- Admin The LamkaTimes
Pathian ma a Nau lat, Inn lat, Gari lat chih te tulai a I chindaan uh ki engsawn hi le'ng kilawm kasa. Mi'n a ta alat leh, Pathian deihdaan in ka kem in ka en kol di chi a alat eive. Ahih leh nang Na ta/gari/thil khat peuh na lat leh Pathian' deihdan in na en kol diam…? Pastor in hon latsak leh lungkim suk mai, I ta lat te uh Mi' ta lat louh te toh aki lamdanna bang a om a, lat ahih lam lam le'ng phawk pha nawn lou..! 1 Samuel. 1:22-24, 27 te ah mi'n atate Pathian kiang ah bang chi'n alaan ua, nang Pathian kiang a na thuchiam na lau ka hia…? Ei Pawl in inn khawng laan in hih hoih mahmah, ahih leh na inn lamna a na sum zatte a siangthou hia..? Pathian kiang a lat taak taktak mah nasa hia..? Lat khit ahih chia lah, ka inn Pathian kiang a ka latsa ahi chih lamlam le'ng phawk pha nawn lou….! Gari thak khawng lei a laan zel, Ka gari leina a ka sum zat te siangthou na hia? Pathian kiang a lan dia Pastor sam ngam mah ding ka hiam chih ei lam ki et chian di'n hoih kasa..! Neihsa laan nuam te'n Habbakuk bung 2 na khawng hoih tak a sim a ngaihtuah di'n ahoih…!
- Zapau Paite (9862737571)
Ngai dih uh, I sih chiang a saptuam intek ahi. A zingchiang siatvil ni chiang a intekna I lak non pen sawnsawn a bang hi. Siatvil ni I chih pen intekte ni poimoh ahi.
1. Pu-zu tawi ni ahi.
2. Laang kikhet ni ahi deuh a.
3. Asi pen numei manpiak nai louh bang hi taleh man gen ni ding ahi.
Huaiziak in, huai ni pen saptuam in intekna valak ek pen kilawm zou lou lua bang hi. Intek I buai sak ban ah, atu, ata, alaina te toh anek bawl te bang un ne ding a hon khou ua, khenkhat ten va ne ngam bang kiom zo mah lai. Siatvil ni a I intek ngal leh I saptuam min in a sipen galna hiam ahihkei leh siatvat na singpi bek va tawi thei leng kilawm lou ding hia? Unau te, khang a hong thak zel bang in I ki zat dan uh leng puahthak ding tampi om ding hi.
- N Vungkhanthang, Tangnuam (9615275761)
Biak inn sung leh pulpit tung a lam-lam te leh Pastor, Upa te, Thugente leh a dangdang te mohsak thu kigen te dik thei mah mah na pi, a gentu' a gelhtu in le zui lou, mi moh sa sa. Mi pulpit tung a lam-lam te'n kicheina a zang chi in na moh sak zel a, nang le pulpit tung a na laam leh, ki cheina in na zang a hia…? Nang le na lam-lam ngal a, nang bangbang mi ana om khollou di eihkha aw…!? Midang hoih ding lah deih mahmah ngal, himahleh nang lah ki bawl phat sawm tuan lou…….!
- 9615856593
Tulai mitam tak te adiak in tuailai te I kikhop un bangtoh I kikhom ua. I mobile uah bangbang film a om a chih ngaituah maimai leng maw.
- M @ Tonsing (9862311797)
Lungsim a ka vei leh ka puaknat mahmah tuh, Kristian kichi hang a, I diktat louh mahmah uh ahi. Biak Inn khawng kai zel Pastor te, Upate, heutu te'n thu hoih pipi a gen uh I za ua, I ngai khia ua, himahleh kuaman lah I zui tuan kei ua, a ngai khe te'n lah zui lou, a geen te'n lah zui tuan lou, a gente leh a ngai khe te kibang geih…! Negu te lah khawl tuan lou, a pung hawm te lah phatuam ngai deuhdeuh mai…! Thang tatna lah uang semsem, Mission na sem te lah diktatna toh sem lou. Nang Kristian na hi kei/na piangthak kei kichi le'ng lah, court tanpha kitun hial nuam ding ngen, kua nung zui ihi maizen ua, setan nungzui maw..? Pathian nung zui…!? Centenary (kum 100) chinna bang lawm thei hial di hita hang a…. Ei Kristian te'n lah diktatna himhim neilou. Khawmpi thupi di bang a DIKTATNA IN NAM A TAWI SANG chih bang zang zomah lai….!
- Mr. Zapau Paite. Vengnuam (9862737571)
Nam vai a kipolh khawmna a om chiang in I nampuan te uh, a kua peuh in baat/silh zel thei le, chiin tuak lua kasa hi. Meet ahih kei leh Conference neihna khen khat ah mipinte'n kizui thei a, himahleh a heutu (leader) tata in chiing thei hetlou chiitchiat uh hi veh o maw!
- Real Zomi (9954093239)
Eite mah mah chih zel di hilou di hia…? Gamdang te'n a gam uh a puah daan uleh, ahoih daan I thei chiat ua, ei lawi I veng makai te pii-na in jobcard tung tawn in ei mahni veng sung chiat puah thei na pi, bang chi tel ihi di uh….!? Mi'n 'A' grade khawng hon muh san uh ei ve, en le muh theih sam lou di hia…? I minister/ MLA te uh bangmah semlou chi ngam bang ki om zomah..! Amau zaw sem tak uh eive, I veng sung I et leh…! Tak Tapa, Tha thak la ni uh aw..!
- 9856144484
I tui mah mah ule… a guite dong kholh mai mah a bang! Permit nei na peuh fee tampi hon basak lai zaw mah uh, kai ngei lou… khua/veng khenkhat ten Electric New Lamka te a kia hia? Achih bang ua, tui le khua khat kia a di hia? Chih dia hoih a ka..!
- Pa Thang (9856801797)
Register news paper Manipur state sung a ki publish ten holiday nei man lou phial in news paper publish zel uh hi in ki thei hi. Strike leh Bandh a om chiang na ngawn in ki publish a, a copy te hong tungkim zel hi. Ahihziak in Lamka a news paper te Pathian-ni teng khawl ua, amau holiday ki neih ua, state holiday, National holiday omlai zomah a, technical problem in behlap lai zomah hi. Hichi bang hunte ah ki publish lou hi. Tua ahihman in a taangpi in kha khat in kal 3(weeks) kia publish suak gige sima, kal 1 (week) ki publish kha khawllou chihna suak gige hi. Tua ahihman in I local registered news paperte zong regular tak a publish theihlouh hiam? Chih subscriber ten ki thei nuam mah mah hi. Editorten hiai thu toh kisai ngaihtuah na thak hong neih kal uh subscriberten ki ngak lah mah mah hi.
- 03874233312/9862101318
Mi khenkhat in phat nuam het kei mah le uh, amah sang a nna thupi sem zaw ei lam mi I gam uah ka mu ngei nai kei… amah bang a thil thak pokhia / bawl khia khat beek om beh leh, bang chi khop in I gam in ma a sawn dia…? Tu'n le Lanva naak ah, Small Hydro- Project khat bawlkhiak sawm zel tel hilou a maw..? I Minister uh Pu Thang mah mah Dam sawt mah mah heen…!
- 9862065829
Khaih..! DC thak phattuam pih law dek pah I bang ua, New Bazar bang le hong siang sak zou leh a ki lawm a, tua bang a ahong chihtak touh zel leh zaw a moh pokha te'n le hon hah lou ngam kei le uh kilawm mate guai.!
- 9856283538
Zanlam deuh a Mipi' Aw a thu hong kigen khat dik kana sa lotel hi. Tulai Nu-le-Pa te'n a inn ua Leeng la a deih louh mawk uh, a choh uh kasa, a ziak chu mihing dai kuaman kai zoulou chih mah bang a, a tate uh a pawt theih sun sun chiang ua, bang teng hih a koi a vahoh uh ahia chih lam ngaihtuah kha lou uh ahi di maw…? Ki ngaihtuah zek un, Nu-le-Pa te. Ahoih di uh deih luat na lam a, I deihlouh lam pen tak a hong om khak di uh a lauh huai zo tham hi.
- 9856406065
Lamlian lai a kimawl kichi, veng sung thuneitu te'n le kham di'n hoih ka sa…! Gari tai te kia hilou in, lam pai te a di'n le abuai huai…! Lamlai a kimawl chilou in Gari bang in hon sukha leh tampi bang I liausak nuam lai dia… a sia I tun ma in pilvan mahmah ahoih.
- 9615411106
I veng sung ah NREGS na sepna kipan nawn dek laihlaih, Kipah huai chih di himai maw..? Hileh le, NREGS nasepna ni khat thaman ni kum in Rs. 80/- val zek hon pia ua, tukum in Rs. 100/- di chi uh maw…Bangziak a Mizoram a te'n nikum pek apan nitha numei Rs.120/- leh pasal Rs. 150/- ngah thei se se uh ahi tam…? En le amau a zah mah ngah thei thou lou di ihi diam…?
- 9856578868
Tu financial year a kipat NREGS (job card ) te nitha Rs 100 ka sak leh a ngei mah achi ua, bang chi a mawk a? Vanman lah khangkhang, makai te check.
- Muanlianpa Saimual veng, Tangnuam (9612363861)
I gam sung uah khamtheih hih tam deuh deuh, akhang khia te'n lah RP amuh theihlouh chiang ua No.4 a sang tou uh, Lamka a amuh kei ua leh Tuibuang (BJ) lama tai suk duai duai, ahihsa te'n lah hih ut nawn lou sasa a, thuak zoulou a om theih ahih man in, sum zong in zong teitei uhi.. Heutu, huai bang saithei a, kuamah lut louh theihna dia pan la thei I om diam…? I khaam ua, Lamka bang ah, bei zou phial a panla tute pahtak huai ka hon sa uhi. Maban ah chihtakna toh na hon sutzop zel uh kahon ngen uhi.
- 8615411106
Tulai in I gamsung/I vengsung ah GUTA te jiak in kisoisak khelh a om zeuhzeuh ta hi. I Van Gutate'n a hong guk sak chiang in pilvangtak in sui (Investigate) masa in, a mi chet I theih chiang in, heutute tan I utleh tunle I hih khial kei ding. Heutute kianga I repot mokchiang in amau anasep ding uh sem ahi ua, I mohsa thei kei hi. Ahih khial tu a repot te ihi a, a GUTA taktak te I matkhiak/theihkhiak chiang a lah I VAN GU a I ngoh masakte ana hikei maimah uhi! A thuak di teng uh amau ten adikna uh le gen ngamlou in khasetak in ana thuak khin zel uhi. A poi thei mahmah mai. Akhonung in akilawm dan in I ngohkhelhte kiang bang ah ngaihdam I ngen zozen a, athuak na uh ana dam mah diam maw? Huaiziak in maban ah pilvangtak in gamta thei leng.
- 9615904373
District Hospital Medical Superintendent in agen dan in, Lamka Damdawi Inn a OPERATION na dia vanzat ki ningching om ahihleh bang ziaka damlou OPERATION ngai te Sielmat Hospital ah OPERATION ngai sese hiam...? OPERATION tu Doctorte lah District Hospital asem te mah hi ua, a hihkei leh lah DAMLOUte deihtelna a bawl hi zaw hia...?
- Zokhual (9862160072)
Huchi a, operation vanzat te hoih a hih leh bang dia Sielmat lam ngen a ki at ding teng sum tampi seng a sawl? A vanzat hoih a a-at tu di lah om a hihleh Sielmat lam a damlou te'n chi sese uhia? Doctor a at di te sum duh man liauliau hiam? Hucia District Hospital a at theih a hihleh pan hon la thak un doctor hawmthawh huaite aw...
- 9612191887
Huchi a operation vanzat te hoih ahih leh ba private a tampi seng a ki at di ci se, a van hoih a doctor hoih lou hi jaw a hi di e?
- 9856694311
Tutung VDF lak na dingtoh kisai a laipoimoh CHARECTER CERTIFICATE Lamka Police Station a lakna ah Police Talpak te khat in CHARACTER CERTIFICATE khat ah Rs 100/- zel alak pen ahi dingmah adiam? Ahihkeileh aki saipih te (concern personte) toh Rs 100/- mah dinga thukimna bawl uh adiam? Ahih keileh, hichibang Recuitement om chianga aguka khenkhat in ADVANTAGE a la a, BUSINESS a ana bawl uh a diam? Huchi a hihleh akisaipih lam te'n a etkai uh poimoh in teh.
- 9862160072
Kholak a kihhuai mahmah tuh, Numei te' taw tuamna ahi, ui khawng in vial tuahtuah zomah lai..! A zang te'n haltum na chang thei zel le uh maw… A mukha te adia sung nim huai lotel eive…!
- Papau, Vengnuam (9856531596)
Nupi khenkhat sun pawtpawt uh, a pawt nate uh gamtang moh zen a va om, a teek lam sim tata te hizomah lai…. Hong lum el-ol zomah lai uh. A mau inn sung a nasep di omlou adiam ichih leh lah, anutsiat te abuai a buai thei uh hi ngal…! A zumlouh dan uh, a nin huai lua uh….!
- 9615401029
Tulai in Lampi kan chih khawng I hangsan mahmah ua, khantouh na khat chu ahi. Veilam–taklam en masa nawn lou a lampi kantan aki tam mahmah a, gari taite adi'n aheh huai thei mahmah…! Huaiziak in, lampi I kan dan ah pilvangta ni, huchi ahih ke'h ken hon phu kha le'ng na choh hia hong chih san lel di kahi, lau het lou a…!
- 9856573359
Pawlpi tuam tuam in program lian deuh I neih di chiang in, I ki zaksakna te uah, "Pathian in Hun hoih hon piak leh" chi kawm in, thupitak in/athupi thei pen in, chichi se lou in, anop/athupi/ahoih didan pen lungsim a geel kawm in, Pathian' thuthu in koih zaw le'ng ahoih zaw kei ding maw…? Thupi pen/nuam pen di chichi a, a tak a I hon hih khiak ching in ahong gi-nat louh luat chiang in hong zumhuai lo phiing abang naak hi…!
- 9856530656
Laisiangthou I sim chiang ua CHAANG I chih sek uh, Paite pau a bang genna ahi di…? Ei pau a gen I hih vanglak leh, TAANG chih zawk ding ahi. CHAANG I chih in gen khaak anei ngal kei a….! Etsakna di'n Matthai Bung 5 TAANG 16 chih bang in sim zel ta le maw…?
- Muan Z (9615474225)
MIPI AW ah ka ngaihdan khatvei konkum tei awle – Eimi te'n Gospel Video Album I bawl chiang un ahihtheih liai leh Biakinn sung hiam, a hihlouhtawp in inn sungbek hithei leh maw, gamlak khawnga lapawl vasa zaizai chih mawk kilawm lah deuh bang kasa! Banah, lakhat (lapawl/solo) saksung in a dress te uh kheng zihzeh kei theile umaw! Edit bawl ten le la khat kipat dek tenga a 'EDITED BY' chih gelh gige tel loin a bul ah khat vei a gelh chauh le uleng min thei chian mahmah di uhi. A aphuaktu, asatu leh ala thupi gelh penbel ahi di mah in ngaihsun ingh.
- 9862199836
Electric thu gengen non dah ni I chi na ua, I gentam lai bang zou nawn lou zel eivoi. Hoih pai mahmah I chih a le dakkal 7 khawng pai zou hamham hi tel a. Dakkal 12 bek niteng a muh theih na din kiphin zel lai mai le.
- Sangpu hauzel (9615282765)
Nidang in Khengjang a te'n electric power control ua, tua Khominthang apat control ta uhi, a paidan lah lamdang pi tuan lou. I sub-station ua zaw, vak den thei hia, huai a pan a gui ki la sawn a, huai a ana lai mit gaihgaih te thuzoh dan ngaihtuah thei leng tuh, tua hong supply khak na teng bek vak den di hia maw. Awlmoh man a gen ahi.
- 9615282765
Mipi aw na hon patkhiak uh anuam a, sintopni bang hon ngaklah sak hial hi. Ahi a SMS tungtawn a honkhak tute mi tuamtuam, aneu – alian ngaihdan kibanglou pipi aki hih man in suahtuak leh tuaklou, neukhah etkai zek tuak kasa hi. Bawl dik theih non louh mi lasak dan leh kichei dan khong soi selsel in phattuam na hon tun kei ding. Ken zaw eimi lasa thei I om himhim bang le kipahpih huai kasa a asiam lolou te leng tel in. Lungke mailo in hongpang uh hen la, a siam zaw sem di'n Topan' hon vualzawl hen aw.
- 9856473694
No comments:
Post a Comment