24x7 Online News in Paite-Zomi, Manipur, Mizoram, North East India
Powered By The Christian Gift

The Lamka Times

Friday, July 3, 2009

MIPI' AW 5

DISCLAIMER

Hiai MIPI' AW a thu kisuah teng

Angels Vision leh The Lamkatimes ngaihdan ahi kei.

Thusuah ding a hong pe te'n a thusuah uah moh aki puak ding uh ahi.

Mimal khat leh pawl khat demna a thu hong lut te suah ahi kei ding a,

khotang hoih nang leh khantouh nang thute hong khak zaw ding in ka hon ngen uhi.

-          Editorial board, MIPI' AW

 
 

Bang teng hi leh kua peuh i om dan uh leh Kris tanchin hoih tuh kituak in gam taang phot peuh mah chiat le hang tuh zaila sate'n "I Zogam hong pallun ding hi e" chia a awihawih pen uh a taktak a hong tangtung ngeingei ding in  gintak huai sa lel ing. Kua mah lah Kristian lou ki chih di lah a ut i om nawn ngal kei ua!!

-          Pu Zoukhankhual

Mi gam a Missionary sawl hun hi nawnlou, ei gam a sapluut hun nawnta hi lou hiam ? I Lamka le khovel a gam mialpeente lak a khat suak kik nawn hita mai lou hiam.? Piangthak lou bulom ngen van gam kai dia kilam-en vek chih tel. India khua-le-tui hihna diktak neite kia Indian kichi a Krist Manggam hihna diktak neite kia Kristian ki chi thei hi. Eite'n Kristian chih peen dak bawl law deuh hang.Bang a hia ka gintaak chih le thei lou  99% bang ki om diing. Na gam uah Kristian bang percent om ua chin hon dong le uh kintak a 99% chia dawng gaih lai zaw di chi aw. Lungzin huai!! Kristian hih theihna pen by Birth hi lou in By the Blood of Jesus hi zaw hi.

-          Muan Thomte

Tulai Kristian ki chi te'n mahni utdan a Pathian be mok? Biakinn sung leh pua khen non lou, lam solsol mok, dress te lah akha (feather) tung nailou mah bang, a ang lam lah SANGMAN tun mah bang, hiai a aki dess dan u kholaoi vak sak dek leng a ngam duam? Pathian na biak dan process khek in Nampi'n a thuk ma in.

-          Penglam

Na khempeuh ah khantouh lam manoh ihih man un, biakna kikhop nipini (Sunday) kia Dorcas, Tuailai, Naupang etc. te'n hunei hileh khotang ah siatna adan aom deuh kei dia eita ahon chi sak.

-          Muanlian pa

Lenuai a Bible kuah a Biakinn kaikaite chia koukoute kouna adikna chiang om thou mahleh a demte zong a biakinn kai ngeilou leh diktatloute a hi nuam mahmah uhi. Midik loute'n leng midikte a gen a gen nuam thou a hi uh.

-          9856379768

Khalam a chialpi i neih zel a hoih in a kipahhuai a; a kip semna di'n Pathian thupiak bang a sem gim di'n le ki chialpi lai leng (Gen3:19 sim leng).

-          9856530656

Biakinn a pan mike zang a Bible chang sau loulou ki simsiak i chiing mahmah ua; mi ngaihdi deih a i sim hia? Ei va kisin i diam? Bangpen tum i hi di. A sim theiloute ngaih theih di'n a sim siamte select in audio record bawl vang lak leng a phatuam sem diaide aw maw..!!?

-          9856530656

Beh le phung a i buaibuai sung un ipi pute uh ki khai khawmna Zo/Zoumi in buai zaw leng ki pumkhatna hong om baih zaw ding hi ven maw !! Guai…

-          Zovontawi

Zomi, Zomi chi a pankhawm hatna chih lai in sum deihna ziak hia Power deihna ziak Party neu chik chik gam iitte mahmah in Zomi Zogam nuamlou sak uh mah bang. Zousuante iki bulphuhna uh Talpaakte gam ah om vet le uh ka chi.

-          Dingboi' Pa Zomi

Tulai in gam leh nam iit iki chi ua, i kham theih hih uh lah tawp tuanlou bang chih ta diing.

-          M K Tonsning

I gam a ei Zomi sang a Kol leh vaite chethei zaw mok uh bang chi dan a le. Amaute'n ei sang a sum tam a thoh zawk ziak uh ahi diam?

-          S.M. Zomi

Zogam pen a khanmohna zaw eite'n i hihna uh i theih louh ziak uh ahi.

-          Zamson Ti (Vn)

PTC in Diamond Jubilee i lop theih uh lungdam huai peuh mah ei. Kum 1949 malam in bang minam iki chi a. Zo ngeina ah i mi masa te'n numei puan pasal puan na nei tuam uh hi. Ei paite pasalten bang ziak a tulai a puandum ngawng ah baat i hiam? Puandum kichi numeite a hi lou hiam?

-          Lian Obama

I tate mite lak a nelhsiah tuam a aom uh poisalou maw? I khopi sung a college om sunsun te puahhoih le'ng eimah in hamphat pih ding hilou ihi hiam? Sum leh pai tampi seng a, guh tui kang zen a itate mundang a college I kaisak sang in I college neih sunsun te puahphat hun lua hita lou hiam?

-          9612381429

Nungak-tangval thaangtatna a amoh PASALTE'N a khu a, himahleh a pantu NUMEITE kicheina ahi.

-          Zovakhu

Ahi a, Innmun paata bawlna a meitei pau lou sappau khong a gelh theih louh a hi diam maw? Theih nop zaw leh ki lawm maw?

-          9856361058

Tulai innmun hawmte'n plot neusak thei lua ua, lampi di neulua, Ma ban Lamka khopi lian hong suah taktak chiang ding khual lou uh. Organisation leh society a thuneitute'n pan hon la theile uh deih huai lua.

-          Lun Guite

Mi'n plot neuchikchik a lei nung a khosung lampite keek ki saan phing sang in Mi plot hawm a om chiang in, lampi hon di chia hon sak pah hi zaw leh a hoih zaw diai? A hawmzoute leh plot neuchik khat lei zou lelte ding in mun ki kaak deuh lou di a diam maw guai.!

-          9856530656

Tulai tuailai nu-leh-pa te ki ngaihtuah mah dih uh. A tapa/tanu a harh/beven mahmah leh na tuailai hunte ngaihtuah thak mah dih. Na tuailai hun leh nite bang chi'n nana zang ta a…. huaiziak in tate it mahmah le chin le pongpo tai lou in mahni kingaihtuah masa leng maw… nang leng na tuailai hun a mi harh deuh leh beven nahih leh chu Pathian in natate tungpa'n hon reflect himai lou hia?

-          JTM @ tongsing

Hiv +ve chihte, Drug Addict-te, CSW chihte i zogam ah bei keuhkeuh leh neek di nei lou a khosa buai a tam mah di maw? NGO a tam lawtel a CSW, addict, +ve chihte bang, lawi khat buhphal hi mawk in chin maw.

-           Geelsau

Gam dang bang in i gam ah - Menchim, tuikhang , huihsia leh zinling lauhhuai ta dih lou hi. Himahleh tun en un Pathian in Khuga dam in hon thangkam khumta hilou hiam? I kik nawn kei ua leh hiai Dam zang in Pathian in hon gawt kei di kuan a chi thei a? "Aw Israel na Pathian sam nawn in."

-          0018638520416

Khuga Dam peen ngakul di leh nungak tangvalte ki polhna mun maimai dia zat theih lel di bang ta, a sum luut teng lohneilou mi nautangte kiang a piak hileh bangzah in a kihawm zou tel diam maw? A contract saite bang in poi a sa ban tel duam maw?

-          9856361058

Khuga Dam zoh chiang a electrict hong ki bawl diing kichi sek kha, ki semzom zel hia leh? ngak lah huai pet mah. A Fee i piak ngal leh, kei kia a diing gen ka hi kei.

-          Masawn deihpa

Khuga Dam canal Mualbem ah kichim in tuilet a, mipi su patau man. Zohsiang ma a leng hi chitel mawk! Bang ziak ahi dia le!

-          Thinkar Kungs

I lak ua iheutu te un, Mizogam a Chakma te akipan zil lai a zil nop uh leh zilding atam. A leader te un vision/ muhkholhna kichian nei in ahun tak a thil ahih geihgeih na uh ka ngai sang. Huai mah tuh Autonomous District amuh loh na uh ahi. Ei lawi bel ahun lou pi a thil gen, mipi te'n lah ngaih dan gen kheukhou, huchia veihuih then a theng zel chih hi pen in ka thei.

-          Kimboi pa.

New Bazaar niinbuakna tuma lam in pawl tuamtuam in buak nawn louh ding chi in a kham ua, kham nawn lou thak uh hia...!? Bang chi dan a.

-          9856293538

Bang ziak a Tuibuang a Govt. Office-te Tuibuang a om sese. Lamka lam a suantouh theihlou a diam. Ei sang a nammdangte pil zaw hi un teh maw.! Tuban ki pilsak nawn dah mai ni uh aw.

-          Sakur Family

Biakinn sung a numeite om didan kia i gengen ua, pasalten leng puan-ak nung-le-ma a milem leh thu hoihlou pipi ki gelhte silh kei thei le maw?

-          9862159957

Tulai nungakte mal-ngou dawk hiahhuah peuh mah pasalte'n na chil uh ana valh kei hial unla'n, pasal kichi peuh mah teng in singkhuah man unla'n, a malngoutak ana sat sak le uteh, a nawn chiah puanteen hong teng pah chet mai diing uh hi. Numeite zaw - ka hu-phulh lua. ha...ha...ha...

-          GSK

Nungaknou khekol tom teengte na muh a na phur theih in chuh nang le na kingaihtuah ngai ven.

-          NLN

Tulai guta hun ka chi ding. I sum te uh ki guuktuah vengvung ni uh aw, Ki khemtuah vengvung ni uh le. Company ah va tel in la va pung ou, punna niin. Na punnate kua sum? koi a pan? na mi khemzawhte a ahi lim. mi zon ngailoute  bang le a zong peihte (nang hon khem pen bang) va khemzawhte ahi thei.

-          9862198814

If you can rule your own spirit, you are stronger than the man who rules a city.

-          Zominalism (9612381346)

Numei zan pot haatte mialnuai ngaite a hi tuan kei uh. Inn a om maimaite ahi nuam zaw uh.

-          C.K.P

I khotang uh a hoihna di'n pasalte le hi thou mah leh a diak in numeite pawt haat kei le'ng na chi kei maw?

-          9856666731

Na sungte tunna tan thei tel in, huchi in na awlmoh di leh na awlmoh louh di na thei di. Nang Nu leh Pa in le'ng na tunna tan thei lou na hih leh na tate De-Addict centre a naih mahmah chih thei in.

-          Suanching' Pu

Zu leh Sa ne a innkiim inn ikiang mohna neiloute khong i chouchou sang in, ei hon chou i melmate chou ngam zaw leng bang a chi zaw dia.!!

-          Jose Zomi

Damdawi khamtheih zuakte'n eimah tate le tua bang hih di'n i ideihsak di uam? Huchi bang  aih keh tawpsanta ni. A thangpaihna taktak i tuak nawn ma un. " Ka ta na lungtang hon pia in" chi in Toupa'n hon sam den lailai hi. Ki ngaihsun ni sanggam aw..

-          9862315999

Tulai a khamtheih zuakte ina khaam ua, a khaamtute kipahpih huai lua. Himahleh a khaamtute a duh peen a hong pan phing khaak di uh a lauh huai.

-          Apa' Tapa

Zu leh Khamtheih hihte mohsa a i nawl khinkhin sang un, a zuak a pha phet lou a ki peite khaam in thuhilh leng a pha tuam zaw diam. Bang a na ngaih dan uh lawm leh vual te.

-          9856978625

Khamtheih khat le om lou a kham siang bikbek zou di i hih kei vanglak uleh, patse louh hoih ka sa, a Rate su hoih maimai. Nu leh Pa te tunggikna ki behlap lel. A uut teng in zuak in, a rate niam deuh, a pung om tham lou in zuak vet le uh, i ki chawm neh zaw di uam. Nu leh Pa tamtakte a dia gimhuai lua.

-          Nu Kim

Khamtheih tuamtuam i khaam bang un Bazaar leh kholai luite a thang tak a niin paih leh ek-tui zawllut khong le, khaam dan om thei leh maw?

-          9856530656

Electrik hoih tak a a pai theihna diing in Ministerpa Hebron Veng a a Inn ah hong khosa henla, Office gaalkai in hong ki leh zel leh bang a chi dia? Zanmial tanvaak di'n….

-          9856424479

Minister pa a om chiang a current pai hoih a om louh chiang a hoihlou. A kisaipih deptt-te'n Minister pa pahtawi leh zahtaak a ki sak kaal ua, zahtaaklou leh selphou a hih lam uh ki thei lou a hi duam ?

-          9615271034

Electrict hiai dan in hong pai zaw leh bang a chi di? Ka chih chuh, Ministerpu om chiang in pai kei henla, a om louh chiang in hong pai zaw leh maw?

-          9615322511

Kum 10 val Lamka khopi a electric pai kikhel. Bangchitel eita.

-          Mumung@ tonsing, IZOL

Zogam ngaina a akhantouh ding deih a thu i suah leh midang kua hiam enghou leh hetkha hi kei hen. Constructive criticism leh destructive criticism om ahi chih thei ni. Power minister pu hong hoh touh chiang in electrik mit ngei lou a, a hong om sung a electrik i muh lel leng hamphat huai lua hi lou hiam? Himah leh a pai nung chiang in a deptt. in loadshedding prog. ginom tak in hon zui nawn zel le uh maw.

-           The thinker

MIPI'AW  a thuhoih lahoih tampi kigelh te amohpo ding toh gelh geih zel le, tua ahih kei a zaw, ahi mah ve chi a sim beibei ding dan a om hive aw…

-          9612363861

Ken le Mipi Aw ka paakta a kipahpih thu kon thon. A tam theipen hon khah zel un.

-          Vuvung Bungmual

Thu hoih gen ziak a hoih diing hi leng Van angelte sang in leng i hoih zawta di uh. MIPI' AW a sim vuak hilou in, misiam bang zah hiam in hon discuss zaw mah lai le uh maw.

-          9856406344

Angels Vision in gamsung se gawpsa ki bawl hoih theih na ding ngimna a; i ngaihdante uh hangsan tak a kup theihna dia MIPI' AW chih prog. non pat khiak uh hoih mahmah hi. Gah hoih tak suang di'n Pathian in hon makaih zel hen aw… Mipi'n bang mah gen ngam lou a i daih khekhup lai teng Revolution chi'n gawlgui tanzen in ki kou mah le'ng thil hoih piang ngei lou ding hi. Hon sunzom zel un…

-          M. Thomte

MIPI' AW a thil i gen leh i min dik tak toh gelh theile hang maw.

-          Mimin Khooptong

 
 

 

THEIHSAK NA

MIPI' AW ah ding thu hoih taktak na hong khak zel ziak un,

ngaina tute tung ah ka kipak petmah uhi.

Himahleh, thusuah ding a hong kipe teng

khat vei thu in hong kisuah thei lou ahih man in,

thusuah ding a na hong piak te uh ahong suah kei leh leng

hun nawn chiang in hong ki suah zel ding hi.

-          Editorial board, MIPI' AW

No comments:

This Day in History