Department of Education (S) in Scholarship pe ding

Imphal, June 26: Department of Education (Schools) in dan a bawl
dungzui in BSEM nuai a HSLC leh COHSEM nuai a HSSLC zou, siam
tungtuante kiang ah scholarship pe ding hi.
Thusuak taklat dan in HSLC topper apat simsuk in mi 300 te kiang ah
kum khat in Rs. 6,000/- zel piak hiding hi. HSSLC ahihleh Science
stream topper apat simsuk a mi 125 te, Arts ah mi 125 te leh Commerce
stream ah mi 50 te kiang ah kum khat in Rs. 12,000/- zel piak hi ding
hi. Hiai dan dungzui in bel HSLC Examination, 2009 a mark 495 leh a
tunglam; COHSEM nuai a HSSLC Arts a aggregate Mark 323 leh a tunglam,
Science ah 387 leh a tunglam leh Commerce ah 300 leh a tunglam mute
hiding uh chihna suak hi.
Hiai ding toh kisai in Entitlement Card leh form for 'Statement of
Particulars' poimoh ding a, website http://ednmanipur.nic.in apat
download theih ding hi. Hiai scholarship apply thei dingte'n form fill
up in amau kaina Head of Institution tungtawn in July 10, 2009 tan a
piaklut theih ding hidan in leng thusuak in taklang hi.