Ann ngawl pawl thumna nei kichi a singpi khawng dawn jel, bang chi adiam? Pathian in ann ngol tatak in hon ngai diam, I thumna alohcing diam??
- Ciah
Pathian thu awi chi a mi muh louh kal a ut-leh-dah a i om uh tawpsan ta leng a ut huai. Pathian be taktak maw aih'keh i khelhna liahkhuh tu dia zang. Bible thu in hon kai hia? En Bible kai. Krist thu a buai maw aih'keh saptuam thu a buai.
- EmEl Guite
Bible Society of India (BSI) in a sut Laisiangthou a deih kitam mahleh Bilbe lei ding kimu zoulou. Kua mohpuak a hi di???
- 9856288381
Nasepte bung 2 na a nungzui 12-te piakchiam tang a tanchin hoih a hon gen ua; a ngaikhettu mipi nam 14/15-te'n a mau pianpih pau chiat in a za uh. I Laisiangthou leng i pianpih pau a i neih hoih lou ding hia?
- N. Samte
Solkar sum (Mipi sum) diklou tak azang a Biakin bawl in khalam a khanlawhna hon tun diam.?? I neih zawh, i hih zawh val Pathian in hon ngiatlou hi-a maw??
- 9856362795
I heutu khenkhat khong uh bangchi dan a Saptuam a Upa dinmun khong alaak uh. Nekguukna di om leh lah a negu uut peen khong hi zawmah lai di ua maw!! Kilawm lah deuh hiau e.
- Kakap Lamka
Pathianni chiang a Damdawi inn a Doctor duty te Biakinn a kai masak uh .. kai kei le uh leng work is worship hi thou lou hia?
- P.K.
Biakinn sung a laamlaamte chia i koukoute sang in Theologian-te leh Upa khamiitna himhim neiloute ahi saptuam a milau huai peen.
- Pa Hau
Mission worker khat in a mah nnasepna office sang in ZEO office pha mun zaw. Kilawm lah deuh bang.
- Thuchindong
Thugente amau toh etdeen louh diing, a thugente zuih sawm diing, agentu dem louh di chih thei chiat le a hoih dia aw!!!!
- 9615274168
I khopi Lamka ah khantouhna nasa mahmahta, I khantouh dungzui un I leitangte uh Inn ngen in dim hulhul. Himahleh hiai Inn thak- Lou thakte'n haksatna lianpi khat tuak uh hi in ka thei. Huai tuh kawphe meivak ahi. Lamka khopi sung inn-leh-lou omna phot ah meivaak piaksuak hi hen. Etsakna'n : New Lamka Vengnuam Ambedkar School kiang a inn, a sawm a simte teenna ah meigui a tung kei. Kuan moh a pawkha dia? A veng Mipite maw? Or Makai tuamtuamte?
- 9856762939
Ut leh utlouh a ka phone battery bei switch-off!! Inverter Chg. 3,000/- leh Battery Chg. 400/- a lei, kum khat le daih lou + No due certificate, annual income sorry... Zomite Representative, Electric/power, mi'n zomite hon simmoh uh i chih ahi di mah suak, mipite'n election nawn chiah i vote di uh theita ni uh...... Zomi Rise again ... kuan hon simmoh sam dia…
- 9856375757
Tulai electrick pai hoihlouh i theihsa hia, Fee pe chiat le bang achi dia? Apesate mah in pia pia lai di i hi uh hia le?? Hoihtak a a pai di i deih ngal ua leh thuneite'n hon
enkai le uh deih huai mahmah.
- S.N. Monkey
Mipil misiam teng koi a om uh hiam... Electrik pai ngei lou, tui (water) le pe ngeilou ban ah Govt. khalawh le pe ngei lou????
- 9615202525
Khateng a elektrik bill hawm a vak gigete'n meipaini sunsun chia a pailouhna tuam om gige te enkai peih lou uh a duam? Aih keh khosung a asai tuam deuh om te'n leng ngaihven deuh thei lou a duam?
- 9615047632
Electrik zaw kua mah in le gengen nawn dah henla, apai louh man awl (free) theih didan ngaihtuah thei om zaw leng maw?
- 9856473694
Meipai ni a le mitmun zaw a fee piapia leng ki mang gawp lou di hia..
- 9615047632
I zogam ka iit ichi ua, i sepna mun uah lah i om peih kei ua, motor i nei ua lah a tuanman a leekleek in i la uh, hichi bang zogam iitna a hi thei diam!!
- 9856627212
I Gam iit i hih ngal leh i kholai luite (Etskna di'n Lanva lui leh Lailam lui chihte) khuatkhuat ahih kei leh niin teng paih khumkhum kei leng i phattuampih zaw ding ua, Nam changkang leh pil ihi zaw ding uh.
- N. Kamzathang
I Zogam hoihna diin amaute'n chi lou in Kei ka pan keh chi zaw le bang a chi dia.
- Ding Khuptong
I gam ah ki pumkhatna ding in ki iit tuahna leh vaihawm siam a poi moh.
- 9856533419
Unau khat kichi na lai, ki deidanna i lah ua a um zing le, bangchi unau khat ki hi thei ding la? Lung in ngaihsun vai guai..
- M. Thangboi Zou B.Th M.Div/ Editor Young Pioneer News.
Beh le phung organisation lam pibawl lou in; I tribe min First priority pia in print, electronic media, state leh National Mag., News te ah ki sular zaw leh I sakmin lawibang hong thang zaw ding hi.
- Almohna Bawmpi
Na beh leh phung in hong minthang sak hi lou in na pil a, na hauh, na siam leh tua in na beh minthang sak ding hi zaw hi. Rev. Job Thawngno.
- 9856379768
Na beh bit sak na sawm a, na nam a bit kei leh na suakta tuan kei dinga; na nam a bit leh na beh leng a bit thei pan ding. Beh sai lua te minam politiks ah a survive ngei kei uh.
- GTP
Beh tangthu sang in Nam tangthu manpha zaw hi.
- 9856362795
Lamka ah event thupi deuh sai ahih chiang in, Churachandpur chih zat sang in ei tualsuak a sakmin hoih LAMKA chih mah pibawl thei le. Huai lou in, Dawr bawlte'n leng sign-board ah CCpur chih gelh sang in Pupa phuahsa LAMKA mah chi in, I khopi neihsun LAMKA chih min zat di dan uang gen deuh mai le.
- 9862419217
Churachandpur sau lua hilou maw??!! LAMKA chi'n gelh ou, na sign board ah. Sum le save zaw ei…. Sadar Hills District hilou bawn a thu a hisak ua; Lamka hi zeenpi bang ziak a hithei lou a Churachandpur hi mawk phing di. Thuneitute'n ngaihtuah ni. A thu om ma in a tak a om kei hial ding.
- 9862829497
Mijawngte Phairel, NREGS saitu VCte aw. Ginom takin hon sai zel un. Hiaiziak a kingawllou ahi. Numei loh tawm chikchik loh a mihausa ompih i tamlua uh. ki exploite na lianpi ahi. a damna ding omsun NREGS ahi. Gin om, diktat in sem zel ni.
- Zema PA
NREGS nasepna di'n inkuan khat ah Job card khat sang a tam zaw nei leng bang a poina om?
- Muanlian pa
Central Govt. in mizawng leh gentheite khualna in NREGS kumkhat sung a ni 100 thaman I ngah theihna ding in nasepna hong bawl sak ua, nikum sung in Thanlon leh Tipaimukh block te'n ni 100 thaman mah a ngah uhi. Henglep leh Singngat block te'n ni 65 thaman a ngah ua, Churachandpur, Saikot, Tuibuong, Samulamlan block te'n ni 50 thaman kia lel I ngah uhi. Ahihleh, ni 100 thaman I ngah ding hi na pi a, tua zah ei dist. Mipite'n I ngah kimlouh manin, lamdang ka sa hi. Nasem hoih mahmah chia I minthan sak zezen uh I DC pu in a kisam lai I sumte koi a koih a, banga zang ahi diam? I sum ngahlouh teng a crores 10 a sim pha ding hi a, pam maihlua hilou hiam? Contract te bill muhlouh man hiam? Govt. service te khaloh muhlouh man hiam?
Meltheihlouhte khuta sihna I tuahchiang a, sum lakh 1 khawnglel deihna a strike/bandh khawng I bawlbawl sang un, tua sanga a leh tampi a tamzaw mipite sum pammaih leh thupi jaw tham hi. Phatuam ngaia a kansui pawl nih leh thum omte lah khem leh vaulaua om jel ua, dai maimah uh. Election om hun chianga lah gam leh nam it a tam a kitam, tua a bang eita? I muan mahmah a I na telching te uh I MLA/minister te lah dai dide mai uh bang I suak ta ding ua!
- P. T. K. Lian, New Lamka (G)
Zonamkhandal (Nekguuk, khamtheih..etc.) thu hichih zah vei tak ki genta a; bang ziak a i bil ua le thou nailou Zomite ki hi di a hia??? Hichi a eilawi bang suak di la…. Hiai MIPI' AW tungtawn in Toupa'n kal khat beek hon suansakta hen aw…
- Kimboi' Pasal
I gam sung uah khoksakna neilou in tualthat i om gige a, huaite bang chi leh tawpsan thei ding?
- Chia Mung
Tuibuang lam leh Lamka lam a pakka road kibawlte a sum zah kibang, abawl dan, a vanzat kibang leh kilawm napi mun khenkhat ahoih mahmah lai in, mun khenkhat Job Card nnasepna singling in vuk khinta…. leivui khu ki tung ngekngawk ta mai. Lamdang!!
- 9856530656
Manipur singtang gam a dia MDC election om ding leh 6th Schedule omsak nading MLA chin ma leh a chin nawnlouh nung un a uut bang dan in thu a gen kangkang ua, MLA/Minister a hong hih chiang un a uut a om nawn kei zel uh.
- M. Vumhau Social thinker
I lampi zatdante uh leh I paivial dante uh enkai le uthuai lua. Nidanglai bang nawn lo in gari tamta.
- 9862020445
Lamka ah Bank Branch khat beek om beh thei lai leh mipi tung zaang deuh diing.
- V.V.Z.T.
Bazaar a van man mawk khan phuphut, thuneitute'n hon enkai mama le u; ut um mama in laa.
- 9856363257.
Lamka lailii a biik tak a Teddim road ah Nam dangte inn mun pung hulhul…. puak nat huai petmah! Light House apan Nehru Marg junction kal bang mangbat huai!! Huiai ziak in Lamka I strong hold hia Mi strangle hold.
- Paite Coolmood
Nu-leh-pa te'n, itate gam dang a, muh phaklouh a Govt. College khong a iva kai sak sang in, i khosung a I College neihte ah kai sak in, i gou neihte uh puahpha ta le'ng. En i bawl hoih ke'n kuan hon bawl hoih sak tuan dia? En i ngaihsak louh ziak a I college-te hoih lou ahi. Gamdang a koih khiak i deih lou kei, a poimoh dan zir in. Hilehle mi le paipai uh chih thu khong lel in ki mawk sawlsawl kei le. Gamdang a itate koih khiat Lamka NU-leh-Pa te adia kidemna thupi peen a bang ta.
- Em.EL .Guite
Cable Net Work-te ah taangpi muh diing Film botlawhte khah lou in, a mau a et nop uh leh ana kiet lel le uh maw? Angel's Vision lou a dang khat ah ni 13 kha 6 News zawh in chi ve uh e.
- 9856530656
Gari a tai a side light vaak den, a vaklouhna lam a kat kawi, poilua maw…. Eksiden di ngakna chi khat.
- 9615282765
Lamka SDO/SDC office a semte'n Tribe leh Domicile certificate leh a dangdang lai poimoh i laak chiang in suaikaih man leh seal tah a sum a laak zel pen uh ahi didan mah ahi diam ??? Amaute Manipur Govt. in huaite mah seem dia a laak uh hi lou hia? A semtute lah local mi kristiante ngen mah hi ua, i gam in diktatna i poimoh lawta uh. Ki zuakte leh Drug addict-ten van gam hon luutsan diing uh. Bang i lohta dia sanggam??
- Zo Taangpa
Tulai a nungak nou khekol tom chikchik teng a kholai a paisek te'n hon tawpsanta le uh (kiphur thei lua ahi. Ngaihtuahna paisuak a utlouh tantan va tun theih ahi aw….)
- 9615435933
Gamsung siemphatna di'n sum-le-pai tha-le-zung pilna siemna sangpi nei zong lei dihtatna, dihtah a vai i hawm ma teng, muanna leh bitna a um thei sih ding hi.
- M. Thangboi Zou B.Th
Family planning bang loh di? Khangluite ngaih in bel, nga in a tam sihpih, mihing in a tam hinpih achi uh. Mundang-gamdang ah Population control ngai tham! Eilawi zaw a mi mahmah a namdangte zah leng ki pha zoulou a, Nam iitna ziak in nam heutute'n family planning ei lak ah khaam, a hih keileh, enkai thei le uh.
- Zoukhankhual
Abang teng ah mitam poimoh ahih chia'n, ta khat leh nih kia hilou in, ta atam theilam nei leng himai lou ahi.
- Muanlian pa
MIPI' AW te a suizui leh ngaihven ding a om louh leh, bang a, apphatuam na om ding?
- Sanga hauzel
No comments:
Post a Comment