MIPI' AW 11

DISCLAIMER
Hiai MIPI' AW a thu kisuah teng
Angels Vision leh The Lamkatimes ngaihdan ahi kei.
Thusuah ding a hong pe te'n a thusuah uah moh aki
puak ding uh ahi.
Mimal khat leh pawl khat demna a thu hong lut te
suah ahi kei ding a,
khotang hoih nang leh khantouh nang thute hong khak zaw
ding in ka hon ngen uhi.
-        Editorial board, MIPI' AW

EBC workerte'n, amaute sa lam - kha lam a, a hinkhua uh hoihna ding uh deihsak taktak heutu a ki neih hamphat huai petmah, mataw…. Tamsem semthei ding in Toupa'n vualzawl hen.

-          Tdt (9862158719)

Saptuam heutu te khawng I demdem/I soi selsel khawng in, ei vangam ahon tun in I kigen kai zou na diam?

-           9856400539

I biak dan kheng lamdang deuh leng, I saptuam in khalam khanloh na I mu zaw diam chih ngim na in, Biakinn a thugen sarmon pastor in la hen la, Pastor in midang kua hian neksik nop aneih leh amah thu hi hen la, thu na sem dia HQ in a hon sawl ahih na toh, Pathian be dia hong pai te Pastor in Baikinn kongkhak ah azi toh ana chibai hen la, mi hong lut khit chiang un, amau a tutna uh hong luah uh hen la, thu nasepna himhim pastor in hong zang vek leh. Thugen di I sehthoh chiang in, a kilop lou pi bang seh khak theih, seh ahih man a kithalop lou pi a Pathian thu gen khak theih hi a, huchi bang khawng ahih chiang a ki practice/training khawng ki bang sek, mipi te khalam dangtak  na damzou lou deuh nak hi. Pathian be lem mah ki bang.

-          9862737571

EBC Saptuam in Tuailai khawmpilian tuamtuam te Lamka zaang ngen a zang vek mai lou in,Tuailai 2010 pen le Division tuam deuh ah zat sawm le uh maw.... Mun tuam a om i unaute bang le, hong hoh ut mahle uh, neihsa in a daih louh ziak a hoh thei lou tamtak om di uh hia maw.? Unau nang bang na chi ngaih.....!?

-          Kimte (9862956642)

Ei Lamka lam a te'n leng i mipih a khangtou zodeuhte' chihdan enton in, miten I NAM min hon dot chiang in ZOMI kahi kichi ngamta ni.

-          Real Zomi (9957801310)

Bangchidan a le…. NE Chanel ah Namdang Mizo, Meitei, Kuki leh a dngdang te'n News Programme a tang theih ua, Paite Programme bangchik chian a hong om thei dia? Makai lamte'n hoihtak in pan hon la thei le uh maw? Naak uthuai lua hi'n maw?

-          9856206206

Music leh Literature ah Zosuante tuma sang in muhtheih in I khang, HimahlehArts lam inelhsiah/phawkkhalou I bang, siam pipi itam, ahizong phoulak nading hunlem a nei kei uh. Sepsuah ding dan om leh maw? Gentehna di'n, Zogam.com Writers Awards contest dan kha….

-          9862829497

Ei lawi Talk Show zaw No Show hi veve veh aw. MDC chu 6^th Schedule nuai ah election neih hithei leh maw. Singtangmi te state Mizoram, Nagaland, Meghalaya, te'n 6^th Schedule nuai a aneih theih ngal uh leh, Manipur a singtangmite'n bang dia hiai provision enjoy lou mawk di?

-          9856361058

Zogam I ngaina a I iit chiat a, ahong pallut di I ngak lah chiat uh. La hoih pipi I phuak ua, ngak lah le ahuai Zogam Zogam chichi leng le, I innkiang le hahpeih lou te'n bang chi in Zogam zuun in a hah peih dia?

-          Zogam ngaina (9862737571)

Hunsawtpi a pat singtang gama I na zat nawnlouh BUHSUN a lou thei lou in zatsak nawn in I om a, I pi leh pute hunlai in bel singtawn/khaugui Hausate I koppihna banah, Hausa in Lougam ding Mipi khualna ziak a, akepbitna ding chihna hileh kilawm. Tuhun chiang in Khokiim/ Dainai deuhteng "Sing leh Gua sat phallouh" chih muh ding tamlau. Meihol leh Cheek sing sat dia lou gam hoih teng a mual a tang a kizuak mangkhin (a leitang bel hi samlou in), buhsun I piakpiak in gen nei nawnlou a hi diam maw? Hausa khen khat bang in khang saksak lai vawt uh.

-          Zo Khualpu

Van man Luita tui khan akhang...! Consummer Club ahihkei leh Organization or Association khatpeuh a enkai tu ding om lou maw??? Dai dide a I om un thilhoih ahon  tun hetkei ding... A Jawng leh Hau kal a hong ki khou khiat dia.... GUTA ahong pung hulhul dia, ki SUAM - ki MAT leh TUAL THAH I chihte Mi Jawngten POI a chi thei nawnkei ding uh. Huai hun chiangin KUA I ngohta dia....???

-          L.L. Ngaihte (9862191512)

Mou man lakna toh kisai in P.T.C dan a kizui hoih mahmah a, mou khak na/vangot na ah dan awmlou hia le? Mi genthei tanu haudeuh te a ding in lungkham huailua eive maw. Vaite dowry in hawnpha khawng venteh, hiai dan a bawl thei heutu te'n hon enkai ve ua maw!!!

-          9862199836

M.I.L (Major Indian language) hawmthoh ah "Elisa nga limdan" chih te sang in Zosuante history thukdeuh /tawndan/ lamdan a practical bang in zil ding in koih zo le, bang achi dia? Gamdang a I om chia, I culture theilou lua vahih namdang te lak ah zumhuai lua ahi. Ahihkeh, YPA/PTC te etkai ding adiam? Bang ngaihdan inei ua.

-          9862829497

Sinlai naupang pil mahmah dia ki lawm te'n, 'TALAB' ne lou te mi banglou deuh a ngaih in ki om mah a bang a! I ngaihtuahna khuak koi lam ah koihta..?

-          KT Buansing, VKTC (9615721640)

Lamka a Job Card hong om leh Mihausa pung hiaihiai, Bangchi dan ale. Nikum lama Education Dept. nuai a Corruption lian mahmah Fake Appointment tungtang Meitei hel KYKL te'n hon suikhiat bang un ei a te'n pan hon la theilou uhia? Ai'h keh amau le suikhiat di te' lak a telkha uh hia le? Job Card Corruption tungtang suikhe di omleh a veryvery good lo di.

-          The Penglam Anti Corruption Campaigner (9718567247)

Manipur singtang gam a Police Commando omsak ding deihlou in mipi I buai mahmah ua, hon gensak ding palai neilou mah I bang uh. I palai sawl te uh koi a om ahi ua eita. Bible a Esther kiang a "Tu hun a na daih dide leh…." a chih tu hun khawng hilou di hia, palai te a phattuam hun ding uh. Na chi kei uh maw.

-          Lam en (9856531596)

Police commando leh IRB deihlouhna a Mass Rally ineih uh sutzopna in, Hill District teng ah Independence Day Boycott sawm le'ng phatuam lou ding hia?

-          9856531596

Swine flu, Cancer leh HIV&AIDS chih phet louh Setan sang a le lauhaui zaw, Talpaak te chimtak Commandoes leh IRB pakta a lampi zuih poilou I chih kei leh, Makai lamte'n pan khauhdeuh a lak uh hunta hi lou hiam? Chih kei vet leh, tear gas diik dan leh rubber bullet a pan ki vensiam ding dan I ki sinsak mai di uam….? Lamka bang headquarters di chih gingsim zomah…. Population control dek uh hia leh? Bang teng hileh Mahajon te'n marble ana stock le uh (The Boon is on the way to Doom us).

-          B. Ryan Bml (9862149an Bml (n the way to Doom us).

-          hr bullet a pan ki vensiam ding dan kisinsak mai di uam le...leh IRB pak ta alomlom a lamp353)

Damdawi kham theih hih te awlmoh na ziak in a zuakte tung ah action khauhtak la zaw le. A zuak taktak I theih nop leh ahih te kaikhawm in amau a pan kan khe leng.

-          9856361058

MLA/Minister te Lamka hongphak chiang ua, I mi I sa singtang dawn a om te'n mu nuam mahmah. Heutu zahtak huaite'n kuamah khualna himhim neilou a, a ut tantan uh Room dang a om mangpih uh, Mipi khualna a hun zat dan a siam uh deih huai deuh hiau.

-          Zokhualpu

I veng/khua leh tui a damtheihna a om hoih theihna ding leh etlawm sak tu ding in, kua peuh in i niinte uh eimah in kihaal tum chiat le'ng deih huai kasa hi. Khantouhna lianpi hi'n le'ng kathei. Ban ah, I niin paih te'n vuahzuk chiang in Nullah huu in, lampi a suang kisungte tolh khia a, I lampite uh buan suaksak jeel hi chih leng thei chiat ni.

-          T. Thanga, Saikham Road, NLamka (9862159216)

Minister hial te sang a houpih hak zaw MLA bang I om ua, mi'n Bahara tampi seng a hon mu nuam khong, nawlkhin zaw dik kasa kei.

-          9856627212

 MLA election om chia dikloutak a candidate khat gamtatna mohpaih ngamlou khawng te'n MDC thu gengen a phamoh kei. Diktatna in nam a tawisang chih kha Bible a ki gelh hilou maw? Ahih keh, sum leh pai/ hiamgamna/duhgawl na in a tawisang chih hi zaw hia leh?

-          9856361058

I lamka khopi sung ah amei-apa zu leh sa a I bual thang tak in, bang din I Zogam a khangtou ngei dia? I ki bawl hoih uh hun hita lou hia? I omdan hoihlou te uh tawpsan tani uh aw, Unaute.

-           Siam Sahei Road (9615823543)

I gam khantouh nading leh I biak Pathian kipah nang in thuman pha pipi mimal hetkha lou in gen jel ni. Mimal tunga lungkim louh na thute gen zaw lou in, MIPI AW ngaite navaak na ding leh  namtui viauviau dingte ki hilh na in zang zaw le hang ka chi hi. I Pathian' aw Bible thute mahmah leng kihilh tamna in MIPI AW zangle hang I Toupa mahmah leng kipak ding a, I zakte zui chiat lai le I gam hong chidam sak hial dingin ka ngaihtuah hi. Kris sisan a sapkhom unau itte aw, thilhoih deih a zuih dingthu suah te'n, I sak min leh khua gelh chiat leng thilhoih I zakte kidot thakzel theih ding hi a, phone number kia zaw bukim zou kasa kei.

-          Vungkhanthang, Tangnuam (9615275761)

Na Phone zatdan na hisap zel hia? huai ah vapai le'ng  huaizah bei di, phone hileh hiai zah bei di chih. Ahih kaleh kimawlpih thoh maimah na hia leh... Sum ahihlam thei in...!!!

-          Zo It (9615411106)

A gute gen ban kei hang, Permit nei a late'n, a sang a sing a sim I bat te pe siang phot in permit Cancel a New Connection ding I buaipih tawp san le, I gengen a mi I moh saksak sang in, a hong vak in mial nuai a tutue'n vak I mu zaw diam? I Zawng tawkheng khekkhok pi en chianphot in, tua khit teh I seinop sei va uteh. Chih tuh kei mimawl ngaih dan ahi.

-          9856400539

Street light thak bawlbawl a, amei pen a vak tuan kei leh bang phatuam di? A omsa gui ah sun leh zan in mei pai phot leh, a thak behlap pen in om zia nei di. Sum nek na di maimai a athak a bawl uh hia leh? Sum nek na di maimai a a tak bawl phatuam lou. Huai sang in bill bat ditna di'n a dept in zang zaw leh.

-          9856361058

Kei chu electric dept te zumna leh kisuanlah na nei hetlou ahih uh ka gingta. Hichituk a, MIPI' AW a complain a om gige ban ah, mi tangpi in hotel khawng a ki hou lim na a, a zat uh hi a. hichi khawng a I Zogam bang chi zuun di, kua zuun ta di? Electric dept te chu ni tumtum in hahcheau mai le uh ki lawm kasa.

-          Street Boyz (9615701529)

Hei…ha…. Mi gam a I va zin a, zan a kholai vak nuam hina maizen e…. En le Zogam ah khopi khat, Manipur a khopi nihna Lamka I nei ua lamgei - lamsik I et leh street light khuam kilawm taktak a om a, kipahhuai. Himahleh huai te sunchia I khopi cheimawi na dia om ahi diam? Zan a lah I kholai khawng khimzing mahbang bekbuk mai maw. Hiai te khawng en kai thei ding mi om lou ahi diam? Zan teng hikei leh le, a vangkim bek in paithei leh na chi kei ua hia maw, Unaute. Puahphat sawm meng meng ni uh ei, ngak lahhuai gop ta.

-          Robet Thang MK Zogam (9615701518)

Electric thu zaw chimtak huai. Kua man gen gen non dah phot ni. Ahi hi hi phot hen.

-          Mercy' Pu (9856531596)

Ka ngak lah mahmah MIPI' AW, hiai sai khe te leh thuman pha taktak genkhe ziahziah tengteng tung ah kipahthu leh itna cibai kon pia hi. Thilhoih deih I hih man un, thilhoih I ki hilh kim theih na pen MIPI' AW ahih man in, manpha kasa lua hi. I Toupa'n MIPI AW zangin I gam ah halhthak na leh khantouna hon tun hen.

-          Vungkhanthang, Tangnuam (9615275761)

 

 

 

THEIHSAK NA
MIPI' AW ah ding thu hoih taktak na hong khak
zel ziak un,
ngaina tute tung ah ka kipak petmah uhi.
Himahleh, thusuah ding a hong kipe teng
khat vei thu in hong kisuah thei lou ahih man in,
thusuah ding a na hong piak te uh ahong suah kei leh leng
hun nawn chiang in hong ki suah zel ding hi.
-        Editorial board, MIPI' AW