak khelh ziak a si chih a tam lawta. Hinna lah a manpha ngal a.
- 9612191887
- Tuchiang in lasiam leh lapawl siam nidang toh teh in I tamta. Masawn I hi a, kipah huai lua. Huchi bangkal ah Biakin mun khong a phatna lasa a Club Hall khong a laamte mah bang a I laam pen a la thu in lungsim khoihkha mahmah di'n ginhuai lou hi. Biakna piitu in Pathian kiang a kipahthu gen toh thuah na lai. Biakinn na san a Pathian phat lem ki neih ni louh lai tel. Motion picture bawl a Pathian phat lem chiin chih khong I kham naak kal ah.
- 9862160072
- Electric thu gengen nawnlou phot in, Saptuam thu gen ta le… kumnawn 2010 in, I gam a Pathian thu honglut kum 100 chinna lop kisawm a, himahleh Centenary Hall kilam khe nailou...!! Lam sawm I hih vanglak ua leh sawt pek a geel khawl theihlouh hia le..!!? Budget te ah kum 1990-2000 te apan koih khawl sa in na nei le'ng, tua mipi lak apan don khawm ngai nawnlou di hiveen....! Paite khonung pil zaw maw...! Ahih ka leh, Saptuam heutu te phur vaklou nahi uhia leh...?? U nau Hmar te'n bang asawng a tung khinta uh hia maw..! A rong nuh tanpha zoh sawm ta uh hizomah..! Hall om lou in Centenary lop theih louh ka chih na zaw hi kei, hall lam sawm I hih ngal leh kum masa lam deuh a bang dia ana gel khol lou I hiam, kachih man thu hii.
- Mr. Ngaihte @ Da Zion Thinker (9612627754)
- Vaite tam deuhdeuh. I khopi a inn hoih teng vai sumdawng te'n luah zou. Zomi te lamlian dung ah tawm hiaihiai vai gam I kiang hong tung ta. I sum deih luat un I gam leh I khopi thang huai ding bang ta. Huan, New Lamka pen khopi khang tou hat pen ahi. Village tam sem ki behlap lai di. Bank branch, govt. offices, sub- treasury, TD Block leh adangdang chihte bialtu MLA/Minister-te'n mangmat ta le uh, a sawt daih dingte lunggulh huai.
- Zalam Khuptong, Elim Veng(9856684908)
- Phatuam ngaihna in gamgi a neikei a, Christian Perspective ngial a houh, phatuam ngaihna kichi peen I moh puakna chih theih phial ahi. A hih hang in, miteng moh puakna kuamah mimal mohpuakna ahikei hi, chih bang le a om zeel a, lunglutna daan zil a gamtaang chiat mah zaw ihi uh. A poimoh peen chu, I lunglut nate ei mimal a di'n phatuam heen la, insak -inkhang te peen a selam in heet kha kei leh. Neih-le-lam I zonna ah le'ng YPA chidam heen.
- 9856361058
- CCPur Police chih saang in, Lamka Police chih theih louh di adiam.....?
- 9862988683.
- Zogam ka it, Zogam Ka it ichi ua, biak-inn tanpha ah thugen te'n ZOMI' TE PATHIAN chi tuam thei tan in I tawi sang ua, ahoih. Zomi lou te di'n le Pathian hi gige ahi chih theih kawm ahoih. Tua ban ah, NE Tv. Prog. te ah Zomi sung a Nam tuamtuam om te'n, prog. neithei sam le, hiai tungtawn in Pathian thu gen in I phat thei dia, tua hun chiang in Zomi te Pathian pahtawi in a om zaw sem ding. Sau muh phak deuh apoimoh - Psychological war fare ahihlam phawk chiat leng maw..??
- 9856600097
- Churachandpur pen Lamka chih di chi a I buaibuai saang un, I gam khantouhna di lam gel peen in nei phot le maw..! I gam akhan touhna di ngaih sak lou a, amin khek di chauh buai pih di na ki-awi ua hia....? A gam puah phot le, amin chuh hong pawt mai di ahi- a min peen amasa di ahikei.
- 9615763179
- Inn veng khat hi ngal a vok ek uih ki diik sak gige zaw chimtak huai kasa lua. Gam changkang te dan in muntuan ah khoi mai le uh chi ke…. Mihing ek uih toh thuak hak lua hi veh, ahihke'h septic tank bawl mai le uh deihhuai kasa tel mai. Chidam hih lah I ut chiat ngal ua.
- 9856365414
- I muan mahmah Dist. Hospital a O T vanzat te, alui luattak jiak in, Doctor te'n opertation bawl ngamlou in Sielmat Hospital lam ah...! Bang I gen ta dia le...! A zawng te a dia haksa lua eive. Hiai kuate mohpuak hi ding...? Superintendent maw... hehpihtak in thunei tu te'n hon enkai ve ua maw? I hauhsak vek louh jiak un….
- 9856483191.
- Bandh leh Strike I bawl chiang un, Mipi-nautaang neektawm zongte buaisak lou di'n, Gov't office chowkider te a chabi utoh, selmang in, apoimoh leh a thunei zawte tanpha selmang zomah lai le'ng, Gov't bil deeng deuh lou ding adiam...? Bangmah hon pe theilou di te tung a I hangsan bang in, Gov't .tung ah hangsan le'ng lohching baih zaw lou ding I diam...?
- T Z Khup (9615411106)
- Bandh aki bawl teng a Tuibuang lam a huap khak louh gige, Bandh a lohching diam...!? Bang ngaihdan na nei ua....? A mau CCPUR in huam kha lou hi'n teh maw...? A mau Org. KSO leh adangdang atel chiang ua amau lam huamkha. A mau chauh in Bandh bawl le uh a lohching di uam!!? A mau Manipur Hill district hikha lou hi un teh maw...? Amau CCPur mun nih a hon khen chihna hi'n teh maw...!? Kum nawn chiah thum leh li khawng in hon khen un teh maw...? Pan hon la meng meng ve ua, a hon khen nawn ma un..!
- Zogam Tangval (9402262367)
- Bandh khawng I bawl chiang in, a tang pi in a phattuamna ka thei kei. Huai saang in, mahni mimal neekguk leh a dang dang ki bandh zaw le a phatuam zaw diam maw lawm aw...!!?
- 9612483529
- Bang chi dan a le, Thadoute CDSU a tellou uh hia le…. Ahihkeileh CDSU in amau te lau lua uh hizaw hia...? Thahdou te'n a Bandh chiang ua CDSU leh ZSF in Full Support a pepah chatchat ua, CDSU/ZSF in a bandh chiang ua, amau lam Bandh sak ngei louh uh....!?
- Myn Khooptong (9856504371)
- CDSU/ZSF in Bandh/ Strike a puan chiang a, Tuibuang lam uaplou "Bang chi daan a..?" chih I gengen uh, mi'n ei hihdan a hon et-ton chiang ua lamdang sa houh ihi zaw diam...? Pathian ni le New Lamka te mah mah eive dawr /hotel hong..! Eite mahmah pil hang e..! chi te eite mah hizeel, apoi se kei.! Kingaihtuah thak ni..! Akpi a pang zelzel lai di maw...???
- Gelsau, Vengnuam (9856531596)
- Ka La sak uh "VAN IN AH" chih motion picture a ki teenna puan kizang in a etsak chu, gingtu te Van inn nuam itun na dia KHRIS 'MOU' ihih ngai ahi chih genna ahih chu aw…
- Dove Quartette (9856530656)
- Khenkhat in Dove Quartette te Moupuan silh toh kisai kilawmsa lou pawl i om chih Mipi Aw tung tawn in kana mu a, huai a mou puan silh kia uh ana en uh ahi di maw...? Ken chuh a kicheina uh ka en kei a, a lasak uh ka ngai jaw hi.
- 9615763179
- DOVE te aw, na siam uh, et zong nuam kasa... Pathian vualjawlna toh ahoih sem sem hon bawl tou lai un aw...Van Khopi chih a na dress peen uh adik lua, bangziak in I chih leh, ei te tunung chiang a van a Mouthak ding te ihi uhi. Naupang kiteng daan a Motion non zat zen zen pen tak uh tuh ka soiseel zek.
- Sangpu Hauzel (9862066473)
- Mipi aw ngaihkhiat a nuam a, ka ngaklah thei lua hi, himahleh anuam hetlou leh chiin non louh dia hoih kasakte:
a. Midemna hiam mimal lungkim louh thu genna a I neih zel pen.
b. makai dia I zat te gen siatsiat louh.
c. upate'n aka mangkuan ki tutu achi uh. Ei leh ei ki taw lemlem .
Suah zelzel dia hoih kasak te:
a. makaite phat zialzial le hang heh hetlou ding ua, kipak zaw ding uhi.
b. bangkim ki dottam leh kipahtawi in hanta ahon tun jel a, huai lampang in I
pai phot leng hoih jaw deuh lou ding hia?
c. zuih ding thil hoih atam theipen gen khe leng I nam – I gam chidam jaw
ding a ki khangtou jaw ding in ka ngaihtuah hi.
Mipi aw tungtawn in I Toupa'n Zogam hon vual jawl ta hen.
- N. Vungkhanthang, Tangnuam (9615275761)
- Kiphat/ki pahtawi I chi pawng mawk ua, I nekguk siam ziak a veng leh gam sunga development work teng – Lampi, Culvert leh adg adg. te kum khat daih zou leng om lou . A vaisaite lah mutpuak (balloon) bang mai a khang hulhul mai. Huchi pi a kiphatphat dia kisawl lai zaw … ngaihdan ki kaihkawi sak tupna hi in ka ngai tlat. Phattaak leh pahtawi taak a nnasemte phat in pahtawi mah ni.
- 9862199007
- Zirna neilou Clinic a sem Result nasan gelhdik theilou om zel ei... I gam bang suak di.... Dam ut a ki ensak Mis-treatmet ziak a si zel di!!? Pil vang ni. Huan ah, Damdawi leite pilvang un – Suun a Pharmacy khak zawzen zan chia hong a, a hun beisa zuak dawr khenkhat a om ve….
- 9612191887
- Tua ka lungkhamna peen maw, tulai nungak- naupang te'n, I pasal te khawng hon tuh khiak tel uh jaw lamdang kasa lua...! Tangval mu zou mah mah lou adi uam maw!!? Lamka te mahmah zaw i uang lua uh, tu ban tangval ana zong ta un aw...!!! Numei hichi bang a gamtaang te'n na bil un na bat ta un aw…. Na min uh hon ki gelhkhe kei leh le.
- Lun, College Veng (9856483664)
- I thusuahte uh enchian le'ng uthuai kasa, a ziak chu numei niik/khekol siing teng te'n a chiin nawn louh di uh ihah gen lua ua, amau le huaite akilawm louh lam hilh thei ding nu-le-pa anei uh. Himahleh numei te'n a uang zaw sem non hih ding uh ahi tuan kei aw... Numei te kipahna dia ka gen ahi tuan kei…
- Mr. Suante (9615275734)
- Tulai numei te'n niik tom chik chik non ten sang un, kilak uttak na hih ua leh under wear chauh teeng in vak le uh chin himai eivoi. A zumlou pi azum kineih a, a show ut lah hi ngal- a utlou kineih...!!!.
- 9862198935.
- Pathian Lasa numei te'n khekol teeng nawn mahmah kei le uh ka chi lua...!!!
- 9856326414
- Tulai teacher te le, skul a tobacco product kham kham uh, a mau ahih a pang zel uh- kristian daan toh kituak lou eivoi... Nang mit a niin mu masa in, achi ka hia....?
- 9862198935.
- Silent is Golden na chi a, chi taktak di hi le Mipi Aw a om a phatuam na di ei... Na tate om dan gen kha cheuh uh hia...!? Ngaih dam! A na ki en thak cheuh uheh...!
- 9856504371
- I sih nung chiang a i tu-i ta te'n ka Pu- ka Pa zaw zu zuak/khamtheih zuak hiam, han haat ahi, a hon chihlouh na ding un, tu hun a I pilvan ding ahi, Unaute....!
- 9856574207.
- Electric toh kisai gen-le-sak atam thei mahmah a, hou chik a gen in, fee piak daan kibang chiatchiat, current muh dan ki bang leh lungkim huai veve ding... EQUAL PAY FOR EQUAL WORK principle dung zui in. Electrict zaw poimoh tak ahi, loh laak chiang nasan a ELECTRIC NO -DUE CERTIFICATE piaklut ngai...! Dept. khenkhat in Kha 4/5 loh lalou, solkar in leh bat suak…. A loh phetlou, tulai paidaan in, apung toh a piak dia kilawm...! Solkar in a nna sem te a saang – a siing a sim bathei a, ana sem te'n Cheng 200/- a bat ding uh pona mawk maw...!
- 9856361058
- Khopi sung i et chiang in, koimun peuh ah electrict vaak phingpheng nuam himai..!! Lam et phaklouh hiai tan hontun pih thei di Toupa'n hon piak, kipah thu gen di lam phawk chiat zaw ni – ki mohsak lam sang in. Pathian' thu ana tun masak na mun, nampil zaw te en ton in, kipahtawi lam sawn zaw le khantouhna om zaw ding hi.
- 9856600097
- Mipi Aw kaki pahpihna chu; ei khawng in le tawm chik seng a thil tuamtuam ahoih dia ngaihtuah leh awlmoh te ki phoulaak thei. Mipi' te gimna, mauna aw te heutu te'n atheih ua, pan hon laak thak di uh lamet huai. Mipi te lak a le bangzah hiam beek in kibawlphatna a ana nei ngei dia lamet hua. A leh lam ah, Pilvan huai chu: I gam- I nam I chihchih lai a, India leh Manipur sorkar' vaihawmna nuai a, kituak lou pi a Tribal Yoke po khawm a, ki tauh tuahtuah te ihihna ah, Community dangte' lungsim nasak lel dia – I phattuam na di le hi khollou, lungsim neu huai pipi gelhgelh a, mi dang te hehsah khak di pilvan huai leh kilawm... ei sung a mimal, pawlpi hanthawnna sang a demna a tam zawk leh, mi'n hon muhsit ua, ahon simmoh loh khak di uh pilvan huai leh kilawm kasa.. gelh tute, sim tu/ ngai khetu te'n, ahoihlam (positive mind) en kawm a, igelh/isim poimoh mah mah di'n kagingta hi. THIL HOIH ahi a, kei leh nang i zat khelh ziak a THIL HOIHLOU a suah khak ding ka lauh man in kon gen ahi a, I ngaihsiam chiat uh kalam en....
- 9856530656
No comments:
Post a Comment