I neekguk-takgukte uh leh i diktat louhnate uh ziak in Pathian
thangpai gawpta hi. Bible lenuai a zep a suit leh neck-tie nalh taktak
toh ki khawp hun teng a Biakinn leh Pulpit va suk bolawh gige sang in
i diktatlouhna leh i neekguuk nate uh tawpsan vek le ki nilawh zaw ni
hang. Pathian in pawlam kilawmna enlou in, i sunglam a i lungtang en
zaw hi. Pawlam kilawmna in vangam hon tun lou hial ding hi sanggam aw…
- Zoumaw No. 1(9862315999)
Lamka khopi leh a sehvel i et chiang in Pathian thu gen a, chialpi
bawl a vaak khat beek muh ding zong om nawnlou. I laisiangthou in Ka
hun a hong a hongnai chiang in Ka thu in tawp hun a nei diing, gingtu
hat, a hatsemsem ding a a bah semsem ding a chih i lak a hong tung
abangta hi. Unaute khanglou in I Toupa buan thak nawn ni.
- Biaksuan (9862160151)
Tualai a i taaksap peen hi a ka theih tuh Pathian thu i zaak teng leh
i gen khiat zah sang un a taktak a zuih iki tasam chiat uh hi'n ka
thei.
- G. Thanga (9612381328)
Tualai in i saptuam in Bible zatdi khat neile zaw maw hoih di hia.
- N.K. Tonsing
Banghun hiam a pat mi a sih chiang in saptuam' siatvilni chi a hun a
va laak zeel pen uh, Innteekte leh dongtate vai tampi va phu buai kha
ahih man in hiai siatvilni chi a saptuam prog. om zel tawpsan phot
hoih zaw lou ding hia.
- ThuchinDong
Pathian thu na awi hia? or Kristian na hi hia? chih taang in Pathian
or Kris thu na zui hia chih hizaw hen la'n, HE zui mah ing chih iki
dawnna uh hi thei chiat leh maw??
- 98565003768
Pathianni chia sum muhna neithei nailou naupangte thohlawm di nu leh
pate'n a piak saak uh Pathian ngaih in bang a bang di. Inn bang a le
naupangte a di biik a box koih hang a maw lam khat ah naupangte sum
zat (deih dan) chiilna a batna chiang om hi leh kilawm.
- 9856504768
Jesu Kris Lal leh hondampa a sang a a Biakinn siangthou lah naih
peihlou, mite hoih louhna kia gengen theite zaw, ki ngaihtuah masa
thak le uh a hoih di.
- Chiching (9856363755)
Ataktak a vangam lut ngeingei dia ki lam-en a tup leh ngim a nei
taktak chiat i hih un tuh, Pathian thu peen meilum awi a awi mai hiam,
a thu a lah gensiam – saksiam, a theih a thei tan lampang peen a
kitoudelh zawlou in a thu - a la i zaak a i theih a i gen khiat
zouzaite uh a taktak a koimun peuh a i om na i sep leh bawlna leh i
gamtatna peuh ua - Azuitu, Azangtu, hih chiat tum in, tua lampang peen
ah ki toudelh in kuapeuh in nei chiat zaw leng maw?
- 9856622174
Saptuam upa Govt. Teacher zoudawn lam a posting hi ngal, Lamka zang a
kumkhat sung a Sunday's School kaikim lawman la thei chih khawng ihi
uh. Ka kih…
- Ediliate (9863218299)
Power Minister a hong zin chiang a nitum a meipai thei zeenpi a om
louh chiang a pailou mawk etkai theih dan omlou a hi diam. Poi ka sa
lua..
- Zoukhankhual (9856359146)
Electric a pai chiang a aDEPARTMENT te hek or kiam uh hi di e…. na chi
uhia? Ahai theih dan uh, kua man hamsiat nonlou di uh hi aaaa!
- Kungkangs (9615274168)
Elektrik le kiliansak na vial e…. a hong paisunsun chiang in le
kuama'n zang kei daih le zaw.. kisuanglah tawk di e.. Na chi uh hia….
- Kungkang (9615274168)
Ministerpa'n Lamka hong phak chia a ma om sung teng electrik hoih,
amah om louh chia elektrik hoih ngei lou. Huchi di ahih leh amah vuak
in eletrik fee pe mai leh na chi kei maw sanggam...
- Shyama (96154600723)
I minister te gel un, amu thuthu a Manipur a achet thei lai un, tuinek
leh electric meivak kining ching tak in hon pele uh maw? Amau sum apat
lei ngai lou hi a…
- 9856361058
Lampi dung a kimawlte ban ah meh/van zuak, Side diklou a paite leh
lampi lai a houlimte'n khopi su nuamlou zou uh hilou uhiam?
- 9862135097
HSLC Exam hun dektak a School in selection a bawl ahoih diam?
Nu-leh-pa te'n sum tampi seng a tate School kaisak uh, Board Exam hun
di kuan a selection a adrop-te un HSLC exam pethei lou chih pen School
in hoih a sak dan uh ahi diam? Tukum in BSA a student bang zah ta in
buai loh uh ahia? Selection pen School bawldi hilou in Board lamte'
bawl zawk di ahi chih manghilh louh a hoih di, Skul thuneitu te'n.
- NSS Student (9615430856)
Tulai khangthakte'n mi' laa saksa i sak chiang in a kaih kheng kei
deuh le'ng bang a chih dia!? A phuaktute zahtaakna pia leng i hi pah
kei dia, Ahihkeileh, a kaih i kheng kei leh a track bawl hak lua ahi
diam?
- The Pigpig Band.
Media- News Paper leh local cable lam ah misi lim a diak in a tualsih
mulkimhuai deuhte tuanglou thei leh, a om mun sim ngal a…
- Lou (9856702021)
Pasal ngawng a scarf koih peuhmah te'n Dendrite ahiip vek khol kei hial uh.
- 9856756973
Lamka a Bank Branch a semtute ki liansak theilua uh kasa mimawl leh
fellou deuhte ut leh dah a sal zialzial sek uh, hichi di mah a diam??
Private bank dang efficient deuh om hun mahmahta hi ve aw maw..? Bank
kichi khong Customer a kinga hi a maw?
- 9862199007
Lamka i khopi sung ah i vak chiang in a nuam mahmah a thil tenteng
bukim phial a bang, himah leh zun thakna diing omlou in, mi huang sung
ngen ahi a, a tuam in lamlian teng ah a vangkim in zunthakna bawl leng
niam huai lua a diam. ?? Hon bawl mai ve ua..
- Guite Kual
Mahni niin leh botlawhte mahni mun leh huang sung ah koih mang zeel
leng. Vok leh gan khoite'n innkim leh midangte a dia namse lou dia, a
ek uh leh thanghuaite kokhuk tung nei sung ah koih mang le'ng. Huanhai
leh sing chi tuamtuam suan uut te'n midang a dia dongkholh lou ding in
suan zel leng. Hiaite V/A, Youth club leh Pawlpi tuamtuamte'n hon
enkai thei le uh maw??
- P. Thawnkhansuan (9856361484)
Tulai in Swine flu kithang mahmah a, ei lam ah vok vuul kitam ai'h
chian, a lau huai dan, a veite omdan, kikep di dan leh kiven ding dan
mipite hon sinsak thei di misiam neikha nai lou i diam aw..!!
- 9856530656
I khopi uh Lamka ah Govt. College(s) i neihte uh kaina taaklou chi in
sum tampipi seng in nu leh pate'n a tate uh state dang ah sawlkhe
zungzung uhi.Hiai a amun a kai student-te mah in leng hiai sang a a
hoih zawkna dia panla theilou i hi diam?? Student-te kisiamtang sak a
i College-te mohsasa ding i hi idiam?? Hiai toh kisai a student-te'n
leng mohpuakna khat leng neilou a hi diam aw!
- LK Guite (9615143816)
PTC te'n a programme uah nidang bang lou tak in khentuam omlou in a
programme hon bawl ua, a hoih khop mai, hunluite mangngailh in maban
hon sawn zel un, lungdam huai lua. Kikhentuamna in i Society uh a suse
man lua a, tun chuh maban a hoih lam ngen enkawn in pan a hon laak uh
i deih sak mahmah. Heutute lungpi geelna mipite'n nung thuap ni.
Lungdam.
- D.K. Tonsing
District Council election hong kigen nawn simsim ta, neu khah
nuamdeuh. Mahleh BETDAIH lam suilogist te'n koilam ah hon beng dai
nawn geet di ua???
- Mr. Victim (985692717)
Thu leh la hi in nna hita leh a theilou leh a semtheilou i om nawn kei
ua, thudik leh nna dikte a zuih siam dan kitasam houh i duam. Unau
ki-ngaihtuah ni uh….
- T. Khan L. Tombing.
Diktatna in nam a tawisang chih thupi a zang in Poster na tan a ki
gelh inn sung ah i taak chiat a, a kipahhuai, himahleh i sepna mun i
tun chiang in diktat kuamah omlou. Damdawi in bang a, mizawng leh
liangvaite naunei dia a om chiang un Labour Room sung a Nurse leh
attendent-te Pharmacy bawl bang mai mah. Etsakna di'n Normal tak a nau
neite Betadene khong a zatvaalte uh pekik ngei lou. Government supply
pen a mau sumsinna a zang uh hia?? Hiaite lah Local mi Kristian ngen
hi zawmah lai, diktatna koi a om a hia, unau….
- Muanching' Pi (9612397285)
Tulai in i gam ah ki rape chih khong a tam a, ei numei, teirawlte
puanak ang bak taktak a ban omlou khong silha, khekol phei kimkhat le
khuh zoulou a tom teeng a a kigak vang lak lah sa-puak dan teng kilang
a ki-gaak teeng a i om chiang in pasal a diing a etlah huai mah hi.
Lungsim a diktat tak kichi ten le a mit uh hiip zou khop i hih chiang
in "Uipi mai a saguh om chuh zuan a namlou a ..." huai ziak in
numeite'n i hihna kembit in, kiveng deuh le'ng. Mahni kikep bitna hoih
peen ahi. Nu leh Pa te'n itate kichei dan, kivat dan etkai pih poimoh
hi lou hiam..? Unau nang bang na chi ngaih.
- Kimboi' Pi (9612397285)
Tulai nungakte bangchi uh e… na nik velvolh uh toh, kei hon suun le u
chin zaw na etlawm zaw daih di ua; pasalte'n le hon ngaisang zaw di
ahi uh chih thei un aw..
- Khupching Vangsel(9856626681)
Igam sung kise gawp peen tuailai khamtheih leh thil hoih lou hihte
ngawh nawnlou in a bul pantu nu leh pate'n diklou tak a sum leh pai i
neekguuknate uh leh i diktat louhnate uh tawpsan vek le hang hoih thei
pan ding in gingta ing.
- T. Muanpu(9862315999)
Damdawi khamtheih zuakte'n na tate uh tua bang hih di'n na deihsak
duam? Huchi ai'h keh tawpsanta ni. A thangpaihna taktak i tuak nawn ma
un. "Ka ta na lungtang hon pia'n" chi in Toupa'n hon sam den lailai
hi. Ki ngaihsun ni sanggam aw..
- (9862315999)
I gam ah Saptuam a semtu, Private skul pu leh sepna tuamtuam a semtute
khaloh kingakna tham mah pe leng i gam a migentheite tawm tuan mahmah
lou di hi a?A pezou lou le hi lou Saptuam a te khenkhat houh lehkha
zir lai a kha khat tuition fee zah phial loh Teacher tampi zodawn lam
ah om uh, hehpih huai mimal hausa hulhul, Saptuam lah Headquarter
hausa hulhul, Mipite gen thei dedeuh. Ki neeksiatna (exploitation)
ahi.
- 9856224279
Pathian phatna laa sa abik in numeite'n niik/puanten hon teeng le uh a
et anuam zaw diam? Jean khekol tight pipi teen sang in… Ban ah Nam
vaitoh kisai thilhih nate ah numeite'n I nampuan uh teeng zel le uh.
- Zolengthe (9862198934)
Mahni insung leh Biakin sung a khelhna neilou, adikpen dana tu
pheuphau te ihi uh. Ai'hang I diktatna un Pharisaite a pha kei. Nam
leh Gam, Khotang chidam ideih uhi. Tua ahihtheih nang in heutu kichi
peuhmah in hiai Mangkang thumal thei hen: You cannot have a good
social system when you find yourself low in the scale of political
rights, nor can you be fit to exercise political rights and privilege
unless your social system is based on reason and justice."
- DS Rayburn High (9615283146)
I zomite lak ah lasiam i tam mahmahta mai a, huaite zahpih mai lou in
paakta zaw le'ng i gam a hong changkang thei zaw diam?
- X.M. Guite(9856289040)
I gam-leh-nam it ihih ngal leh agent antang, thautui leh adangdang te
ahi bangbang in hawm le kuamah a khase hetkei ding.
- Awlmohna BOX (9615274168)
Tulai in Zogam iit tam mahmah a, himahleh iit a omte gawng deuhdeuh in
a iit-te thau deuhdeuh hi.
- Pa Thang (9436289680)
Beh thu gengen lou di i chi ua, hi lehle i beh kia hi lou maw
Zomi-Kuki leh Non-Naga mite hon kipumkhat sak. Etsna din Zomi chih
unau Kuki-te a pom thei lou tam mahmah a, hilehle, Guite, Hangsing
ichihte ziak in Paite-Kuki a kipunkhat zaw.
- Zo Vakhu (9862198934)
Angels Vision leh LamkaTimes te'n gam-leh-nam vei luat man a, MIPI' AW
nawng patkhiat zenzen uh lungdam huai peuhmah ei. Ei mipi te'n hih
tungtawn a, I lungsim tawng awng sukha, thu manpha tuamtuam I pulak
khiat te uh, zuih sawm chiatni. Tua hileh Zogam ong paal hak nawn lou
ding hi.
- Lian Obama (9612784583)
MIPI' AW ahong sai uh hoih kasa. Athute isim leh a za leh sem khe ding
te ngaihtuah na ah hong lut zel. Kilamdan na neuchik bek ahong tun
lamen hang.
- Kamlian (zogam.com)
HIAI A HONG TEL KHA LOU TE MIPI' AW 5 AH HONG KIKHAK DING HI. COMMENT
LEH MINPI' AW A SUAH DING NEI TE'N lyanguite@gmail.com AH KHAK THEIH
GIGE DING.
No comments:
Post a Comment