MIPI' AW 7

DISCLAIMER
Hiai MIPI' AW a thu kisuah teng
Angels Vision leh The Lamkatimes ngaihdan ahi kei.
Thusuah ding a hong pe te'n a thusuah uah moh aki
puak ding uh ahi.
Mimal khat leh pawl khat demna a thu hong lut te
suah ahi kei ding a,
khotang hoih nang leh khantouh nang thute hong khak zaw
ding in ka hon ngen uhi.
- Editorial board, MIPI' AW

Biakna kikhop hun a Upa ordain te leh Pastor te nasan in, Mobile phone
hon meekmeek tel ua, hon ging saksak tel uh zaw, kilawm kasa kei
lua..! A thuum chiang ua lah tuipaai mah mah bang na pi, tua bang
chiindan in I Pathian I zahtak louh dan nasa tak a taklang hi'n
kathei.Tawpsan tumta le'ng a ut huai kasa...!
- Pa Pum
Tuailai lapi te mipi mai a tang hetlou a hong din chiang un nuam kana
sa het kei a, khutbeng hiam in hon hih ziahziah le uh, mipi hong ki
thalop di'n ka ngaihsun a, ahih theih leh tuailai te hong hahpan zaw
sem le uh adeih huai.
- 9862086180
Pathian phatna lasa in ilaam ua, I siamthei lua ua kipahhuai I sa hi.
Himahleh, laamdan khoval huai pipi (theisiam na uh maw?) khong toh I
thuah sek uh kha, Pathian' ngaih in a kilawm lahdeuh hiau diam? Vangam
DISCO chih zen di lah hi kei ven! Kua mah kok na ahi kherkher kei aw.
- Kungs
Biak-Inn sung a Numei te'n Pathian thu agen chiang uh leh, mipi sik le
tang a hun atan chiang un, Bible deihna bang in, a Lu uh puan in khuh
jel le uh deih huai kasa. Hiai thei napi a, zui tuanlou tuh Pathian
thu pal zuutna hi in kathei. A diak in I Dorcas makai te khol houh, Lu
khuh malak a, BOYS' CUT a chih te ua hon cut zomah lai uh, Sermon lah
siamthei mah mah uh, hilele Laisiangthou chih dan toh aki meh louhluat
ziak in, a valh hak viau. Tawpsan di'n ahoih, Pathian' Thu muhsitna
ahih ziak in.
- 9436317529
Western lamte Biakna dan tengteng a dikpen leh Pathian in pomtak sa
biik ahi diam, eilam te'n le i ngai sang lotel ua... amau hihdan i
naak copy lotel ua,.? Bible chih dan toh a kituah kei leh zaw, I
Pathian in i Biak-piakna te uh Ki thoihna hing in a pom kei mai phiing
ding chih lauhuai kasa.
- 9436317529.
Bible in a deih hetlouh sumpung hawmhawm a, Biakinn alah kisuang lah
hetlou a gamtang, saptuam a lah hihna lian pipi neite, mipite'n bang
ngaihdan anei ua chih sut kha lou uh hi'n teh maw? Khamtheih hihte toh
a dinmun uh Pathian ngaih in ki bang ve maw?
- 9862214451
Biak-inn kai a, Pathian be dia kai hi na pi in, thugen hiam lapawl sa
a om chiang a, khut I bet puak zuazua pen ei leh ei ki polhlim na lel
hileh ki lawm. Mobile call ging zeuhzeuh I zak chiang in hall meeting
khawng a bang a, Biakna hih common kasa. Pathian be te'n kha leh
tuhtak a biak ding chih hina pi in John 4:23.
- KC Hanghal
Zogam ah lam tuamtuam a khantouh nang development scheme a sum hong
pai tam petmah mai a, huai pen meitei te'n hong tokbuai theikei uhi.
Himahleh hetu leh a chethei te'n, inam sung a alian ichih te'n, nasep
hoih a kidem lou in, asum tam tankhak kipum tuh mai uhi. Sum a tam tuk
in a nna lohching, lampi (Road) hoih, tuikai (water supply) ki ching,
damtheihna lam (facilities) hoih leh educational institution hoih
muhding om lou hi. Hinapi in, mi nautangte khemzoh leh tal kaihkaih
theih tamtak i om man un, vangtah huai petmah kasa....
- Mr. Ki ngaise petmah, Guite Kual Zogam.
Zogam chi a iki saktheih pih mahmah uh "Lamka" khanthouh na didal chi
a I innveng te uh talpaak te bang I ngoh ua, I rock khum zomah lai uh.
Adik gen in eimah mah ahi a dal tu, innveng te toh kihou theilou mipi
pen a mau sungkuan kihou theilou te ahi ut uh.
- 9615763689
Zogam lah Zou gawpta, nek ding lah piang nawn lou, bang loh ding? I
maban lah hichi mai, Zohngeu kuan a long ok sak ding? Ka gam - ka lei
ichi a, kamkei bang I haan, I vual in vai hon hawm khum ta ding.
- Lawmkim' Pu
Gam-leh-Nam heutu te bek in Singtang gam a gou ineih, Sing-leh-Gua te
kepbitna hon nei deuh le uh hoih lou di hia? I gam keu gawp lou di?
- Siampu
Ami - agam kibang, deih leh phut MDC election leh 6th Schedule, MTC,
IDF leh adang khat toh chithum bang hong ging thuap vengvung. Deih leh
tup kibang na nana kua mah hong kigen se tuah lou in pankhawm dan hong
siam le uh a dan dan hong om na lou di hia maw?
- Hangmuanthang
Tuma lam election hun lai pawl in makai te/sia te in 6th Schedule
bekbek thupi bawl in a gen uh a, tua lah ADC/MDC hong thupi gen zel
uh. IDF ah sum tam zaw ahi diam maw!!? Ei mipi te'n bang chih ding?
ADC/MDC mah full support suk phot mai ding ihi uh hia le….
- Mr. Penglam, Ngeisok Square (9615676181)
Election kuan chiang a gam-leh-nam iit atam tuk in I mi – I sa in
buaina a tuah hun chiang in tam leh maw? Huai hun chiang a MLA,
Minister leh Election hun a gam-leh-nam iit te koi a om a di uam maw?
Gam-leh-nam I iit sung uh a tom tel mai.
- 9862833346
Ei lawi nam-leh-gam iit I tam deuhdeuh uh leh, gal muanglou deuhdeuh
di kibang. Buaina le tam deuheuh, Diktat louhna in ma sawn hiaihiai,
Pathian thu awi I tam deuhdeuh uh leh lah innsung, khotang ah buai na
ki beh lap semsem hileh ki lawm. Hiai te kua mohpuak ahi dia le?
- 9612018601
I gam ah diktatna om nawn lou, nekguk-takguk na a dim khin. Student
Union te'n naktak a hiai bang thil hoihlou hon sual di uh isak leh, a
uang penpen in a hong pang zomah ua, lungkham huai e maw?
- 9862093721
Singngat leh Lamka kal motor tuan man kiamsak mah leh, Government rate
toh kikhai lotel lai ei!! Zomite ki gawtgawt ding maw?
- 9856627212
Tulai Zoar Veng, Lanva Lui zuul a, nungak-tangval nitak teng a va
lumkhawm gige te, tuban veng mipi'n matkhak a neih uh leh bangmah
genthei lou ding uh chih ahi aw. Suk zahlak a aom uh leh leng, a khase
thei kei ding uhi.
- 9615047632
Kristian te Government achih uh, Congress vaihawmna in, July 2, 2009
ni in taw-ko huuk (gay) kiteen na dan dik ahi chi in pomna order suah
maimah ve uh e.
- 9856379768
Tulai in I veng sungte uah naupang chikchik ki tangval sak in, khekol
tolh dek zenzen in lampi ah pai nangnang in om uh a, nu-leh-pa te'n I
tate uh kham chiat le ahoih di e.
- CL Mung
MIPI' AW non patkhiat uh ahih lolo vanglak leh, ngaihdan khat chu,
traffic lamdeuh te strict deuh leh maw. License neilou leh under 18
years gari hek nu-leh-pa te'n pak ta dah le uh. Gari Lamka khosung ah
atam ta si a.
- GCK
Lamka khopi dan in om mahleh, I innmun (compound) te uh a neu thei
mahmah; vok khoi te'n I compound tawlam ah I bawl a, ei adia gamla chi
a I bawl uh innvengte a di'n nai chik ahi zel a; I vok gim/ek gim
names petmah hi. Nang leng a gimsia na diik peih kei leh na innveng
te'n leng a diik peih tuan kei ding hi.
- 9436403898
Chi damna leh damtheih na ding in ahi thei tan in deihlouh niin te
(eek leh adg) nullah ah kua te hiam in paih leh bo nawn dah mai le
maw? A gim diik veu leh mit a muh gige chimtak huai gop ta… ka kih…!
Kilawm lou deuh hi lou maw? Vengsung heutu te pan honla ve ua HEUHOU
geuh!
- Mr. XYZ
Pathian la sa sekte, i zan cheet u leh le, mi nautang theihlouh di bek
in che ta le'ng, en i hon expectna sang lua inchin, na la chauh uh hi
lou in, nou mau mah le hon ki entawn ut ahih man in, ban ah eimi
numeite'n zawlla sak khelhna sa i hi uh hia..? I nu leh pa te mai etna
di lel a Pathian la sa. Gam khantouhna dia zawlla leh Pathian la lam a
leng i khan uh ngai hi lou hiam??
- The Zoudawn thinker
Laa I sak thak chiang un, aphuak tute phalna tel het lou in, athu
ikheng chitchiat zek uhi. Hiai pen adik biik adiam? Bang ngaihdan na
nei uh? Sau ban zaw deuh adiam? "OLD IS GOLD" chih eilak ah zat
theilouh adiam?
- Zizou. V
Tuma kha bangtan hiam paita akipan in pawl tuamtuam in khotang ading a
hoihlou Khamtheih damdawi tang, a vui leh adangdang te khaam in pan
nasatak in la uh hi. a khamtheih percent bangzah ne uh ahi de aw! Aki
kham ma in aman Chng 5 bang man hita leh a hong kham chiang un 15-20
bang hong man ta hi. Kei ngaihdan in zaw kam vet lou hile tawm chik
man ding a, azuak te'n zong amet tom lua chi a zuak khollou ding uh hi
a maw! Tua bel azuak kithaman mahmah ta achi ve ua, azah 3/4 a met pha
uh aih chia maw. Ahah kham ua leh aman tam semsem, amet tam, zuak
kitha man mahmah chi uh ei, Guai!!
- Zo Penglam, Ngeisok Square
BANDH chihlouh ngal I haksatna uh a genkhiat theih didan tuan thei zou
mahmah lou I di uam maw….
- 9471361680
I nek hem sa uh Khuga Dam tuilam (canal) Kristian midiktat vangam kai
dia ki lamen 95% bang om na gam a kibawl di'n tuh se mun deuh hiau ei.
Biakinn bawl na ding sum khawng le iki nek siak khong di uh le lauhuai
kasa. A Tuitha chin na Dam taktak pen a chip kal ngak lah huai na e
maw? Nga mat in ki mat siak nainai le ut huai huai na mahmah zouzen
tel e. Sum nekguk di tam deuh di chi a, MDC election neih kal ngaklah
ihi di uh maw? Lawmlawm tel geuh mahmah mai. Dah huai kasa.
- Gam lungngaih tu
I Khuga Dam gen minthang uh mitamtak te a ding in hauhsakna naak, mipi
te adia a phattuam na bangmah gen ding a om ma leh zohsiang leng ahih
ma na ngawn in hihsiat tampi – tuilou, ngakul leh adangdang a neih tak
ban ah, tu nung a dia I TIME BOMB uh chiklai peuh a puakzak thei gige
kikam khum houh ihi duam maw?
- 9862199007
Lamka khaw lai a SPEED BREAKER te rong (colour) ki nuh vek hileh,
accident ding veng pha ban mahmah ding hi.
- Muan Shamte
Lamka Damdawi inn a ki aat di teng Sielmat Damdawi inn ah ichi sek ua,
bang ziak ahi di? Huai lam a ki aat man sum lak hangsan huai deuh ahi
di maw? Lamka Damdawi inn alah vanteng kimvek chi ngal ua, huchia
Sielmat lam a mi a aat chiang ua lah avan te tawi suk thou uh hi a.
Ahih kei leh huai lam a sumlak hangsan huai deuh ahih leh Sielmat
Christian Hospital kha Corruption Damdawi inn chih mai tak di hilou di
maw, na chi na?
- Dk Tongsing
Bank a NREGS thaman la te gim thei lua ua, athawn kik bang a omom sang
in, serial number bawl sak a, aban ban a piak a, tuni in number hiai
zah tan hawm di chih hileh anuam deuh diam?
- 9856293538
Numei te'n niik sing lua khawng non teen chiang ua ki buai thei lua
ahi. Ahih theih leh khekol tawn lampang hong teeng thei ta le uh
chin…. A neilou te'n ka kiang ah hong la un.
- Apa Gin @ Ginpu
Tulai huih hat thei lua, numei niik (skirts) siing taktak a teng te
pilvang un. A dawk lou di pipi khawng a hong dawk pahpah ahi aw.
- Akku's
Tulai pasal ki punk sak te'n bilbah khawng hon bat ua, ahi di mah hia?
Ahih keh, numei utlua ua, kiphasak chih dan deuh hia leh? Ka huphul
lua, hon chiing non kei un.
- CHM
Pasal khekol kawng kikhai na di le om lou khop a pai duarduar te'n,
numei te hon CHAK non vet kei un aw. Hope less le om lou eih kha….
- Cici Zomi
Sum pung hawm ka nekzon na ahi chi'a ki siamtan luat a dik diam?
Nungzui masate lah Pathian a it ziak un aneih teng uh kikop maimah in
ana khosa ua, eilawi in Pathian it zou lou a I neih leh lam te it ihi
uh hiam? Ngaihtuah tham!
- 9856361058
Tulai I Kristian hinkhua uh zaw kivel thak hun lota ahi. Kha lam a I
ginna uh ahat zohkhop leh I mihin pih te toh kituak lou se, Biak inn a
lasak chiang a lamlam te mibuai huai ahi nuam deuh.
- Dela Roix
Manipur Express in "Tuibuang" chi a gelh lou a "Tuibuong" chi a
agelhsek uh, Tuibuang hausate Mate-te ahi ua, amau zaw a signboard uah
"TUIBUANG" chi'n gelh uhi. Manipur Express in hausate gelh dan tawh
kituak in gelh leh chih om in a om.
- 9862417966
Numei te'n Serial et di na lunglut bang un, na pasal/tate/na inn-sung
uh vei le uh chin, na gintak khel un na innsung uh nuam ding in ka
gingta. Nou ngaihdan bang ahi-a leh? Save your Family.
- Joy Vualnam
Vodafone leh sum demand bawl te pawl, ki ngaihtuah thak uh hen la,
hong function ta le uh a ut huai tel.
- 9856361058
Mipi te'n I haksatna te uh toh kisai in I deihdan leh heutute hong
hichi zaw deuh le uh chi a I gengen te uh, UI kiang a ki gen hileh le
pil zaw ta di hi ve aw maw?
- 9612381204
I vengsung te ua, Culvert neu chikchik te a vang (hole)/a vek a chim
khevek pah chih tel zaw, lei sau (bridge) te a contract khak di uh na
lau law sam di uh maw?
- 9862647098
Zingkal teng a Biakk-Inn a hoh a, kap zen a thum thei zel, Inn tun
chiang a Innsung mite hou utlou, Itlou, Hehpihna himhim neilou te'n,
Setan va be zel uh hi'n teh maw? I biak Pathian a lung awi na diam? Na
omdan uleh Krist Tanchinhoih kituak sak phot phot un chi chih zaw
hiven maw? Na lungsim in a zuih zoh keileh, Biakk-Inn le pai nawn dah
vet lechin, mi'n hon mu sang zaw ding hi chih thei ta ni.
- 9615345316
Kum bangzah hiam pai ta in Saptuam upa khat in a zi a inn uah va kha.
Azi lam te'n indawng ta toh genfel sawm a pan alak lai un, a ki
tengsak tu Pastor mah in Pasal siamtangsak na lai suah in numei genkha
lou mawk. Inndongta in aban genthei ta lou. Tha-man, man leh mual I
pupa dan a inndawngta in ana lak te kua'n a sai ta dia?
- 9856530656
Tuailai te aw, iki vel thak di uh. Vangam ticket ka neita I chi na ua,
dai kikkawm a ilut pen uh I tawpsan ta di uh aw. Toupa mai a ding
diing ngen ihi uh. Tua I sawm pen uh le I tawp san mai uh aw? Mi hon
mukei na uh, Eh! Toupa'n hon mu eive maw….
- John Tonxing
Tuma a Vangngaitang, Dawltang khua a numei naupang thah a om suisuah
teitei ding leh, ki ban khakna neite aki tuahpih gawtna piak teitei na
dia hiai numei naupang panpihtu bei sulnung, sisan man suikhe ding,
Zogam ah a om kei a hia?
- N. Songkhanmuan Mimbung
Tulai a MIPI' AW a light toh kisai leh igam ah hichi zaw deuh leh chi
a I puak nat leh veite I gen uh, huai heutu pa/heutu nu kiang tung
thei hen la, hong ki ze phok in zum dan/kisuan lah dan hon thei leh
chih a deih huai e maw? Electric toh kisai in Power minister kua peuh
in I muang mahmah khem ua, hilele amah ahong hoh chia a, aom nana
meipai hoih lel a om pen, mipite'n hoihsa lou uhi. I gam a diktatna
leh khanthouh na deih a nasem heutu te'n pan lak dan hon sai le uh
chih Pathian min in iki ngen uhi.
- Kei mah na ZOMI pih
I district in Power minister I neih nasan a le electric in pai hoih ni
neilou chih lawmlawm tel. Pawer minister namdang hong hita leh, I
Lamka khopi ah khimpi hong ziing lou di hia maw? Power minister I neih
sung bek in I khopi sung ah aki engsawn di om lou di'n electric hong
pai hoih leh na chi kei uh maw? Pan la thei omtel lou ihi uh hia le?
- 9856578868
MIPI' AW na hon pat khiat uh nuam in kipah huai petmah hi. Kal khat in
khatvei live phone in om hen la commentator te'n comment or dawnna hon
bawl lai le uh anuam zaw deuh ding in ka ging ta.
- K Chin Bungmual (9856473694)
Angel's Vision tungtawn a, Thilhoih leh ngaihdan tuam tuam genkhiak
theihna ding MIPI' AW na hon patkhiak uh kipahhuai petmah hi.
Himahleh, atamzaw te'n lungkimlouhna leh soiselna lam kia genna ibat
sak pen dik zoulou deuh kasa. Ahihtheihlai leh, igam sung leh mipi te
lak a thil hoih gen khiak tuak omte leng hong tel zel thei leh maw?
- 9615634415

THEIHSAK NA
MIPI' AW ah ding thu hoih taktak na hong khak
zel ziak un,
ngaina tute tung ah ka kipak petmah uhi.
Himahleh, thusuah ding a hong kipe teng
khat vei thu in hong kisuah thei lou ahih man in,
thusuah ding a na hong piak te uh ahong suah kei leh leng
hun nawn chiang in hong ki suah zel ding hi.
- Editorial board, MIPI' AW