MIPI' AW 13

Kristian ihih ngalleh, bangziak a I heutu te/makai te gen sia a, mohsa
sa ihi ua, thumpih ding hizaw lou ding maw...?
- 9615237353
Pathian ni chiang a, kisinsaknate lunglut huai kasa thei lotel, nuam
kasa, Pathian in tanglai zawlneite' tungtawn a ana genkholh hontung
dingte sinsatu siamtak in honsinsak bang zaw nuam a, lunglut huai lua
ahi. Tulai hun nanung ahita, SWINE FLU khawng Kris hong paina ding
SIGN ahikhamoh kei ding unau....
- 9615269709
Tulai a khovel toh kibual te hih puaknat huai kasa, halhthakna
halhthakna mubang ngaihhuai sa ing e....!
- Tg. T. Enboy Tunglut. Khominthang, N Lamka (9615783790)
Gam leh nam ka it e, ka hu chi e, ka kha chi e, ka sa te-ek e, ka bui
mei gial e, I chih chih hang in, I omdan leh gamtat dante ua pan et in
kuamah gam it leh khual a om kei, Pu ZOUKHANKHUAL kia lou ngal.
- 9862199007
Power Minister leh a team te'n Zoudawn a phak un phattuamna tampi tak
hon tut ngei ka lamen a, kipahhuai kasa hi. Works Commissioner in
local contractor te "SHOW CAUSE NOTICE" piak ding achih in, a
zawntatna leh zulhzauna uh amu leh thei ding te mah in thei uh hi'n ka
ngai hi. Songtal tan kia hilou in zoudawn kilchih CM leh Minister te'n
kum 10 sung in khat vei beek phasuak zel le uh chih huai mahmah hi.
- Lamenlian, N Lamka (9862199007)
Tutung World Indigeneous Day ZHRF saina a I lawp leh I tualsuak pupa
gou leh tawndan/chiindan leh tualsuak muzik chi tuamtuam hon pholh
suah khe phengphong ua, lungsim na vak tuan mahmah ei. Indigeneous Day
kia lou Zomi Namni leh a dangdang khong ah tualsuak tak a iki cheini
uh hi leh a chih huai. Hih hoih mahmah u chiau ZHRF damsawt hen... Jai
Hind..
- 9862247146
ADC/MDC i chihte khong a sai leh awlmoh ding tuam liauliau pawl phuh
tawm zel sang in, nam leh tribe level a pawlpi lian taktak i neihte'n
hon awlmoh in, mipi interest ihmut moh na in zang le hang, tua sang in
nakpi tak in i thil sai a effective zaw ding in ka gingta.
- 9862074506
Eilawi in nam vai genle hang lah i theih ngei louh mi thak Zomi suak
hang a, khotang vai genle hang lah nidang pupa lungsim leh
chihtaaknate nei nawnlou, mite hih dan leh thilthakte a siat leh hoih
na thei loupi a; zau pai gawp- diktatna, ginomna, kuhkalna chihte
mangngilh a, anuam leh baihlam kia zong a, iitna lam a lah mahni a di
kia buaipihta. Saptuam leh sabiak lam a lah nidang a pusa zahna i
neihte toh kilamdang vekta... I hihna mah pansan in kibul phuh thak
zaw le a hoih di.
- Zuansialching
India dan bupi leh solkar in Manipur singtangam ki vaihawmna dia
ADC/MDC a hon piak leh hon koihsak chi hang a; tua hiai kivaihawmna
koih dap a hihnung a, mumal loutak a ki etkolna ziak a, gam leitang
hamphat na tamtak mansuah a omta chih thei napi, bang ziak a nam makai
leh tribe tuamtuam heutute'n panlalou a, IDF/MTC pawl bawl tawmte
khong set bawl ahi di uh. Hiai khong nam leh gam toh kisai kha sa lou
uh a hi diam??
- 9862005131
Tutung Power Minister heu a khual zin na apan muhsuah- Local
Contractor te a diktat kei uh… Adik. Guite Road a hoih kei…. Adik. BRO
khut a piak khiat ding mah ahi…. Adik. Thu om sa Works Minister in aki
theih moh bawl mah ahi…. Adik. Ei ki koukou louh a amu ding te mah in
hong mu uh ahi.
- 9862353637
Private School leh College a leng hun sa lou, Teacher te kiang a
tuition la/Boarding a I om ke'h ki pass zoulou, ki Fail thei
(Principal hia? Question set te, Aihke'h Teacher te) Nu leh pa te pil
ahun! pil ahun!
- 9612364078
DC in Jawlnei bang deuh a, Kum 5 sung a Lamka a lampi te hoihvek di
achih peen, Kum 5 sung a Lamka mite diktat vekta di achihna ahi
diam..!!?? Diktat hile hang tua le hoih vek thei hi a..!! DC pa le
khoi maingal lo deuh I hita di uamm...!!??? A chalaak daan lah
ngaihtuahna neithei chiang te'n I thei vek thou ngal ua...!! DC amah
private Car a kitholh ngam i neih mai jeen uh, vai te peentak maw...?
- 9856361058
Ka vei leh ka puaknat mahmah khat ahih leh, Lamka Police Constable
khenkhat in a simmoh deuh te uh giahna Hotel khenkhat ah, bat siik
bang mai a sum nget a chiing mah mah ua, amau peg khat peg nih man
ding in hotel pu te kiang leh Customer te sum puak teng bang laaksak
in kiheem mang zeel uhi. Sum nongpiak kei uleh hong man ding kahi uh
chi'n vau pong mawk uhi. Atung ua mi (a Sia te uh), SP/OC te'n etkai
theih daan omlou adiam...? Pocket money zong dia duty kuan khia zeel
mai daan uh hih tuak kasa a, ana sep khiat uh neulua sa ingh....!!
IRB/Commando te hong om le uh leng, mipi ading in bangpi semkhe
tuankei zen si un teh maw..?? In lu suan ah sum hong baan nget lel na
ve uh, asep theih om sun uh hiveen....!!
- Huphur Family (9856942535)
NREGS nasep uthuai thouta maw...! nungakte heel theihna di chance
hoihpeen kichi a...!
- Muan a, Zogam (9615343959)
Tulai Vok natna (Swine Flu) kichi a vei atam mahmah ta. Huai natna ei
khua ah leng a omta. Tua natna apan kiven theihtawp a kiveeng in,ana
veikha te'n leng midang lohsawn louh na ding in kiveen daan siam le'ng
maw..unaute!!
- Kengkuang/9615522348
Singngat, Thanlon, Henglep SDO office Lamka ah om chih mawk! Lamka SDO
office le Mizoram a aom khak ding lauhuai ei maw…. Huai bang
office/mun pawimoh te amunmun ah om thei leh, a gam mipi te'n lamka
tan paina bahara teng antang man dia zang thei ding uh hi a maw…. I
nam - I gam khangtou I chi diam diam, gual aw.
- 9862830633
Aw Dove Quarter, sawt na ki sel gu ngei uh…. Volume 7/8 tan bek hih
khe ding in hong kisa un. Local Icon khat suak na hih chiang un, na
gamtat na uah leh na om dan uah hong pil bang mahmah uh aw…
- 9436445139
Eimite chu, I ngaihtuah nate uh a mak thei maw... MIPI' AW hiai zah I
ngaihkhiat nung ua le, ki pahtawina/phatna kam zak ding om nailou
mawk… Kigen siatsiat in bangmah tan hon tunlou ding hi. Kipahtawi lam
pibawl zaw leng, I society a din a chidam huai zaw diam?
- 9958164903
I gam bangkim ah Toupa'n hon domsang hiaihiai ta-a, I kipak hi. Pilna,
siamna, hauhna genlouh lasiam tampi ahon pe lai a, kua nam leng I eng
tuan kei a, lungdam huailua hi. Himahleh, phatna lasa siam khenkhat
ten TV a la non sak chiang un puansilh ki lawmlou lua ban ah khekol
gak tenton toh, gil dok jen a bangchi lam hiamhiam a lam soisol a TV a
la non sakchiang un, et peih huai lou, banah, na siam nate uh ZERO
suak sak nahih man un, pammaih lopet mah hi. Pathian phat I chih ngal
leh kivatdan kilawm leh lamdan kilawm toh phat dan kilawm jong in
panla thak leng hoih lou ding hyam!! Ki ngaih tuah thak ni.
- Vungkhanthang, Tangnuam (9615275761)
Lamka le mipite innteek zoulou bang ta. Amasa a THAU dokkhe theite
innteek peen, abaan ah SUM neite, Vai Mahajon te nasan. A tawpna a MI
NARAN-MIPI tam zaw te. Social Thinker/worker te'n hon bawldik thei le
uh chih huai mahmah...!!!
- 9856361058
Laa CD Album bawl jeel te'n, laa khat sakna ah, kizepna puante kheek
kheek se lou in sa zel theile uh maw...? Mihing' thupina taaklatna a
zang lou in, I pa Pathian' loupi na taklang zaw zeel le'ng maw.
- 9856627212
August 27 ni a Pu T. Phungzathang in a thu gen electric ka pai chiah
ka pokik non kei di achih in mipi a kipak di'n I lam en hi. Himahleh,
migensiatna hituan lou in, a van hong tung in hon bawl khin le uh le,
anuai a sem te'n niteng 24 hours in hon paisak ding uam? Loadshedding
hong om get diam? A om leh le loadsheding hun hong tom deuh ding in i
lamen hi. Pu Thang damsawt hen.
- 9402262367
Tulai electrict apai hoih a, anuam e khai...! huchi kawmkal ah
Street-light hong ki fit thak zomah a.... Street light in lampi neh
deuh a bang a hiveen, tunung chiah i buai pih ngeingei ding uh gingta
hi veeng aw...! Ban ah, Vengnuam Biak-inn khang tan chauh Street
light leh lamlian om a, Vengnuam Road hikhalou/New Lamka khua hikha
lou a maw...?
- Pumbuaithang @ lacoz (9615947163)
Kongzing suk a Street Light vak phingpheng te'n na thupina puang zak,
Toupa ka khopi uh tawisang ut hina chia maw? Bravo!! Ministerpu nna
hon semzom zel ou.
- Halleluiah Dosto
Electric a pai chiang a, zatheihna teng a zang hang a.... a FEE i piak
toh kituak thou hina lou hiam?
- Muanlian' pa, Saimual Vang, Tangnuam (9612363861)
Kare! Tulai electrict hong pai hoih tawh, Street Light hong vak
zawkmah toh, Mialta, Khimziing nuai a khosate himahle hang, Van
Jersalem Khopi a leeng kakisa zou hial hi. Kisuanlah huai bang ahong
bang leh lam zozen….
- 9862160020
Electric niteng in natak dak 5 apan dak 10 tan pai leh maw…. Nitak dak
10 apan zinglam dak 1 kikal paizel pen, ei a di'n a zatna ding omlou
hi. Tua dan in pai zeel leh student te ading in le phatuam pen dia,
akua peuh adi'n leng hoih peen ding hi.
- Khupchinthang, G.Mualkoi (9615411106)
Mipi Aw tungtawn a mi kuapeuh in iki etthak a, zuih ding om te zui a
ki bawlphat tuak omte iki bawlphat keileh Mipi Aw a om bang a
aphattuam na om...!!?
- 9615237353
MIPI' AW Editorial Board in hiai bang program na hon patkhiat uh, hoih
kasa a, Nam leh Gam, Khotang na vei na uh ngaihsang huai ko'n sa hi.
Namuh kholhna uh hong tangtun ngei leng ka gingta hi. Ken chu business
hilou in REVOLUTIONARIES diktak na hi uh ka hon chi hi. Mi malmal in
a puaknat te hon a hong gen khawm te uh kan a MIPI' AW dang a om kei.
- 9957219295