Huhna sum mu ding

Lamka, July 16: M. Harekrishna, Director of Education (S) in July 13 a thusuah a bawlna ah Department of Education (S) in 2008-09 sung a BSEM leh CoSEM nuai a HSLC leh HSSLC examination a 60-75% leh 75% tunglam mute kiang a huhna, 'financial assistance and incentive' piak sawm uhi. Huai dungzui in 60-75% kikal mute'n Rs. 3,000/-; student in Rs. 1,000/- , leh school in Rs. 1,000/- leh subject teacher in Rs. 1,000/- tang ding hi. Tua banah, 75% tunglam mute'n Rs. 5,000/-; student in Rs. 3,000/-, school in Rs. 1,000/- leh subject teacher in Rs. 1,000/- tang ding hi. -The Lamka Post