National Tribal University mun ding chiang nailou

Imphal, July 30: Chief Minister O. Ibobi in a sawl ziakin tuni'n Minister 3 in NH-39 lamlian a etkhiak ban uah Indira Gandhi National Tribal University (IGNTU) mun ding leng enkhia uhi. Huai toh kisai in khenkhat in Ukhrul ahih keileh Mahadev mun khat zawsam hiding in govt theisak uh a, pawldang khenkhat in Kangpokpi a om sak ding in ngen uhi. Minister teamte'n hibang a kituhna om ziakin CM thupiak dungzuiin Kanglatongbi a mun awng khat enkhia uh a, Kwakeithel leh Kanglatongbi mun a bawl hiding in gen uhi. Huailou in Tribal University bawlkhiak ma in Administrative Block bawl masak hiding a, huai ding in Loitang Khunou a Spinning Mill lak leng Minister 3 te'n va enkhia uh a, tulel a Loitang Khunou a Assam Rifles omte suankhiak a, Administrative Block koih ding in gen uhi. Hiai toh kisai Cabinet ah puaklut hiding a, Cabinet in lem a sak aleh bawl hi pan phet ding hi.-ME