24x7 Online News in Paite-Zomi, Manipur, Mizoram, North East India
Powered By The Christian Gift

The Lamka Times

Tuesday, June 2, 2009

ANGELS VISION IN MIPI’ AW CHIH PROGRAM PAN THAK

ANGELS VISION IN MIPI' AW CHIH PROGRAM PAN THAK -Admin The LamkaTimes

Angels Vision leh The LamkaTimes te pangkhawm in Angel Vision tungtawn in kalteng sintawpni nitak teng in Angels Vision Local News zoh phet chiang in MIPI' AW khah khiat in om gige ta ding hi. MIPI AW Program masa pen ahong tung ding June 5, 2009 nitak in khah khiat in a om ta ding hi. Hichi bang program hun sawtpek apan in lungngulh in ana kinei gige a, himahleh, tu in hong kipan khethei pan phet ahi zaw hi. Hiai program in a tup pen ahih leh, mipi te'n angaihdan uh zaleentak a ahong genkhiat theih ua, huaite lakkhawm in MIPITE a ding a Platform khat bawl khiat theih nang ahih theih khak leh chih ngimna ahi hi. Huaiziak in mipite'n na ngaihdan te uh hong pe khawm siausiau a, huai tungtawn a igam-inam in phattuam na aneih ngei I lamen hi.

LamkaTimes akipat chil akipan in mipi te apan in ngaihdan hoih pipi leh tampi hong pai gige hi. Huchibang a ngaihdan tampi hong lut te kapkhiat theih na ding in nikhat in SMS tam ki nei lou ahih man in, ngaihdan hoih pipi tampi te kuamah theihlouh in om maimah sek hi. Tu in a program masapen ah LamkaTimes a comment hong pai te bangzah hiam lakhawm in leh Angel Vision apat bangzah hiam lakhawm in hong ki khah khe ding hi. Maban ah, hiai MIPI AW a khak ding ngaihdan na neihte MIPIAW <na message> gelh in 9612483577, 9856533720 leh 9436276505 te ah hong khak in la'n, comment bang hiam piak nop na neih a leh COMM <na message> gelh in atung a number te mah ah hon khak ding in ka hon ngen hi. Angel Vision la lou mite khualna ziak in internet ah www.thelamkatimes.tk ah et theih ding in hong ki koih khe zel ding hi. Huai lou in MyToday tungtawn in leng tam loulou in hong ki kap khe zel ding hi. Huai na subscribe ut leh START MIPIAW chih gelh in 09223050606 ah khak in. E-mail a khak nop na neih leh lyanguite@gmail.com ah khak in.

Hiai pen a hamphat pih tu ding te eite mah ihih ziak in, MIPI te'n nah on kithuah pihna uh ka hon ngen uhi.

--

No comments:

This Day in History