CADA team in Khuga Dam canal enkhia.

Lamka, July 10: Command Area Development Authority (CADA) a Addl. Chief Engineer Shri W. Kumar Singh makaih in CADA team in tuni sunma dak 11:00 in Lamka hong pha uhi. CADA team ahihleh Joycee, PO/DRDA/NREGS banah Joint Action Commitee (JAC) Khuga Right Canal in kithuahpih uhi. Khuga dam apan Right Canal zui ua, canal apan tuiloute a ding tui piak sawnna CADA conversion nuai a nna kisemte ban et uhi.

Addl. Chief Engineer CADA in conversion nuai a kilometres 60 a sau Khuga Dam Right Canal bawl ding lak a tua km 17 tan a tui khak hita ahihdan leh huai apan tuilou neite a ding tuilam (fill channel) bawl hi'n gen a, huai pen khua 20 val in phattuampih ding hi'n leh tuilou hectares 750 a tui pe ding hi'n gen hi. Saidan Hausa Rohminglien' inn ah CADA team khawl tawldam ua, singpi a dawn zoh un sunnung dak 2:00 in Imphal a kik uhi.

Addl. Chief Engineer W. Kumar Singh hon zuite bel Th. Kesho Singh EE/I&PT, K. Biton Kabui AE/I&PT, Th. Dilip Singh AE(I&PT), P. Romeo Singh AE(I&PT), K. Janswan Singh AE(KCD), L. Gunindro Singh AE(KCD),Subash Singh AE-II(KCD-II) leh L. Ratan Singh SO(I&PT) hi uhi.