MIPI' AW kana ngai zel a phattuam na tampi ka nei hi, ka puaknat leh ka vei khat ka hon kum di aw. Saptuam a dia ki zang numei hin pasal hi ta leh, numei in a sam a hoi sau di hi a! Pasal in a sam atan d hi a! Bang chi dan a le, saptuam a sem numei in a sam tan, a pasal in a sam hawi. I Bible toh kituak nasa hia? Pathian thu awi a hi diam?
- HEAVY PAPA (9862158705)
Sangtam pite lungsim a om leh kigen khe lou ui-mawl gamphu bang in kon gen aw. zuih teitei ding hi tuanlo, I zuih theih leh bel tampi kipak ding hi. Kua saptuam peuh ah mission worker te leh teacher leh a dangte khaloh sawm-a-khat cutsa a loh I piak pen uh a suh-a-suh thoh I bang ua, namtui lou deuh bang hi. Aloh uh pevek in amau saptuam chiat tun phot le uh, saptuam chiat lah minpha deuh dia, lungkim deuh leng kilawm maw? Aziak bel, sawm-a-khat Pathian-ni a kitoi chiat zel hi a, ankuang thumna banga I lat photleh I lungsim nuamtuam lua ban ah, lungkim huai deuh se ka chih na a hi. Loh nei ten louma nei a hi ua, a sep gah uh a khop phot ding uh, tua chiang a sawm-a-khat a hon tawi ding uh, upate'n lan ding, Toupa lungkim ding chih Toupa deihdan a hi ngei ding hi.
- N Vungkhanthang (9615275761)
Gospel Centenary melmu thei dia honpi tu Jehovah Pathian I phat hi. Khangthak/tuailai te tamsem Saptuam leh khotang vai ah heutu leh makai dia sek khiak hunta. Centenary Hall haksa pi a lam sawmlou in missionary tamsem sawl khia jaw le maw.
- 9856684908
Israel nam ihi uh chi a hong ki gen dawk kha pen, dik ding ahi diam ka chih na a om ka chi. I pi-pu te'n Manasi suan te chi a phui bang ana sam theih ua leh, himah lou di ihi uh maw? Amau hun lai a Bible lah om nai lou a, Manasi chih lah thei kha hetlou di ua. En le Bible khawng a pan I theih pat hi a maw? Bang ngaih dan na nei ua.
- Myn Khuptong (9856504371)
SINGTANG gam hoih taktak te taisan a LAMKA jang a pem pem mok? SINGTANG gam lam mah pibawl thak leng, TALPAK te antang BANG HONG LUT KEI ta leh….? ЕI LAWI ki ngaih tuah ni!
- Pa Biak, New Lane, B Mount (9862829120)
Lamka Khosung a Veng khat, Village Authority a kivaipo lai Mikhat in Hausa hihna (Chiefship) bawl. Newspaper khat in Black issue (mipi laka hawmzak toh kibanglou issue ahi) a bawlsak chih khawng I ngaihtuah chian Khristian gam a omdia deihhuai hetlou khat ahi. Angmasialna leh Diktat louhna ahi. Hausate thuneihdan leh hamphatna maimailou aihchia maw! Village Authority khutnuai hia? Hausa khutnuai? Kua khutnuaiah Mipiten HAMPHATNA leh NOPSAKNA akinei zaw dia?
- Mipite Khualtu (9862150083)
Helpawl min deuhte zahtak ihih uh leh hospital toh kisai in HOSPITAL PATIENT COMMANDO chi in bank lam ah UNITED JOBCARD FRONT khawng chi le doctor lam leh bank a semte'n a hon hoih sep deuh du e….
- 9612191887
Tulai zomite I khang touh dungzui in, lam tuamtuam ah I khangtou chiat ta uhi. Siam sinna ah, I teenna lou ten na ah, khutsiam silbawl ah, neih leh lam tan pha ah nidang toh teh in I khangtou mahmah ua kipah huai petmah hi. Ka gen utpen ahih leh, sep leh bawl toh kisai in pucca/semi-pucca/asawng leh sawng lou hita leh nidang lai kum 70/80 lai vel in Meitei/kolte/vaite ina zang ua, tuni chiang in amaute lou in a semthei ei Zomi sung ah adim-aha in ki om ta hi. Huaiziakin, huchi bang nna nei ten midang namdang te chichi non lou in eileh ei kipan pih tuah ihi dia, khantouhna khat le hipah mai lou di hia? Midang khut a sum I piakpiak sang in eilak mah lut zawleh I chipih-nampih te'n hamphat pih zaw lou ding hia? Huaiziak in a semzou a bawl zou te hong ki ngaihtuah un la, ei-leh-ei mah ki phungvuh tuah zaw ni uh maw…!
- Kiloh tawmpa Vengnuam New Lamka (9856405984)
A khaam ta vet, khamtheih chi 2 leh 3 kia khaam lou in khelhna bulpi, khotang tok buai Zu le khamtheih ahi chi ngam in, Zu leh Sa a ki bual lou zong khia in oficial in Zu khamtheih ahi chih puang thak phing in khaam ta le. Bible in Le Zu khamtheih chi lai ei ve. Zu khut gu na lua a chi ve ua, a thuak kha amei, apa, atek, akhang in. Adiak in Zu ngol vei te mahmah ning huai lua. Ban ah nitak program le buaina omlou a zat theih ta din agingtak huai ta. Kham zek leh nam zek lou in deih tong ki leel thei lou a chih dan deuh ua, nam jek lou a na sem zou lou a, bah loh a, gam leh nam zuun zou lou I pum dim duam I chi a hi ven. Hilehle theih dia hoih, khatvei thu in khaam le glucose stock masak ngai hial diam maw, damlou maimai te khual na in? Nak mulkim huai le sa ke.
- 9862828852
Mipi Aw a hong ki suah District Hospital a vanzat te lui lota a, Doctorte'n Operation bawl ngam lou in, Sielmat Hospital ah Operation bawl ngai zel chih tawh kisai in, HILHCHETNA ka hon bawl hi. Hiai pen thuzuau pi ahi a, Hospital ah vanzatte hoih thei lai mahmah ban ah, ki ching mahmah in, Operation aneupen apan alianpen chiang dong kibawl gige hi. Hiai a thusuah pa'n bangzah vei OT ah honglut in vanzat bangteng lui hiam chih zong thei ding in ka gingta kei hi. Tua ahihmanin Vanzatte athei mahmah ding Medical Superintendent leh Hospital Authority te dong zaw leh Private Hospital ah pai ngailou in Dist Hospital ah tawmchik bei in ki-at thei ding hi. Mipite Pilvang ta le hang maw???
- Medical Superintendent. Dist. Hosp.
I solkal in mizawng leh genthei te a ding khual na in PDS Agent te tungtawn in AAY BPL antang a hong hawm chiang un, khenkhat in Ser 5 khawng tang a khenkhat in lah Bag khat tang, khenkhat ngial in tang pha lou, bang chi dan ahi di, Kristian lah kichi ngal.
- 9615237353
Tuma in kua te MLA nominee hi ua, kua te PDS agent hi ua chih le kithei lou a, tu a CVC te a hong hoh dek ua leh Signbord leh Antang hawm chih mawk. Bang ngimna a de aw…. Theihsakna maw??
- 9856473694
MDC election chi ngal a lah, asung a sem di Teacher lak a sawm uh. I MLA te uh huaiham lua kasa. MDC di te saguh kheuhsa kheuhsak sawm hi tel ua. Midangte I ngawhngawh sek na ua, ei leh ei mah zaw hive hang aw maw? Khawk kha thahah e maw?
- 9856531596
District Council a Primary Teacher lak na di toh kisai, Oct 11 a written test om ding, Oct 10 a Admit Card hawm pan di chih bang zaw, MIHAI vaihawmna sang in le khawk zaw. Ni 4 bek hawm le uh, officer kichi vaihawmna ahih leh.
- 9856361058
I minister/MLA te uh I demdem na ua, ei leh ei kiet masak dan thei tel lou ihi uh hia ka chi hi. I veng makai te chiat uh pi na in NREGS tungtawn in I veng sung chiat uh ahoih thei pen a puah theih hi na pi, bang chi bawl kingkiang ihi tel ua. Gamdang te puah dan leh bawl dan ithei ngal ua. Makai in a nai pen in Phai khopi a om leng Lamka khopi I phok kei mah di maw? I veng sung nasan puah ut lou te'n. Amau chu sem tak uh ahi ka chi. New lamka A-grade hi thei lou di hia?
- 9856144484
News a ui ka mu chi a a neitu diktak in ahih na gen in alak thei di chi ua, a neitu'n ahih na diktak iva gen leh a mu tute'n ahihna ana im mawk…. Bang chi dan ale… theih siam ahak sa. A im di thouthou news ah suah dah vet le uh maw? Tuban ana pivang ta le uh maw, Guai!
- 9856960582
Manipur a Public utility teng sub-standard chih tel. Solkal a vaihawm te moh mah ahi. Amau lah disproportionate income toh khang hulhul uh. A nek guk teng uh negu lou hile uh public a ding in a nak phattuam tham mah di. Loh a lungkim a hon sinak hi a maw BIBLE in. Saptuam heutu leh upa te bang a khok pen a pang zomah.
- 9856361058
Mipi aw kana ngai khe zel a, a tangpi in Saptuam vai, Khotang vai, Electric vai, Ki ukna vai, development vai bang peuh hong ki gen te MAUNA LAM tampen a dia aw ka chi sim hi. I haksat na te uh kikum chu ihi mai ua, ahoih. Ahih hang in, tuate hong suk vaiveng sak di lah eimi vang kasa. Tua ahih man in I mauna te uh Pathian kiang tun chiat in amah muang leng Aman ahih vek mai ding in ka um hi. Lamka khopi a lungkimlou a I maumau ua, bangteng gen a I hanhan kal un, mi'n dai dide in Central Govt. khong ah officer hon na kai sansan ve uh e. Ei le paupau zo lou in mi hih dan en giugiau in gul bang a pil, Vakhu bang a nunnem in pan lathak le hoih lou di hia? Tuailai tak heh! Laisim te le gam la pipi a nu-leh-pa te'n lametna lian pi toh leiba tampipi nei zen a, hon chawm uh nahi kei ua hia? UPSC khawng compete ngam lou a Lamka a sep di tumta nei lou tam lota…. I gam – I nam dam na di zaw I hihna chiat uah mohpuak na nei chiat hi lim ve hang aw.
- NK Zathang (9856530656)
Tulai in zumna chang theilou Zo lianu kitam mahmah ta hi. Papi tekdek phialta, ta tangval leh ta nungak bang nei thei ta, thamlou in, tuu mel bang mu thei ta. zi-leh-ta leh tute toh nuam tak a khosa lai sum-leh-pai, nei-leh-lam etlahna ziak lel a mi innkuan nuam tak a khosa lai vasu buai ngam ki-om lai dep veh o guai..... Tel lawmlawm kasa, atangval lam deuh muh zoh ki ngap lou ading uam maw?
- Steward (9612874927)
Govt. Ofis tuamtuam ah banghiam I va sai chianga KON HIHSAKMAN ahihkeh SUAI KAIHMAN (Cha-thakna bah) chi a sum alak sekpen uh apai ding dan zaw hi hetlou hiven. A nasep ding mah uh hi a. Govt. in lah khaloh tampipi pia a, huaite khamzoulou ahi duam? Kham zoulou ahih untuh piak ding mah hinteh!
- Mipite Khualtu (9862150083)
Mizoram a negu bawm a bawl bang un eigam ah bawl le, a bawm a dim let gige d e…
- 9612191887
Tulai nu-leh-pa te'n I tanu te uh a mihoih di uh deih luat na lam in lengla a neih ding bang uh I phal hetkei ua, thilhoih mahmah khat ahi. Hilele, a se lam en ta leng, khovel ki kheng dungzui in I gam a changkang a, I tate inn a aki heel di uh phal lou a I khauh mahmah lai in, a lungsim tan uh va theihpih lou ihih na ah, a potkhiat theih sunsun chiang un vasa a bawm a kha mah bang in zalen kisa ua, ki aam in ahi lou tantan va tung kha zaw uh hilou hiam? Huai sang in lengla a neih di uh kham bawl tuan lou in I tate mibang chibang toh ki thuah uh hiam, chih etna le hi zaw ding in, I inn lum mah a vual a polh di uh phal sak zaw leng bang a chi dia, chih kei mimal ngaihdan kon gen tei hi.
- 9862958942
Puaknak luat zen zaw hisam lou, lah kilawm lah deuh kasak. CD/ Motion picture Album I bawl chiang a, lemching tu (casting) dia a thu toh kituak lah deuh naupang lua I zatkhak chiang un ki lawm lah deuh sa ingh. Pathian la/zawl la/ gamngaih la hita leh a-entute a dia etnuam leh lungkhoih thei deuh ding in piching deuh lam mah kizang leh, a la thu in a gen khak leh bel naupang mah zat hoih zel maithei. Etsakna di'n Dove Quartte te kitenna la a naupang zat laizang (a naipen ahih ziak a ka hon laak ahi. A la leng siam uh athu le hoih, theisiam un). Hiai sang bang in mi kitenna bang khel zaw vanglak le hang nalh zaw lai maithei. Huaiziakin, maban ah pilvang zaw deuh in bawl le hang maw? Bang teng hileh, naupang lam zatlouh lam himhim hoih kasa lailai.
- 9615676161
Dove te a fuhsa sim uh eive. Gen cheuh tham om sun. A motion toh kituak mahmah. Amau a bangbang I gam ah suaktam leh I nam minnei suak ta di eive. Volume tampi bawl din Toupan hon pi hen. A gud pen.
- Verous Band (9856119851)
Dove Quarttee ten la hon khum zet uh zaw, gen leh sak hon om zeuhzeuh a, bang ziak ei dia aw I chih leh siam I sak luat ziak uh hi in ka thei. A lem chauh uh I soiel thei uh, eimi te ngeina ahi. Na siam lua uh adang le tampi hon bawl beh un. A lem chiin ngai na sak ua leh, naumau mah in hon chiing un aw. Na mel uh le a sit huai kei khop mai.
- 9856293538
TV ka en zel a Demand channel ka en tam mahmah. La hong kisa te khenkhat a la lah eila hi a, asa te lah KOREA te khawng ahi mawk ua, korea te'n ei la khawng hong zil sam uh hi'n teh maw? Ahih keh la sa ngam ua, amau ki lang ngamlou uh ahi diam? Et-hak lo deuh kasa. Eila aki sak leh, eimi mah motion ah leh pang thei leh maw? Tual-niam huai law sawnsawn hilou hia?
- 9862066257
"Mi tengteng toh kilem in om un," Sawltak Paul. Lemna tuh kha-gah 9 te lak a khat ahi. Midang te hoihlou na te dou sang in ei mah a hoihlouh na leh gitlouhna te dou zaw leng I vual zou gige ding uh.
- 9856530656
Tulai te a ding biik thukhah: Nu leh pa te kinep na, kipahna, lungkhamna na hi uh. Amau te deihna bang a na om ua leh a damthei ding ua, a hinkhua uh leng a sawt ding. Lungmuang tak in a si thei ding uh.
- 9615411106
Bangziak a Pathian ni chiang a gari neu a DAM lam manoh a tai hichi tam theih ahi dia aw? Bang va hih uh ahi di? Huai sang in kikhawm le-uh lawk zaw ding hi a maw! Kristian te a ding in Pathianni a kikhop sang a poimoh zaw hih ding om in ka thei kei. Nu-leh-pa te'n leng I tate enkai deuh leng houh bang a chi dia?
- 9856017110
Khuga Dam le… naupang lai a lei vui vum a, tong a sukuak a, zun i thak a, alet na lam lam lei vui I belh toh ka teh mai…. Mipin' thei siam le zaw compensation peuh, contract bill taang peuh band pihlou ding hang a, lou tui buak di om lou a, tuinek di hoh pe lou a, meivak honpiak louh te band pih dia hoih zaw hi lou hia? Chi mai ke….
- Pa Thang (9856801797)
Tulai khovel changkang toh kiton in nungak nou leh tangval nou te'n morning exercise la kawm in kihel dan tuamtuam thei uh. Exercise lunggulh a zingsang thoubaih uh isak leh kihel ana himai mah uh. Lampi dung khawng a itate uh ki lawlou pipi a om din a phal ua hia, nu-leh-pa te kingaihsun ni.
- 9856832887
Zan sawt nung a Tangval lampi lai a kikou ongong sek te kha hong pildeuh ta le uh maw...
- 9615908732
Electric I hah gen beek ua poimoh lua jaw himah ei… Tua mah bang in, Gas leng I lak chiang in delivery slip cyclindar ah hon belh sak ua, Cash memo lah abang ngal a, a rate jah (amount) gelh na di lah om napi, asum jah lah aki gelh ngei het kei a, home delivery rate a kila sek hia le...?
- Pa Thang (9856801797)
MIPI' AW ah Electrict vai a kigen tampen in ka gingta hi, Power Minister mohsakna thu le atam thei mahmah. Himahleh, I ngaihtuah sau zoukei deuh ua hia leh. CM leh MLA teng om khopna Imphal le bang ahi tuan a? Pathian in leng a bawl ding tengteng ni khat in abawl khin ahia? Nang le na theih ding tan na ngaih tuah khezou nai sam a chaw.
- LL Ngaihte (9862191512)
Electric tungtang tuma lam in mi bangzah hiam in gengen non dah ni chi ten electric hoih di deih mah uh adiam? I gengen ziak a minister pa'n ka paisuk chiah ka po nawn kei di hon chi a, huai sawng teng chu hoih zek hilou maw? Kei ngaihdan achu gengen mai le, bang a chi dia? Naupang te'n le nu-leh-pa kiang athil deih te uh hon gengen chiang un atawp chiang in I lei sak khong hi lou hia? Electric le gengen mai le a tawp chiah hong hoih khong na di ahi. Gen zel ni, chimtak lou in aw. I Govt. paidan le I theihsiam poimoh hi. Gengen di huaiban ah Bandh bawl di, huaiban a lohsap zel leh, thagum suah di, huaitan le I ngap lai di ahi a.
- Awlmoh hau pa (9816282765)
Light pai hoih lou I chichi ua, kum khat khong vak lou in hong om leh, mipi te I phun non kei zen diam maw?
- Freda Veng Nuam (9612363931)
MIPI' AW ah thu nalh pipi na hong suah te uh kipahpih huai kasa mahmah mai a, na khuak ua pa'n potkhia thu na gen te uh a gen te mah in hong zui chiat le uh chin I gam – I nam leh I teenna Lamka khopi hong chang kang di in ka gingta.
- Joy Khuptong, Ngathal (9862096558)
MIPI' AW ngaih a nuamthei mahmah mai. Ka ngiahkhok leh hoihsak tampi hong ki gelh khak man in.
- 9615475053
No comments:
Post a Comment