MIPI' AW 10

- Admin The LamkaTimes

Saptuam Upa I teel dan uh, Bible dan toh kituak lou deuh hilo ahi
hiam? Bible thu-gin zuite I hih ngal leh phuaktawm sese lou in, Bible
a kigelh dan in Upa tel maile, Bible thu ahi bangbang a zui
(Evangelical) ihi mai di uh. Timothy 3:2, Nasepte 6:1-7 te a kigelh
bang in a Quaified na duam. Sawm-a-khat kum 3 pezom ding chih khong
Bible a kigelh kei veh.
- N. Paua, New Lamka
Kristian daan siangthou a ki teenna a om chiang in, Mou-te Biak-inn
sung a hong luut chiang un Mipi te ki ding kei zaw heenla, Mou leh
alawm te tung masa zaw in, Mou nei Pa hong luut chiang in Mou te
makaih in mipi na ding le uh, I Bible toh kituak zaw in, Kris leh
Saptuam te Ki teenna bang zaw ding hi.
- 9856627212
Saptuam in sivuina programme i bawl chiang in, siatvilna prog. toh i
bawl khawm sek a, siatvilna programme i bawl ngal leh singpi beek bang
dia telsak lou i hi di. Inntekte singpi khong i va set tel.... Pute
lang khetna khong, tanute kithoh khawmte khong mi'n a ziak a zaal nei
a, gennop saknop nei a houlim khawmna dia a awm ei ngal ve. Mipi
vaakna dia a awmte'n a awm uh hi khollou maithei a hi aw. Saptuam khat
in programme i bawl a hih ngal leh singpi beek si sam le'ng saptuam'
dan bohsiatna a hi khol dia hia??
- Awlmoh' Pa Paua N. Lamka
I saptuam sung a Pastor kipiak na sang taktak, foreign dollar sum leh
pai hauhna enlah lou, gam dang a, a lawm - a vual deihsak tu te'n amau
a ding liauliau a hausakna kham sum apiak te bang uh, mimal phattuam
na dia zang zaw lou a, Pathian gam na sepna leh Biakinn bawlna ding a
pe khe ngam toptop Pastor I neih khak ziak a, I saptuam Pathian in hon
taisan lou ahi diam….? Pastor chiat chiat zaw, aki khai thei uh aka….
- 9862247146
(Braket a te khenkhat ngaihdan)
Nam dang te'n, "Nang bang mi?" chih a hon dot uh chiang un, "ZOMI" chi
a ka gen chiang in, thei ngei hetlou a bang mai uh, (kuan a thei mah
dia, mihai!) Ei Lamka a om te'n ZOMI kia I ki chih ngam NAI KEI leh
leng, mi dang te kiah i nam min I gen chiang in, hiai bang in gen thei
zel le (bang ka gen e?) Paite-Zomi, Tedim-Zomi, Vaiphei-Zomi,
Simte-Zomi etc etc (ngai mah2 kei) Hiai dan beek in hingal ta leh maw
i chi diam. (Na thu omkei) I mipih Foreign gam tuamtuam a omte'n bel
"ZOMI" chih kia in a kigen ta uh. (Nang awlmoh ngailou) Ei ZOGAM a
teengte penpen in ZOMI chih bang tan vei Zumpih lai di??? (zogam? koi
ah om a?!! ) ZOMI na hihna tualniam kisa ken, misanga niam zolou ihi
uh aw. (Bang na thei a eita) - Hiai bang lou deuh in thil ngaihtuah
chiat ta ni.
- REAL ZOMI (09957801310)
Ei pawl in politics I sai chiang in, bang teng igen peuh na ua,
nam-leh-gam itna neu chik le nei lou, mi jawng leh genthei te tan ding
teng enlah, kho sung/veng sung a lampi, nullah leh culvert sia om te
lah development nasep khatpeuh ahoih a sem/puah peih lou-semlou a asum
teng kilak gaih zomah, gam-leh-nam itte jaw a gen tam thu hi lou a
kithei eive mo? Mahatma Gandhi te khawng in nam-leh-gam adia ahinna uh
pia eive ua mo? Ei a te bel nam (mipi) leh gam netum nuam ngen. Sum
leh pai deih I hih leh vaigampur lam ah khutdoh in vaki zuak kheukhou
le hoih lou ding hia?
- Mung (9612362756)
Kua peuh chidam leh kipak tak a khosak I ut chiat uh agintak huai.
Ahih hang in lah, sianthouna i ngaih sak kei lua ua, I vengsung
anam se thei lua. Anamse sak thei khawi te pilvang deuh le bang a chi
dia?
- 9856016406
Vuah zuk chiang a Nullah tui a niinte inkhanglam te adia transfer suk
sang in, hoihtak in innkong ah kho-phat chiang in hong koih zaw le uh
chin, a hepsiang anuam zaw tham ding hi…. Thei ta un…!
- Inn khang lamte (9856733705)
Kuapeuh mah in la I sak chiang un, amun zil in lasak ding kilawm a om
hi. Function na khat peuhpeuh, YPA/SSPP leh Social Prog., te khong ah,
Pathian la, Hotdamna la hiam sak pen ahun leh mun toh kituak khollou
ding hi. Huai hun ah gamngaihla lampang bang kituak zaw leh kilawm zaw
ding ahi. Huai lou in, Zomi Namni leh Kut lawpni khong chiang in,
group a la te ahoih thei lamlam sak ding ahi. Kidemna khat peuhpeuh ah
la isak chiang in akin diing ahi a, Dahla bang sim a awl-a-awl
nguainguai a na sak louh diing ahi. Kua peuh lasa mite'n chianteh un.
- T.K. Hangsing
A lim ettheih a Pathian Laa sate'n, Laa khat I sak sung in iki zepna
puante kheek kei thei le'ng maw? Pathian Laa sakna a mihing in
thupina tansawm a hong bang thei a, a kituak kei abang. Rome11:36
- 9856627212
Chi nawn zen le, lasak tungtang ah, gen-le-sak a tam. Mi phuahsa leh
mi saksa sa chi in iki dem khemkhem zel ua. Biakinn a isakte bang le
mi saksa leh mi phuahsa kikhop teng a I saksa mah sa nawn zel I set
tawk voi.. Mi saksa louh la thak ngen sa di chi leng Pathianni teng
banga la thak phuah ngai di hi a maw…? Phuak seng di I set maw.. ka
dah thah…???
- Zuansialching Tonsing
Gari tam deuhdeuh, accident lah tam deuhdeuh, a heekte ki check jeel
leh a document uh adik kimna diam…!! Zu dawn khamsa a heek khawng ahi
di uam maw?
- Micker (9615411106)
Heutu muan te aw, Bank Branch khat beek hon phusuah ve ua, a teek te
leh nau neu pom lai te hehpihhuai lua uh eive - natheihna di'n nang le
khatvei hong kivual tei ve leh. Bank a seem te'n, mipi lam apan ngetna
om leh thil hithei ahi achih uh kaza sim a…!
- Masawnthang (9615411106)
Tulai khopi sung a khamtheih doudaal te, mi khenkhat in a tawptan a
akham zoh kei di ua leh, kham dah le uh achih mawk pen uh, kei ngaih
daan in, huai chi zaw lou in, ei mipi te'n nakpi tak in kithuah pih
zaw le hang, ki khaam zou pah mai lou ding hiam, ka chi a, kham dah
uheh achi te'n a zuak kawm2/hih kawm thei cheuh cheuh uh chihna hi
di'n ka ging ta.
- 9615763179
Mi buaisak dia Bandh bawlbawl saang in, I neekguk taak guukna leh I
diktatlouhna te teng teng uh, mi chih in, ei mah mimal Bandh kibawl
chiat zaw le hang, I gam leh Nam in phattuam pih pen ding hi.
- Lialian' Pa CLong (9862315999)
Kua peuh in I buaipih uh Jobcard, tuma zek in Phualpi sorkar in
Loksabha inn-pi ah kum nih sung behlap uhi, hiai kum nih behlap a om
pen ni bangzah ahi mah diam maw..? Kum khat ichih lah ni 365 hia maw…?
Bang ziak a thaa tawmchik seeng a Sum la maimah ihi ua le?????
- DL Zogam (9615475053)
Kristian gam a om dia kilawm lou, nekguk leh a kan a val a, a om zah
sang a tamjaw NERGS hamphatna tan i sawm jiak un, missionari nna a
haksasak diakse a, ginglou mite ettontak in i om kei uh, Pathian'
gawtna a thuah in i thuak ding uh. Mt 5:l6
- 9856627212
Khosung a transformer omte aki siat chiang a, khotaang a apauthei leh
a tallang deuh te kiang a I gen chiang in, a bawl nuam louh uh bang
ziak a di…? A mau line ahih khaklouh ziak ahi diam?? Huchi ahih taak
leh le, electrit deptt. te kiang ah report hon bawl pahpah thei le uh
hoih di hia maw…?
- Zokhankhual (9856206206)
Bangziak a mundang a Bawngsa atak Cheng120/- ahihlai a Damkam Bazar a
Cheng 130/- a kizuak se ahia..? Bazar enkoltu om lah bang sim thou a,
sa man etkol khawm theih thou lou adiam..? Aih ke'h a Percent ne uh
hizel hia le…?
- Diah Puap (9436174331)
Commando te Lamka a hong um di uh chu ka ngai ngam kei unau..!! Nita
khat in mi bangzah in I thua di uam uh, ahih keh I mobile hoih tawi
uh/I sum neih sun sun te uh jaan khat thu in ong suhsak duam uh..?Unau
ken zaw ngai ngam mah mah lou kei ve…!!!!
- Un Normal Man (9615701529)
Na he ei? ADC election deih in i chiau 2 na ua, tunung chiang in
ineihma uh I ngai zaw daih mai di uam maw..? Constituency teng ah
khodaak le'ng.... adai dide te ana hak kilkel uh ahi chih a chiang mah
mah...!
- 9856530656
Tulai I burning topic uh ADC/MDC tungtang a pan la I heutute IDF leh
MTC te pahtak huai uh leh nung thuap huai kasa. Tuabang a pan la thei
pawlpi ineih hampha ihih lam thei in bang chi leh amau te ipanpih thei
dia chi chiat thei zaw leng maw... Amau pawl om kei leh hotel khawng
ah I gen kheu khou ding ua, veih uih then in I theng sak nawn ding uh.
- 9862828852
I Lamka khosung a Youth Club tuamtuam te leh District level a Sport
lam sai te'n, Football chihlouh kimawlna dang tuamtuam te leng hong
sai thei ta le uh. Talent pholh suah louh tampi te mangthang gawp
hita lou hiam? Volleyball, badminton leh adang dang te, khamtheih
douna dia poimoh petmah ahih dan thei in, sum leh pai chauh buaipih
pih tellou in pan thak la thei chiat le..!
- 9862851475
I gam, i pawlpi, leh Ei Zomite liimlang (image) om ei!! guai!!! Mulkim
huai asa lou aom kha diam maw? Manipur Express, July 31, 2009
(Sintawpni) dal 2na, a column laitak pen ah om ei. LIIMLANG = Athupi:
"KA NEGU ZEEL DIING" K. Suanthang in a gelh. Sia aw, hibang thusim
hong pholhkhia hak sam chia maw, aih hang ze-kai naisam kei e! Nang
bang a pasal pha leitungah om nai kei ei. Damsot inla, adangte zong
hong pholh khia lai o, bangzah aom lai diam maw, 3 le 4 beek aw....
- Mr. Ngambawm (9615676181)
Eimi kam pau IAS officer khat ka theih a om a, Government gari a kem
a, a zi - a ta a tuam lam uh ka mu ngei nai kei. Office leh a inn
kikal lou ah a driver pa nasan in a zang thei kei. A mah gentak lou a
gari nasan a zahtak huai kasa zou hial. Eilak ah Saptuam leh solkal
nasem lubawk te'n amau aituam a gari kepte uh zang tam lua uh ka chih
na bel ahi zenzen kei.
- Ampet, Hyderabad (9703736787)
A it-huai I zogam a khangtou mahmah ta a, I thupha ngah te leh
kilawmlou leh thanghuai tak mai a, I zatkhak ding lauh huai kasa
mahmah uhi. Nungak-tangval te a ding in ki ngaihsut leh I hun zatsa te
uh ngaihsun thak leng maw? I lung a awi na hia? Thamlouh in, tung a
vai hawmpa alung awi na diam? Eite muhnop leh et-theih ding in Khuga
Dam bang I hoh gige ua, khen khat te'n a hun uh anop thei pen ding in
dai nuai hiam, lou kom hian ah I zang tamai uhi. Ganhing lou buang
chih huai thousam ve aw. A chang chiang in bang kituak phut thei zomah
lai, zum na mel himhim a vun potham uah zong belh lou lai. Maban ding
zaw a geel ngam huai na diam? Den chiang a Sodom leh Gomorrah khua
hong suak khak ding lauh huai sa ungh. I Zo ngeina leh I pupa tawndan
te hong thei siam leh aki lawm a gamtat dan hong thei siam ta un aw.
Nidang lai a I pupa te singbul-suangbul be te zong, hibang tawndan leh
ngeina ana zui nai samlou uh aive. Na chi kei a hia, Sanggam? Lawm hon
pilvang ta un aw.
- Miki Chup's te (9862353393)
I gam sung a Gov't leh khotaang a semtute diktatna, ginom-na leh Itna
apoimoh uh chi'n igen vengvung ua, huai saang a khuam pomoh zaw
Saptuam a seem te leh Upa te'n hon pan phot le uh ahoih zaw di'n I
ging ta hi.
- ZOLAWKTA (9862160072)
Tawpsanta ni… sa gohna, molawpna leh a dang dang a, annkuang siim a na
kuan nawn chiang in, meh leh ankhing tawi teitei sawm nawn ken. Ann
siim a kuan na hih lam ki phawk in. Annkhing zaw vaisaite lawhtak ahi.
Meh khing zaw innteek in kidaih a sakleh hon khawl na diing uh.
- Pasong Bml (9436622708)
Eipawl i makaite uh saptuam hi in khotang vai hita leh, phat naaksang
in a hoih louhna uh I theihkhaak sunsunte sumkuang singpeh in, I
gengen uh. I kiim-I kiang a jat dangte lak a makaite, Officer leh
politiks a kibualte en un, Zu-leh-sa gentaak louh, nungak akibual a
thangtat Biakinn huangsung a luut ngeilou ahi tangpi uh. Ei a te bel
Biakinn leh Saptuam beel lou khotang makai leh Officer om manglou ahi.
Hiai mah tuh I hamphatna uh I innvengte hon eenna ahi.
- Mung Tonsing
Nu te aw, hehpihtak in I Tate/naute kicheina ding/puan teen daan ding
hilh le'ng maw? Tan gaai dawk en-on a puante'n nalh kanaak engsak kei
lua, tual deuh in teng le'ng nalh in kilawm zaw hi.
- 9856424479
Khantouhna lampi khat hi a ka theih tuh, la phuah kidemna om zel
henla, a phuak tu in asak siam kei leh mi dang asa ding zat theih
hileh..!!
- 9615411106
Tatel aw… Electric thu a buaibuai sang in, khovel changkang dungzui a,
mi-nei zou le kitamta hi ven, a mauten Generator hon leichiat uh
henla, amaute kiang ah a deihten connection hon bawlsak u henla, a
kilawm huntawk a fee hon bawl uh henla amau kiang ah a fee pe maile a
hoih diam?
- Robert Thang MK Zogam (9615701518)
Mipi Aw ah electric vai puan khiat in a um gige a, ken zong kang gen
beh nalai ding ..! I power minister te teenna veng ah vengdang te toh
teh in electric a regular mah mah a, ahihleh amau veng chauh in a vote
ching uh adiam ah, veng dang te'n vote khalou uh adiam? Veeng khat a
regular tak a pai a, apai nita a zong pailou jojen-aki tuam khen di
thou thou, electrict le om kei vanglah henla, Gov't in inn chih ah
Inverter hong hawm le uh a nop joh ka ging jaw tham!!!
- 9615701529
New Lamka lam chou in VOTE pia uh maw..? Term kiit chiah bang chi di
e…? Rengkai te' vote deih lou ahi diai…?
- 9615783938
Electric toh kisai in akhente'n New Lamka lam regular biik bang a gen
in, a hehpawl bang le a om uh a bang a, thei chian taktak mah uh hia
leh.!! Ken lah huchi tuan in le ka thei kei. Nidang teng sang in,
koipeuh ah a paihoih deuh ta hi lou hiam? New Lamka lamte'n veng dang
paihoih chi, veng dang te'n lah New Lamka pai hoih chi a hazaat bawl
pawl bang om hi leng kilawm. Ministerpu leng I demdemna ua; amah hong
om chiang beek in meipai hoih zou kei lai leh, bang mah lou suah zel
di hang a maw? A hun lel thei lou houh I hi zaw duam maw? Bible in
lungkimna neilou suulhuut a chih tawh ka teh.
- 9862353637
July ni 30, 2009 ni in Load shedding ni hinapi in Jan dak 7:00 in
Electric hung vahta meizen ei. Kisuanlah huai ngei e. Kisuanlahhuai
ban ah poi kasa ngawt mei hi. Aziah chu load shedding ni a meivah
zatmei chu Manipur Govt. in sum leh pai tam mangta law ding hi veh aw.
Manipur Govt. in Bible tangthu theisiam mahmah ahi ve!! Joseph hunlai
a Egypt gam a kial kum 7 a tun ding Joseph in Pharo a hilha; kum 7
sung buh kholkhawm ding, hu dungzui in Egypt in a bawl a; kum 7 sung
kial hungtung petmah sung in ann neh ding ki ning ching a nei va; kial
a phawhpha sih uhi. Hichu, Gen.37:18-36 leh 41:5-36 sung ah imu hi.
Hutoh bang in tu nung sawtlou in misiangthou (gingtute) lah touh ahih
nung chiang in, leitung khu a huai se gawp diing a; nite hate, ahsite
zong hung mial veh ding chih zong Bible a a um hi. Gingloute, laahtouh
hilou ten huchi bang mialnuai a vah a zat ding uh Govt. in a kholkhawm
ahi. Gingloute lahtouh a umlou dingte khualna in load shedding kibawl
hoih mahmah ahi. Huziah in gingloute rapture hun a lahtoh louh a
nutsiatte khualna in tunung leh load shedding (power saving) chu nasa
zaw sem in govt. in bawl henla, kal khat sung in ni 6(guup) load
shedding hi henla, ni khat chauh meivah ki mu leh chih ka deih dan ka
hung kum hi. Manipur Govt. in gingloute lahtouh louhte a khual mahmah
ua, kipahpih huai ei.
- K.D. Thangsin Sahei Rd. Nlk Vengnuam.
Electrict pai ngei lou, Lamka vaangkhua ah! Nasa khe zou, Hehpihhuai LAMKA..!!!
- L. Martin Xymte. BB Hills (9615701529)
AngelsVision & LAMKATIMES aw MIPI' AW non patkhiat uh na kisiik kei
duu chaw Aa khai! Mipi aw chu tulai in a ngaihta (loud) khop mai a
maw. Ka ngak lah thei si…. Hon bansan rengreng kei ua, huaisang in Hon
UPLOAD zelzel ua blog ah aw. A nuam tel
- REAL ZOMI (09957801310)