DISCLAIMER
Hiai MIPI' AW a thu kisuah teng
Angels Vision leh The Lamkatimes ngaihdan ahi kei.
Thusuah ding a hong pe te'n a thusuah uah moh aki puak ding uh ahi.
Mimal khat leh pawl khat demna a thu hong lut te suah ahi kei ding a,
khotang hoih nang leh khantouh nang thute hong khak zaw ding in ka hon ngen uhi.
- Editorial board, MIPI' AW
Biakinn a thugente'n mikaangte pau ahon hel tel nak te uh, bang chi in
na ngai? Piteek Puteek te'n theisiam ding un na gingta uh hia?? Hel
kei thei deuh le uh maw, na chi kei ua hia?
- 9856405984
Khawmpi palaite thupuukna khut liik a ki pom. Pathian theih vaihawm
Mangpi in mipi zaak a a puan, Saptuam heutu khat in a zuihlouh mipi'n
a mohpaih hi.
- 9856627212
Saptuam inntuan na a om chiang a, Upa Committee te thupukna zui
nuamlou a parent church a om teitei te zaw damsung a dia meima
damtheilou kibawl maimai ahi zaw uh.
- S. Ngaihte
I gam ua Guta, Khamtheih hih, Mi Rape leh adangdangte Kristian te'n I
nawlkhin sang un, amaute zongkhia in Pathian' thu I hilh ding uh hizaw
lou hiam?
- Zolengthe
Khenkhat te'n PA toh TAPA toh KHASIANGTHOU toh min in…. chi a a gen
sek pen uh, PA toh TAPA toh KHASIANGTHOU' min in chi le'ng dik zaw di
mah bang!
- 9856361058
Tulai I sahkho (Kristian na) paidan uh a ahau te a dia kicheina, a
genthei te a dia ki hehnep na leh, chihtakna tawh a zuite a dia
HOTDAMNA mah bang!
- 9856361058
Zomi Baptist Church of India kichi pawlpi/Biakinn thak hong ki phuan
dek… Zenzen! Eimite ihih na leh ilungsim uh hong ki dawk sak mahmah ei
Guai! Adiak in eimi te pawl sung ah anungzui a pang utte ihi kei a
makai utte ihi uhi. Kua hiam khat gamdang a va pai in innlam ong
tunkik chiang a amau pawlpi sung a Sia te leh makai te toh lungsim
ngaihsutna kituak zou nawn lou, pawlpi/biakinn thak phuan ek chih
khawng I siam zawng tak ahi. Zomite kawlgam, vaigam leh manggam ah I
om kawikawi uhi. I gam atuam mah bang in I lungsim zong kikim lou
abang, tua ahih man in tu a pawlpi kiphuan thak dek pen zong Sia hih
ut man, sum leh pai deih man, kipumkhatna suksiat sawmna Zomite hong
misiat sak sawm man uh hilou hiam Guai! Lai ah nna sang e, I gam
simthu.
- Lian Obama
North East bial a atam zaw te'n vaite mudah a ahuat lai un, ei Zomi
kichi te'n I sanggam/laizom te sang a it zaw leh pi bawl zaw mawk. I
heutu te'n ei gam (meitei' gam) a kan khak louh ziak uh ahi diam?
Ahihkeh ei Northeast te sang a vaite I gam I chih na mun ah inntek
zaw?
- 9564785953
ZEPADA in mipi khualna ziak a, mautam leh PDS antang amu dingte mah in
amuh theih na ding a, phatuam ngaitak a pan alak na te uh kipahpih
naksang in, ZEPADA te'n hon CUT uh chi a zuau pumlum a thugen te
kuanman ana ginta het kei un. Hiai te mahmah ahi Zogam melma.
- P. Khupsuanmung, Vengnuam
Tulel a igam in apoimoh penpen tuh political (Salam) revolution hilou
in, khalam revolution hizaw hi. Tulel dinmun ah 6th Schedule/UT/State
dinmun in omle hang le iki ne gam un iki ne kang vek di ua, zawnna leh
gentheihna uang sem leh kilawm maw? Khelhna toh kidim nam genthei leh
liangvai hihang ei… DIKTATNA in nam atawi sang chih kha leh chihtaktak
in zui chiat ta le, chialpi leh camp ki mat zen a neih ngai lou ding
hi.
- Zogam Thinker
Guite Road kha BRO te'n abawl teitei uh deihuai, Manipur solkar le BRO
te'n paw zawmah le uh maw? Agam mipi' thulim louh taklatna ahi a,
mipite aw nelhsiah a mi duhgawl te vaihawm na gam ahi a, eilak mahmah
a le sum neite kia thu pai gige.
- 9856361058
Tulai in thunei kichi te'n, Pathian a zah kei ua leh, Pathian neilou
nam hileng ut a di uam?
- 9856361058
Tulai tak Lamka Damdawi inn Paite-Zomi te vaihawm laitak ahi a, ahoih
leh Zomite minhoih, ahoih kei leh Zomite minsiatna ahi ding a.
Operation ding teng a atam zaw Sielmat Hospital a hon zatsak uh leh
zatsak louh uh, a et khiatna hoihpen ahi ding hi.
- 9856379768
New Lamka khosung a BPL antang sepna neite'n a lak theih louh uh dik
kasa lua. Huai dungzui in sepna neite'n contract sai kei thei in, nam
makai te'n le contract sai kei in, Watch Dog leh intellectual dan in
om khemkhem thei leng maw…. Hai tawk le hang le.
- 9856361058
Guite kual a Village chief te'n a khomi te uh it lou in, a khua uh
puah nang a Govt a pan sum hong ki piate, chizau na tel lou in nekgam
leh nekgaih pe'n a chin dan uh ana hi gige mawk hi. A pap zaw a kho
mite pempem mai, pem zel lai ding uh, huai omdan bel Guite kual/Zogam
tulpaan kaisa kai behlai ding chihna ahi. Khosung mite a om non louh
chiang un amau chief hihna anuam tuan diam? A khomi, a zawngte ziak a
hausa (Chief) lah ahi ngal ua.
- Puaknat hau @ Haupu, Guite Kual, Zogam
I nam pumpi in June 27, 2009 in Jubilee dak 60 vei khen in I lawm ta
uh. Kipah huai. A zahtak huai President' (PTC) thupuan bang in mizawng
leh mi genthei bang zah in suahtakna a mu ua. I mi hau te/sum pung
hawm te/saptuam a Pathian thaunilh upa te'n pension book/pata/pay book
kum 10/15 bang akol te uh asumpung vuak leng a sumpi sang a tamzaw ta.
Khat leh nih bek in hiai jubilee tungtawn in suahtakna mu sak lou ding
maw?
- 9436850161
I gam uh a khanmawh na bulpi peh ahih leh genthei, liangvai, leh
tagahte tanding I tangkhak sak louh ziak uh ahi diam? Milian leh mi
thilhihthei taktak te ki ngaihtuah hun hita lou maw…? Genthei leh
tagahte donding/muhdingte ahi bang in dong le uh I gam uah khantouh na
khat ah nasatak in ki khangtou ding in kaging ta… Migenthei leh
tagahte sukhase sawt lo ta ihi di wam… I gam uh a khantouh ding I deih
leh genthei, tagah leh liangvai te tanding te neksak/leepsak guigui
tel kei le hang maw…!
- JT Mung @Tonsing
Eimi khat interview na ah
Dong tu: What is the second town in Manipur?
Dawng tu: Lamka.
Dong tu: Exactly wrong! CHURACHANDPUR. You are dropped!
Chih san. Adik himah lou maw? Lawm, nang hile teh na bang chi dawng dia?
Heutu te aw, na mipite un, I vangkhua LAMKA ka chih uh leh ka lohtak
uh "NA CHING KEI" chih lel eivoi? Chikchiang a thudik vualzou ding
hiam?
- Khwp Hs
Tualai a min ban a behmin leh adangdang, kibeh lapte ahi di mah in ka
pom thei a, hilele, khomin ban a behlap omte theihsiam haksa kasa.
Etsakna, Gangpimual chih bang aban omlai di mah a diam? Akho sat pen
Pu Nungkhopau damlai leh…
- 9856852186
Singtang a Govt. teacher-te mohsak a pau gaihgaih nuam a sak thoh pawl
I om na ua, Lamka zang a zi leh ta te toh Office leh College/School a
sem mipi muantham leh kingakna tham a sem kua ahia om tuan? Khut hon
lik ve ua. Pawta vanglak Singtang a posting Govt. teacher-te'n a moh
teng ko'n paw khawm vang lak di uh.
- 9856379768
School or Siamsinna munte ah ki zep a ki gawt sang in, deihsakna toh
kithuhilh zaw leng hoih zaw lou di hia? Bang a na ngaihdan uh.
- Ding Khuptong
Bangziak a Lamka zaang a vuah a zuk teng a i tuineek uh niin a hia?
Govt. in a suksiang didan thei lou ahi diam ? Editorpu, nang bang
ngaihdan na nei a?
- Khuma Bungmual Lamlian Veng (9862353309)
Singtang a kial aki puan leh anntang hong tung thei, a saite tung ah
kipah huai. Lamka ah tui-kial puang leng Centre in hon ngaih sak deuh
lou di ahi diam?
- S. Sanga Mualkawi
Manipur ah kha loh tamsa MCS/MPS te a pung. Atawm a leng pung leh hoih
di. Ahau te piak beh in om.
- MuanShamte
Bang ziak a CCpur bandh om chiang a Tuibuang bandh lou sese hiam?
CCpur in Tuibuang huam kha lou hiam? CCpur in Lamka chauh huamkha hin
teh maw.! A good di.
- 9615522461
I district sung ah Bandh leh Economic Blockade a om chiang a i vai
mahajon-te'n van man naakpi'n hon khangsak ek mawk uh, lamdang sam e.
CDSU leh ZSF-te koi a om na hi uh hiam?? I zogam giabang hon zuun lai
ve ua maw??
- Ori Kidz
Inkuan sung ah ki ittuah na, diktatna, chihtatna, kuhkakna leh
adangdang te pan masa peuh le hang, I khotang I gam leh inam domsang
ihi mai di uh.
- Lianboi pa
PCI Head Office pam lampi kawina, Zion Veng lampang ah Gari tam thei
mahmah a; a park dan siam thei le a hoih di e. A don theih mahmah ziak
in.
- PTN
Saptuam leh pawl tuamtuam a heutu te'n pawlpi leh mipi van tuamtuam a
khut ua omte official thil hilou mimal poimohna a baihlam tak a a
zatte uh hon tawpsanta le uh maw. Ei pawl in heutu din mun peen
service leh servanthood dan a enlou a, power leh priviledge dan a i et
peen uh uncivilised lua kasa.
- 9862771917
I khosung a thil omsa solkal apan hamphatna i tante uh Etsakna di'n
Aganwadi Worker leh helper khenkhat a mun ua omlou chih ziak a, a
hamphatna uh laksak a midang kiang a piak sak top chih khong thil dik
a hi diam? Tua bang a thil hih tuh Upate'n temlou a mi ngawng taansak
a chih u toh ki bang hi lou hiam? Sepna mun a omlou chi leng, solkal
nnasem 99% a post ua omlou uh hilou hiam?
- MK Guite
Lamka a bandh lohching ni pen a, kholai vak leh gari tai muh di omlou
chih hi gige, ahihziak a, I nget pen uh loching tak in I mu uh chih
kithei tawm mahmah. Huaiziak in bandh/kiphinna nei ding pawlpi peuhmah
te'n mipi nektawm zongte subuai khalou di'n hithei zel leh bang a chi
dia, pawlpi it huai te aw?
- Shyam-a Zomi
Bank a mi tam deuh deuh, a sem te lah buai, sum la di te lah buai,
deposit counter leh withdrawal counter tuam leh kuapeuh tung zang deuh
leh kilawm….
- 9615411106
Mi gam khawng bang a khu veng vung mah dia, a puah di department te'n
puah hi ve un. Ei gam bang leng a puah di te'n a puah kei uh leh, mipi
thangpai le, Officer nekguk chiing public servant hih lam ki
mangngilh, kisathei te pawl, mipi'n buhaal suk teptep lel le, nekguk a
uang kei deuh di wam...?
- Zuansialching
I District Hospital lam mitsuan zual leng, kua mah dang theih louh a
piak cheuh om masa lou a operation bawl theih louh a diam? Kristian
lah i hi ngal ua. Ei leh ei ki neekneek di dan mah hi'n teh maw. Hiai
tan a hon dom sang i biak Pathian a lungkim na diam? I zogam pallun
hak mahmah lai in teh chi ou..!?
- T h Lianding
Heutute'n sum kia a buaipih sang un, Nam mah awlmoh in nei le uh
chidam zaw di maw… Contract kia a buai pih sang un.
- 9856361058
Veng sung a lah Biakinn a a tallang pawl, Office a le nekguuk taakguuk
leh diktatlouhna lam a tallang pawl a pang zel, bang chi'n i gam ah
thil hoih a piang ngei dia....!!? Govt. Teacher sepna mun a om ngei
lou semlou a lawh la gigete tata Upa Ordain hi hi zaw mah uh ..!!
Diktat a Pathian zong himhim omlou. Office a negu loute'n leng
American Dollar zuau bawltawm pansan a muh sawm zel. Diklou tak leh
sianthouna tellou a vangam kai sawm chih mawk lamdang. Eite
mahmah....!!
- M. Thomte
Dan a pasal/zi neilou te saptuam ah nohsuah ahi ua; himahleh Toupa'
misiangthoute thohkhawm sum zang thelthang/negu tute danpua a nohsuah
louh a om peen Saptuam dan in bang tan uap a hia? I saptuam a chialpi
neihneih sang in hichi bangte mipi theih di in mohpaihna fel tak nei
zaw leng bang a chi dia?
- 98612397285
Veng teng ah Medical Deptt. (NRHM) nuai ah ASHA-te'n mi 2 leh 3 kigawm
lou in, a mau veng sung chiat uah a sum muh uh Cheng 10,000 chiat in
zun-buk di Cement work bawl chiat le uh veng teng ah a ki daih i neita
ding.
- 9862086549
Job card sum lak na di a Bank ah mi atam thei mahmah a, ta leh nau te
po zen a kuan pawl bang le I om, amaute theisiam a counter a I lut
masak sak uh ahoih, himahleh lut masak ut man a mahni ta leh nau hilou
mitate khel zok a Job card la dia I kuan tel zaw…. Diktat louhna
tawpkhawk hi in ka ngai. Topsan tani uh hang u-le-nau te aw.
- Mung & Family
I tung ua thilsia tung sate I phawk kik chiang in, iki puahphat ua,
iki tunding thak na di lunggeel a kul dan iki phok sak a, iki hanthawn
ahoih mahmah di. Ei Zomi te'n lungsim liantak pu in thil hoihlou I
tuahsa te khawng uh, khangsawn te thangpai sak thei lel dia mok gen
kik-kik lou in, a sia te bawl phat theih louh tawp in sep leh bawl,
lunggel na khat peuh ah a masawn huaizaw leh kua peuh toh ki lem huai
zaw ding lam gen leh sa in kihantawn zaw leng I gam- I nam a dam zaw
in I masawn zaw ding uh chih ngaihdan nei chiat leng uthuai kasa. Matt
5:1-10 sim leng, MIPI' AW zat dan ah pilvan deuh tuak eh!
- 9856530656
Zodawn lam a Saptuam' sekul te ah casual a sem teacher te khaloh Chng.
4000/- bek piak di'n ahoih. Casual chih man in ann ngawl thei lou uhi.
Mi lehkhasiam khat a qualification toh kituak sepna I piak ngal leh
un-skill labour or master roll a sem te loh sang a leng tawm zaw
(Cheng 1500 – 1800) lel lohsak mok. Lehkhasiam thaman lou lua hilou
maw? Saptuam heutu vaihawm upa te'n ngaihtuah un pawl pi leh mimal
semtu ding zong te'n qualification (Cl- x, xii, B.A adg) requirement
ahih peuhmah leh khaloh 4000 – 6000 chi le hang saptuam leh I gam a
buai loh tel dia hia? Huchi hi leh,. lehkhasiam na leng manpha zaw
deuh ding hi. Student organization ZSF, SSPP te'n panla le uh bang
achi dia?
- 9856224279
Tulai nungak te zumna theilou tampi omta, mi'Pa hisa te tuh khe dekdek
te'n, tangval muzou mahmah lou uh ahi diam? Hoih louh na a ki pumgup
zaw, kuaman hon mu hoih tuanlou di ahi. Nuta a mi pasal te I laksak
pahpah leh mi nute/zite hehpih huai lolou di hia? Hiai thu a zak
chiang un ana piangthak mahmah le uh ka chi…
- 9856213001
Kua tanu-tapa te ahi ua, Zan dak 9 lak khawng a lam gei khawng a puuk
dek-dek zen a om tetaw te? Nu-leh-pa te'n, kei tanu/tapa ahi dia aw
chih kan sui I om a? Tulel paidan I bat touh zel lai leh, I society uh
tunung chiang a FREE CRIME society hong hikha moh lou di hi.
- Sonlal
MIPI' AW a ding SMS gelh siam ngen ihi uh, Mi mawh sa-sa nawn lou in,
Ei a hoihlou om khak ding ki veng chiat leng la… Message tam kiza
mahmah lehzong zuih mel om hetlou maw? Kigen gen nawn dah ni, kuamah
kibu ching tuankei.
- 9612385542
I siamsin naupang te khual na in electric nitak teng a pai di'n pan la
thei bang om taleng chih huai thei lotel eive! Ahau te di'n inverter
vak phengphung mah leh, a zawngte zaw gintak khel a zawng lua- candle,
kelosin chih te nangawn haksa eive maw sanggam…. Manipur adia kibawl
kinpen a chiamteh Khominthang a Power sub-station in ei a di'n bang
hon puak tuan in na thei ua? Lamka khopi tanvak deuh tuanlou a, power
lah regular tuan lou a, abang a I phattuam pih na tuan uh?
- 9615282765
Electric paihoih thei mahmah lou di ahi tel diam? Bang chidan in na
sem le hoihtak in apai thei dia?
- Fakeky
Electric vak dan in le khentuam nei kasa; sun nitum - zan khovak a
apai na aneih lai a, khat vei le pailouh na mun om zel, a fee lah ki
bang thou. Theihsiam a hak tel mai.
- 9862199007
Noah in tuichim tun ding a gen leh Johan in Messiah hong pai ding a
gen toh MIPI' AW ka teh a, aki phawk thak di te'n lah a neilhsiah veve
ding ua, MIPI' AW na hehpi huai lua.
- 9856361058
MIPI' AW, Vox Populi Vox Dei, "MIPI' AW CHU PATHIAN' AW!" I gam ah
Mipi' Aw apai louh dan election chiah aki lang a, Pathian' aw
nelhsiahna ahi.
- 9856361058
MIPI' AW Angel's Vision tungtawn a non patkhiat uh kipah huai in, a et
leng nuam kasa hi. Hiai MIPI'AW adia hong ki sungkhawm te kha, atawp
na ah mibangzah in hoih I sak pih a, chih ngaihdan kaikhawm thei zel
lai le bang achi dia?
- 9815460723
MIPI' AW vualzawl na naak thupi tak ahi. Thil hoihtak mipite zak dia
kilawm ngaihtuahte'n hiai forum a om ma in a manphat na tawh a LUANG
mang zeel ua, tu in ah mahni chil lum toh valh mai sang in, mi bang
zah hiam te toh valh ton theih ahi ta a, amanphat daan gen vual louh
gah a hon suah ding I ngak tou zel ding uh aw.
- Zamkhokam Guite, Imphal Airport
Sintawpni bangziak a hichi a ngaklah kahi dia aw ka chih leh, ka
ngaihtuah leh MIPI' AW ngaklah kana hi maimah.
- Dim Mk
THEIHSAK NA
MIPI' AW ah ding thu hoih taktak na hong khak zel ziak un,
ngaina tute tung ah ka kipak petmah uhi.
Himahleh, thusuah ding a hong kipe teng
khat vei thu in hong kisuah thei lou ahih man in,
thusuah ding a na hong piak te uh ahong suah kei leh leng
hun nawn chiang in hong ki suah zel ding hi.
- Editorial board, MIPI' AW
No comments:
Post a Comment