Halhthakna I poimoh uh ki chi vettak le, halhna I poimoh uh chih zawk ding a diam, chik in na halh ua le?
- Amazing Grace (9862294649)
Saptuam upa te'n bangmah hon lawh kei na un teh chi a, demdem ihi uh hia le? Pathian thau nilh tang ahi ua, eilawi dem vual ahi kei uh. Ahihkhelh ua leh amau sia leh pha theihna in koih le maw. Langkhat ah, amau leng a Belam te etton dia a om uh chu Pathian ngiat hi a maw?
- 9862005139
Palm Sunday I zatdan uh dik nasa uh hia?? Hoih deuh a ngaihtuah tham ahi. Jesu vualzou a Jerusalem a luutna thu Marka 11:1-11 sung I et leh suunma khovak lai ahih a chiang mahmah ngal a, enlah khovak ma apat nisuah ma kaal hun I zang mawk ua. Hiai dan a nei den ding I bangta uh. Bible ut dandan a kai thei mawk ding ihi ua hia?!! Dawna pethei I om ua leh kipahhuai mahmah ding.
- LL Ngaihte (9862191512)
Nungak leh tangval lai a Pathian a dia ki zang mahmah na pi in Zawlgai leh kristian huai lou a a om uh leh Pathian min a daisak bang ah mite'n a ensawi ta uh.
- 9856627212
Awle ngaihtuah dih ua, Saptuam tuam a Pastor-te leh Upa-te leh Mipi-te, mi a sih chiang in handal ni, Saptuam in siatvilni in a vazang sek ua; inntekna I va la ua; a inntekna I va lak ngal leh singpi awm a I va hawm uh kilawm hi lou hia? Handaal ni in inntek' dongtate ki houlim ni a hi a; handaal ni zingchiang bang saptuam siatvilni in zang le'ng hoih lou di a dia?? Aziak tuh pa khat in mou a nei a; vangsiat huai tak in lei man lou in a sihsan ahih leh handaal ni a, atungtang ngaihtuah leh genna ni hi a; guhse lei ni chi khat suak a; saptuam siatvil ni pen handaal ni zing chiang hi thei leh chih kei mimal ngaihdan ka hon gen.
- N. Chinkhanpau Tangnuam (9515275761)
21st Century mu minam min kichian nei nailou zosuan sung a om peen khasiat huai sa ing. Nam neu, nam mawl leh kikhen lawta I hihna kitel mahmah hi. Ki ngaihsut thak tuak sa ing.
- S Thangpu (9612208896)
Ei singtang mite leng nagate mah bang in ki gawm khawm ta leng hoih lou di hia? Bang ngaihdan na nei ua, Unau khat lah I hi ngal ua. I pau I haam lah a kibang ngal a. Sak leh khang a kikhen tuam nawnlou in I gam- I lei uh zuun in diamdiam ve ni e....
- 9856406065
Tutung ADC in Primary teacher written exam a hon conduct zenzen a kipah huai kasa. Hun dang ah in-order of Nepotism, Favouritism leh adg.adg dan hi lou in; Merrit basis mah in la le uh chih deih huai kasa mahmah mai hi. Huai ban ah merit a laakte leng ki chethei sak a; Lamka zaang kia a om sawm mai lou a; I mi-leh-sate iitna toh a posting na munmun ua seem ding te kia hi leh phatuam pan ding hi. Gam leh nam iit I chihte tu hun a dai dide a I om mawk bang chi dan ahia! Unau KSO-te voice neih pahtaak huai ka sa. Student Organisation dangte daih dide mawk uh bang I chihna uh a hia? "Let us build our nation through education."
- 9862199007
Tulai kholak thawm nuam deuhta ki chi a, bang hiam ging phokphok thei ding bawlthei om zeuhzeuh hi. Tuate'n lungsim nuamlou sak mahmah a; Tuah louh diing pi na tuahma in khawl in.
- 9615522348
Diwali chiang a bomb/cracker I haal chiang ua; aak puul lou hia leh. X-mass chiang a itate in lau pipi a a haal cheuhcheuhte uh toh puul hia. Ei leh ei iki khamkham sang in kham nawn kei le. Midangte lah khaam lou hang a. Naupangte kipahna le a hi mai zaw diam, na chi kei uh maw???
- 9862154291
Unau Kuki ten NE-TV ah hun nei ua; ei Zomite'n leng Zosuante kampau a; news suah theihna khat bang va nei thei le hang I scope uh leng suk letna leh a phattuamna tam mahmah di hi ve aw maw. Makai lamte'n pan hon la meng le uh a deih huai tel.
- 96127334552
Hiai NE-TV a nam dang – pau dangten news va neithei ua, ei paite kampau a omlou, heutute'n pan hon la le uh I chih vettak uh bang I genna uh ahia? Nam heutute toh kisai na a nei kei. Huai naksang in; Zomite te lak a pan Journalist taktak om henla Paite News ka bawl dia hon lei un Viewers siing 2 val om di ahi chia nekzonna a zang thei Journalist diktak I neih louh ziak uh a hi lel zaw.
- Zuansianching
Trafic toh kisai genzual le; ei sang a changkang zaw leh pilmasa zawte hih dan deuh in I Lamka khopi bang leng omze nei deuh a traffic rule bawl hunta hi. A diak in Gari lian in neu leh Tedim road kia suktaii-toutaii na in zang kei thei le. Hong toutai dite leh a biiktak in garilian Truck chih khong te'n khopi sung a bazaar lunlai bang a tailuut puung-puung kei thei le uh.
- 9436719459
Damdawi inn thunei tute apan thu kipahhuai x-ray leh Operation Theater a vanzatte hoih, zat theih leh buching huntawk ahi.... chih I zata ua; kipah huai. Operation bawldi te'n theih dia hoih tuh Doctor in Sielmat Hospital a hon chih ngeingei uh leh side income deihna ziak ahi chih thei a, District Hospital ah Vanzat chikim a om chih MS apan aki zakhin hi lou maw.... Chih geihgeih ngam ding a hita.
- 9862247146
Teddim road Bank mai lak a anawl tuaktuak a Gari neu hi'n a lian hi leh I Park seuhsouh tel ua, a tawnkha taphot in dongkholhsa a phun lou khat leng aki om kei. Trafic police-ten a mau mohpuak ahih lam theilou a tel di uh maw. Hiai khong a control theih kei ua leh khaloh le lala nawn kei vet uh hen la, ahih thei midang employed zaw le uh mipi a ding in a phatuam zaw di.
- 9612737086
Ei khang thakte mahmah I si I si mai ua, I sih na pentak uh bang e, ki velthak hoih kasa mah mah hi. Dawi leh kau bia lah hi nawn zen lou hang a. Sigal chiang in numei ten' nampuan puandum hon teng ta le uh a ki lawm mah mah ding! Misih na ah hall I bawl ngal leh, I khuangpi tum pah in, In sung ah, sisuun te leh, Nupi leh Papi, tanau nai leh si tuam nuamte lut zel leh mipin' I et dan in, a ki lawm zaw ding a bang hi. Misi vui ding a I zawn khiak chiang in, han tan ah, I nampuan puandum in khuh leng pichin huai zaw lou ding adiam maw? Mipi pi aw a ngaih nuam ka sa thei mah mah a, pilhuai thu ngen a hih ziak in, zuak mai lou in zui chiat in, paih dite pai leng maw guai…
- H.Thangkhup. G.S.Road, New Lamka.
Ken le Sorkar nnasem te toh kisai a ka awlmoh thu saulou kahon gelh hi. Ahih theih leh, ofis kai te'n kuan baih deuh hon sawm ta uh hen la, I nasep di mah signature bawl na dia sawm khat sawm nih khawng in ki su min se ut nawn kei le, ka chi mah mah hi. Ofis khen khat khat ah houh, ei a te tata a buai huai hi zomah lai chi ou...! Hiai khawng le hi mai lou di hia, I khan theih louhna uh... Ei leh ei iki awlmoh kei leh kuaman hon awl moh lou ding hi.
- Siam, Tangnuam (9615546312)
Ngai in unau, nungak lai kiteeng dek chih le hilou a moupuan silhte a lengkul sawt uh a chi ve ua. Kua mah in hehna in ngai kei ni. Deihsak thugen ahi lel zaw hi.
- 9862095303
India gam pumpi sung a state hiai zah lak ah Manipur leh eilawi omna Lamka sang a neekguuk (corrupt) nasa zaw a om kei hial uh. Independent mu in ei leh ei ki vaihawm hial le leng ki ne gaivek lou di hilou I hi uh maw..!! Burma, Nepal chihte gentaak louh Bangladesh le I tuk zou kei duuu.
- 03874233795
Ki sawisa get le, eilawi I cultural dance chia I show-te uh bang I modify mawkmawk ua. Khovel a culture modify thei ei kia hi ni. Cultural dance I modify ngal leh Cultural dance hi nawn lou in Contemporary dance chih di ahi zaw. I modify ngal leh lamdan thupi leh skill omzek mi maimai hihtheih louh zil taktak ngai didan in bawl deuh le maw. Haihuai…
- Zuansialching@ Chiching
Ei lak lou peuh, mundang state dang khong ah mi'n ala sa-te uh siam in siam ta kei leh kipahtawi dan leh ki tawisang dan a siam ua; lasa-te a ding in tha a guan mahmah uh hi. Huchi bang a hih theihna ding in eilawi in le I local lasa-te uh pahtawidan leh zatdan siam le hang mi phalou tuanlou ding un ka gingta mawk ka chi.
- 9811423787
Lasak lunglut leh talent nei te kiang ah nget ka hon bawl hi. Nou leng zil in sum seng in na lunglut na uah mi phazou ding in pan hon la vet mai ve ua… Mi'n a pianken ua asiam na ban uah, vocal training, stage performance leh microphone zat ding dan tanpan zil a azil uh eive. Eigam ah a zil na ding a om kei leh leng naichik Aizawl leh Imphal ah tam a tam ahi.
- 9862771917
Hiai la naza kha ngei uh hia? Namdangte'n khapi tung a kahtouh, bu tom in teen sawm… ei zomite'n "khapi aw hong kia hong kia…" chi in suk sap…. Khovel kitaitehna sang mahmah in ei leng hon nawk a; himahleh en bang chibang in pan I la ua. Student-te lak ah tulai in bang ki taitehna a om a..? Khovel kitaitehna ah I el pha na di uam? I lungsim uh localized nawn kei ni.
- 9856186421
Electric hun dang teng sang in hong pai hoih zo deuh ta hilou hiam? Mipi te kikou na aw gah hi ding in I gingta hi. Huai toh kiton in FEE bat neite'n thasial lou in pesiang meng in, permit nei nailou te'n leng kitak in ngaihtuah fel leng hiai sang in hong hoih zaw ngei ding in ka gingta hi.
- 9862074506
Mipi' Aw saitute tup leh ngim thupi in phat huai kasa hi. Himahleh, I zat dan et thak kuul kasa hi. A hihkeh Mipi'n I zatsiam zawk na ding in, a Min leh Heading teng kheek a hoih zaw mai diam… Etsakna di'n MIMAL' AW, KHOTANG DEMNA, SAPTUAM DEMNA, ELECTRIC DEPTT. DEMNA leh adg.dg.
- C. Biaklian, Elim Veng, New Lamka (9862908091)
Mipi' Aw I chih, mimal mal ten a ngaihdan uh a hon thawh khawm ua, huai teng a lompi a I gen chiang in Mipi' Aw chih mah ngai ahi. Mipi' aw toh kisai na etdan ana khek in. Adem na lam kia na theih bang in, a phatna (constructive) lam leng ana theih sawm ta in aw… Mipi'n I zat didan uh a koilai tak et thak kulsa na hiam, a guide line non piak theih leh mitampi in hong zang dik mai ding uh ahi a, huai ding in Most wel-come ahi gige. Na ngaihdan leng midang aa lak a ahong om khawm chiang in Biaklian' Aw hi lou in mipi' aw ahi.
- Editor Mipi' Aw
Mipi' Aw hong om in I khotang leh mimal a ding in phattuam na tampi I theihlouh kal in om khin ta hi. Demna toh phatna kikim hel geihgeih, Dem tuak te dem ek-ek (Dem dia om mah uh ahih chia), Phat tuak te phat toihtoih (Phat tak mah uh ahih chia). Mipi' Aw I chih hichi ding mah hi in ka ngai tlat. Akipat na san leh asai tute tup leh ngim leng hiai ding mah hi in ka ging ta.
- 9856406344
Tulai in local Cable network bang le tamta ahihman in, weekly hiam fortnightly hiam in Open House discussion chih dan khat om thei zel henla, concerned public te teltheihna, thudotna leh kidawn na (panel discussion) chih bangpian in hih zel hileh phatuam maithei. General topic/public interest issues hideuh henla, nambing hiam, saptuam bing hiam a problems te le hi khollou zaw in. Hon sai ve ua.
- K. Ginkhanthang, New Delhi (Zogam.com)
No comments:
Post a Comment